Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴱⵔⴰⵜ ⵢⴰⵜⵜⵓⵢⵏ ⵉⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⴱⵕⵍⴰⵎⵏⵉ ⴰⴳⵔⴰⵖⵍⴰⵏ ⵏ ⵜⵣⵔⴼⵜ ⵜⴰⵏⴰⵎⵓⵏⵜ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴱⵔⴰⵜ ⵢⴰⵜⵜⵓⵢⵏ ⵉⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⴱⵕⵍⴰⵎⵏⵉ ⴰⴳⵔⴰⵖⵍⴰⵏ ⵏ ⵜⵣⵔⴼⵜ ⵜⴰⵏⴰⵎⵓⵏⵜ

19 ⴱⵕⴰⵢⵕ 2016 Version Imprimable
ⵕⵕⴱⴰⴹ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵜⴰⴱⵔⴰⵜ ⵢⴰⵜⵜⵓⵢⵏⵜ ⵉⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⴱⵕⵍⴰⵎⵏⵉ ⴰⴳⵔⴰⵖⵍⴰⵏ ⵏ ⵜⵣⵔⴼⵜ ⵜⴰⵏⴰⵎⵓⵏⵜ, ⵎⵉ ⵏⵏⵓⵕⵥⵎⵏⵜ ⵜⵡⵓⵔⵉⵡⵉⵏ ⵏⵏⵙ ⴰⵙⵙ ⵏ ⵓⵙⵉⵎⵡⴰⵙ ⴳ ⵕⵕⴱⴰⴹ.

ⵎⴰⵢⴰⴷ ⴰⴷ ⵢⵓⵛⴽⴰⵏ ⴳ ⵜⴱⵔⴰⵜ ⵢⴰⵜⵜⵓⵢⵏ ⵉⵖⵔⴰ ⵓⵎⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⵄⴱⴷ ⵍⵟⵟⵉⴼ ⵍⵎⵏⵏⵓⵏⵉ… ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⵏⵏⵙ ⵢⴰⵜⵜⵓⵢⵏ, ⵎⴰⵙ ⴷ ⵉⵙⴱⵖⵔⵏ ⵉⵍⴽⵎ ⵍⵎⵖⵔⵉⴱ ⵙ ⵍⴼⴰⴹⵍ ⵏ ⵜⵙⵏⵜⴰⵢⵉⵏ ⵉⵖⵓⴷⴰⵏ ⵉⵏⵏⵓⵕⵥⵎⵏ, ⵎⴰⵢⴰⴷ ⴰⴷ ⵢⵓⵊⵊⴰⵏ ⵜⴰⴳⵍⴷⵉⵜ ⴰⵜⵏⵏⵓⵕⵥⵎ ⵅⴼ ⵓⵖⴰⵡⴰⵙ ⴰⵎⵖⵔⴰⴱⵉⵢ ⵏ ⵜⵣⵔⴼⵜ ⵜⴰⵏⴰⵎⵓⵏⵜ. ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ, ⵎⴰⵙ ⴷ « ⵉⵙⴱⵖⵔⵏ ⵉⵍⴽⵎ ⵍⵎⵖⵔⵉⴱ ⵙ ⵍⴼⴰⴹⵍ ⵏ ⵜⵙⵏⵜⴰⵢⵉⵏ ⵉⵖⵓⴷⴰⵏ ⵉⵏⵏⵓⵕⵥⵎⵏ, ⵎⴰⵢⴰⴷ ⴰⴷ ⵢⵓⵊⵊⴰⵏ ⵜⴰⴳⵍⴷⵉⵜ ⴰⵜⵏⵏⵓⵕⵥⵎ ⵅⴼ ⵓⵖⴰⵡⴰⵙ ⴰⵎⵖⵔⴰⴱⵉⵢ ⵏ ⵜⵣⵔⴼⵜ ⵜⴰⵏⴰⵎⵓⵏⵜ ». ⴷ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴷ ⵜⵜⵓⵙⵔⵙ ⵜⵏⵉⵍⴰ ⵜⴰⵎⴷⵔⴰⵡⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵓⵚⴽⴰ ⵏ ⵓⵖⴰⵡⴰⵙ ⴰⵎⵖⵔⵉⴱⵉⵢ ⵏ ⵜⵣⵔⴼⵜ ⵜⴰⵏⴰⵎⵓⵏⵜ, ⴷ ⵓⵙⵙⵓⵔⵙ ⵏ ⵉⵙⵙⵓⵖⵏ ⵉⴷⵓⵙⵜⵓⵔⵉⵢⵏ ⴷ ⵉⵙⵙⵓⵖⵏ ⵏ ⵜⴳⵍⴷⵉⵜ ⵙⵍⴰⵡⴰⵏ ⴰⴽⴽⵯ ⴳ ⵎⴰⵢⵥⵍⵉⵏ ⵙ ⵉⵣⵔⴼⴰⵏ ⵉⴷⴰⵎⵙⴰⵏ ⴷ ⵉⵏⴰⵎⵓⵏ ⴷ ⵉⴷⵍⵙⴰⵏ ⴷ ⵓⵡⵏⴰⴹ ⴷ ⵉⵣⵔⴼⴰⵏ ⵏ ⵉⴼⵔⵅⴰⵏ ⴷ ⵉⵣⵔⴼⴰⵏ ⵏ ⵎⵉⴷⴷⵏ ⵉⵎⵖⴹⴰⵕⵏ. ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⴰⵏⵏⵓⵕⵥⵎ ⵏ ⵓⵙⵡⵉⵏⴳⵎ ⴷ ⵓⵎⴹⴰⴽⴰⵕ ⴰⴳⴷⵓⴷⴰⵏ ⴳ ⵎⴰⵢⵥⵍⵉⵏ ⵙ ⵜⵓⵚⴽⴰⵡ ⵏ ⵓⵖⴰⵡⴰⵙ ⴰⵎⵖⵔⴰⴱⵉⵢ ⵏ ⵜⵣⵔⴼⵜ ⵜⴰⵏⴰⵎⵓⵏⵜ, ⵎⴰⵢⴰⴷ ⵉⵎⵍⴰ ⵓⴷⴷⵓⵙ ⵏ ⵜⵎⵔⵙⴰⵍ ⵜⵉⴷⵓⵙⵜⵓⵔⵉⵢⵏ ⵏ ⵜⴳⵍⴷⵉⵏⵜ, ⴷ ⵓⴼⵓⵍⴽⵉ ⵏ ⵉⵙⴰⵢⵙⵏ ⵉⴳⴷⵓⴷⴰⵏ ⵉⵏⴰⵎⵓⵔⵏ ⴷ ⵜⵥⴹⴰⵕⵜ ⵏⵏⵙ ⴰⴷ ⵢⴰⵙⵉ ⵜⴰⴷⵉⵏⴰⵎⵉⵢⵜ ⵏ ⵡⴰⵎⵓⵏ ⴷ ⵓⴳⵓⴷⵉ ⵏ ⵜⴰⵏⵏⴰⵢⵜⵉⵏ ⴷ ⵉⵏⵏⴰⵡ ⵏ ⵜⵏⴰⴼⵓⵜⵉⵏ. ⴳ ⵓⵣⵎⵣⵣⵓ ⴰⴷ, ⵉⵙⵏⵉⵎⵔ ⴱⴰⴱ ⵏ ⵡⴰⴷⴷⵓⵔ ⴰⵎⵢⴰⵡⴰⵙ ⵏ ⵓⵙⵇⵇⵉⵎ ⵏ ⵉⵎⵛⴰⵡⴰⵕⵏ ⴳ ⵓⵖⴰⵡⴰⵙ ⴰⴷ ⴳ ⵉⵙⵏⵎⴰⵍⴰ ⴰⵙⴳⵔⴰⵡ ⴰⴷ, ⵉⴳⴰⵏ ⵜⴰⵙⵏⵜⴰⵢⵜ ⵜⴰⵎⴰⵣⵡⴰⵔⵓⵜ ⴳ ⵓⵣⵎⵣⵣⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵣⵔⴼⵜ ⵜⴰⵏⴰⵎⵓⵏⵜ. ⴷ ⵢⵓⵛⴽⴰⴷ ⴳ ⵜⴱⵔⴰⵜ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⴰⵍⴽⵎ ⵏ ⵜⵣⵔⴼⵜ ⵜⴰⵏⴰⵎⵓⵏⵜ ⵉⴳⴰ ⴰⵙⵜⴰⵢ ⴰⵙⵜⵔⴰⵜⵉⵊⵉⵢ ⵏ ⵍⵎⵖⵔⵉⴱ ⴷ ⵓⵙⴳⵓⵎ ⵉⴷⴷⵓⵙⵏ ⴳ ⵉⵙⵡⴰⵍⴰⵏ ⵉⵙⵔⵜⴰⵏ ⴷ ⵉⴷⴰⵎⵙⴰⵏ ⴷ ⵉⵏⴰⵎⵓⵏ. ⴷ ⵉⵔⵏⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⵏⵏⵙ ⵎⴰⵙ ⴷ « ⵜⵉⵣⵉ ⴷ ⵜⵣⵔⴼⵜ ⴷ ⵓⵙⵉⴽⵙⴰⵍ ⵉⴳⴰ ⵙⴳ ⵜⵙⵉⵍⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵉⵙⵡⴰⵍⵏ ⵉⵙⵜⵔⴰⵜⵉⵊⵉⵢⵏ ⵉⵥⵍⵉⵏ ⵙ ⵜⵙⵔⵜⵉⵜ ⵜⴰⴳⴷⵓⴷⴰⵏⵜ, ⵙⵍⴰⵡⴰⵏ ⴰⴽⴽⵯ ⵍⵍⵉ ⵉⴳⴰⵏ ⵜⵉⵏ ⵜⵏⴱⴰⴹⵜ ⴷ ⵓⴱⵕⵍⴰⵎⴰⵏ ⴷ ⵉⵙⵇⵇⵉⵎⵏ ⵏ ⵜⴳⵔⴰⵡⵉⵏ ⵜⵉⵏⴰⵎⵓⵔⵉⵏ. ⴷ ⵉⴼⵔⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵜⴰⵏⵏⴰⵢⵜ ⵜⴰⵏⴼⴳⴰⵏⵜ ⵙⵍⴰⵡⴰⵏ ⴰⴽⴽⵯ ⵜⴰⵙⵏⵜⴰⵢⵜ ⵜⴰⵏⴰⵎⵓⵔⵜ ⵜⴰⵏⴼⴳⴰⵏⵜ ⴳ ⵜⵙⵓⵜⵍⵜ ⵏⵏⵙ ⵜⴰⵎⵣⵡⴰⵔⵓⵜ ⴷ ⵜⵉⵙⵙ ⵙⵏⴰⵜ, ⴷ ⵓⵖⴰⵡⴰⵙ ⵏ ⵜⴳⵎⵉ ⵏ ⵉⵎⵣⴷⴰⵖ ⵏ ⵓⴼⴰⵔⴰⵏ, ⵎⵉⴷⴷⵏ ⵉⵥⵍⴹⵏ. ⴷ ⵉⵙⴰⵡⵍ ⵙⵓⵍ ⴳ ⵓⵙⴳⵓⵎ ⴰⴷ ⵅⴼ ⵜⵏⵉⵍⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵥⵍⵉⵏ ⵙ ⵓⵙⵙⵓⵊⴷ ⵏ ⵓⵖⴰⵡⴰⵙ ⴰⵏⴳⵎⵓ ⵏ ⵜⵙⴳⴳⵯⵉⵡⵉⵏ ⵏ ⵉⴼⴼⵓⵙ ⵉⴳⴰⵏ ⵉⵔⵉⵎ ⵉⵖⵓⴷⴰⵏ ⴳ ⵜⵏⴽⵔⴰ ⵏ ⵜⵣⵔⴼⵜ ⵜⴰⵏⴰⵎⵓⵏⵜ.

Fichier attaché :
Icône image menouni_-_forum_parlementaire_sur_la_justice_sociale_-m.jpg
Dernière modification : 19 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%89%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B4%B1%E2%B5%95%E2%B5%8D%E2%B4%B0%E2%B5%8E%E2%B5%8F%E2%B5%89#comment-0