Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⴽⵔ ⴰⵔⵣⴰⴼ ⵉ ⵜⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⵏ ⵍⵎⵖⵔⵉⴱ ⴳ ⵓⵖⵍⵉ ⴰⴼⴰ ⴷ ⵉⴱⵉⴷ ⵅⴼ ⵜⵓⴳⴳⵯⴰⵣ ⵉⵜⵜⵓⵙⴽⵔⵏ ⴳ ⵜⵏⴰⴼⵓⵜⵉⵏ ⵏ ⵜⵙⵇⵓⵏⵙⵓⵜ ⴰⵣⵣⴳⵉⵔ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⴽⵔ ⴰⵔⵣⴰⴼ ⵉ ⵜⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⵏ ⵍⵎⵖⵔⵉⴱ ⴳ ⵓⵖⵍⵉ ⴰⴼⴰ ⴷ ⵉⴱⵉⴷ ⵅⴼ ⵜⵓⴳⴳⵯⴰⵣ ⵉⵜⵜⵓⵙⴽⵔⵏ ⴳ ⵜⵏⴰⴼⵓⵜⵉⵏ ⵏ ⵜⵙⵇⵓⵏⵙⵓⵜ ⴰⵣⵣⴳⵉⵔ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ

23 ⴱⵕⴰⵢⵕ 2016 Version Imprimable
ⴱⴰⵔⵉⵣ - ⵉⵙⴽⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⵙ ⵡⵉⵙⵙ ⵚⴹⵉⵙ ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ, ⴰⵔⵣⴰⴼ ⵉ ⵜⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⵏ ⵍⵎⵖⵔⵉⴱ ⴳ ⵓⵖⵍⵉ ⴰⴼⴰ ⴷ ⵉⴱⵉⴷ ⵅⴼ ⵜⵓⴳⴳⵯⴰⵣ ⵉⵜⵜⵓⵙⴽⵔⵏ ⴳ ⵜⵏⴰⴼⵓⵜⵉⵏ ⵏ ⵜⵙⵇⵓⵏⵙⵓⵜ, ⴰⵣⵣⴳⵉⵔ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵉⵜⵜⵓⴼⴽⴰⵏ ⴳ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ 30 ⵢⵓⵍⵢⵓⵣ 2015.
ⵎⴰⵢⴰⴷ ⵉⴽⵛⴰⵎ ⴳ ⵓⵙⴰⵜⵉ ⵏ ⵓⵏⵀⵍⵍⴰ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵎⵖⵔⴰⴱⵉⵢⵏ ⵉⵣⴷⴰⵖⵏ ⴳ ⴱⵕⵕⴰ. ⴳ ⵓⵣⵎⵣⵣⵓ ⴳ ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵍⵍⴰ ⴳ ⵓⵙⵏⵓⴱⴳ ⵏⵏⵙ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵎⴰⵙⵙ ⵚⴰⵍⴰⵃ ⴷⴷⵉⵏ ⵎⵣⵡⴰⵔ, ⴷ ⵓⵎⴰⵡⵙⴰⵙ ⵉⵎⴳⵍⵏ ⵙ ⵉⵎⵖⵔⴰⴱⵉⵢⵏ ⵉⵍⵍⴰ ⴱⵕⵕⴰ ⵎⴰⵙⵙ ⴰⵏⵉⵙ ⴱⵉⵔⵓ, ⴷ ⵓⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴳ ⴼⵕⴰⵏⵙⴰ ⵎⴰⵙⵙ ⵛⴰⴽⵉⴱ ⴱⵏ ⵎⵓⵙⴰ ⴷ ⵓⵇⵓⵏⵙⵓⵍ ⴰⵎⴰⵜⵜⴰⵢ ⵏ ⵍⵎⵖⵔⵉⴱ ⴳ ⵓⵖⵍⵉ ⵎⴰⵙⵙⴰ ⵎⴰⵍⵉⴽⴰ ⵍⵄⴰⵍⴰⵡⵉ. ⴷⴼⴼⵉⵔ ⴳ ⵉⵣⵣⵓⵍⵏ ⴷ ⴱⴰⴱ ⵏ ⵡⴰⴷⴷⵓⵔ 16 ⵏ ⵓⵇⵓⵏⵙⵓⵍ ⴰⵎⴰⵜⵜⴰⵢ ⵏ ⵜⴳⵍⴷⵉⵜ ⴳ ⴼⵕⴰⵏⵙⴰ, ⴷ ⵛⴰⵢⴳⴰⵏ ⵏ ⵉⵎⵙⵜⴳⴳⵯⴰⵔⵏ ⵉⵎⵖⵔⴰⴱⵉⵢⵏ, ⵜⵜⵓⵙⵎⵏⵉⴷ ⴷⴰⵜ ⴱⴰⴱ ⵏ ⵡⴰⴷⴷⵓⵔ ⵉⵙⴳⵓⵎⵏ ⵏ ⵓⵙⵖⵓⴷⵓ ⵏ ⵜⵏⴰⴼⵓⵜⵉⵏ ⵏ ⵜⵙⵇⵓⵏⵙⵓⵍⵉⵏ. ⵙ ⵓⵣⵎⵣⵣⵓ ⴰⴷ, ⵉⵙⵏⵉⵎⵔ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵙ ⵢⵉⵙⵎ ⵏ ⵉⵎⵖⵔⴰⴱⵉⵢⵏ ⵉⵣⴷⴰⵖⵏ ⴳ ⴱⵕⵕⴰ, ⴷ ⵙ ⵢⵉⵙⵎ ⵏ ⵜⴳⵔⴰⵡⵜ ⵜⴰⵎⵖⵔⴰⴱⵉⵢⵜ ⵉⵣⴷⴰⵖⵏ ⴱⵕⵕⴰ ⴷ ⵉⵇⵓⵏⵙⵓⵍⵏ, ⵅⴼ ⵓⵏⵀⵍⵍⴰ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵓⵙⵖⵓⴷⵓ ⵏ ⴷ ⵜⵔⵉⵜ ⵏⵏⵙ ⴰⴷ ⵉⵙⴱⵓⵖⵍⵓ ⵜⴰⵖⴰⵔⴰ ⵏ ⵜⵏⴰⴼⵓⵜⵉⵏ ⵉⵎⵣⴷⴰⵖ ⵏ ⴱⵕⵕⴰ ⴷ ⵜⵎⵙⵓⵜⴰⵍ ⵏ ⵜⵡⵓⵔⵉ ⴳ ⵜⵙⵇⵓⵏⵙⵓⵍⵉⵏ. ⴷ ⵉⵙⵎⵏⵉⴷ ⵓⵎⴰⵡⵙⴰⵙ ⴳ ⵡⴰⵡⵍ ⵏⵏⵙ ⵙ ⵓⵣⵎⵣⵣⵓ ⴰⴷ, ⵜⴰⵎⴰⵎⴽⵜ ⵏ ⵜⵡⵓⵔⵉ ⵍⵍⵉ ⵉⵜⵜⵓⵙⵔⵙⵏ, ⴷ ⵉⵙⵏⵜⵉⵜⵏ ⵍⵍⵉ ⵔⴰⴷ ⵉⵜⵜⵓⵙⴽⵔ ⴳ ⵓⵙⵡⵉⵔ ⵏ ⵜⵎⵙⵙⴰⴳⵓⵔⵜⵉⵏ ⵜⵉⵏⴰⵎⵎⴰⵙⵉⵏ ⴳ ⵓⵥⵟⵟⴰ ⵏ ⵜⵙⵇⵓⵏⵙⵓⵍⵜ. ⴷ ⵉⵙⴽⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⵙ ⵡⵉⵙⵙ ⵚⴹⵉⵙ ⴰⴷ ⵜ ⵉⵏⵚⵕ ⵕⴱⴱⵉ, ⴰⵔⵣⴰⴼ ⵉ ⵎⵏⵏⴰⵡ ⵏ ⵜⵏⴰⴼⵓⵜⵉⵏ ⵏ ⵜⵙⵇⵓⵏⵙⵓⵍⵜ, ⵙⵍⴰⵡⴰⵏ ⴰⴽⴽⵯ ⵜⴰⵏⴰⴼⵓⵜ ⵏ ⵓⵙⵏⵓⴱⴳ, ⴷ ⵓⵎⴷⵢⴰ ⵓⵖⵔⵉⵎ, ⴷ ⵜⵏⴰⴼⵓⵜ ⵏ ⵓⵏⵜⴰⵎ, ⴷ ⵜⵏⴰⴼⵓⵜ ⵏ ⵜⴰⴽⴰⵔⴹⴰ ⵏ ⵓⵙⵢⵉⵙⵙⵏ ⴰⵏⴰⵎⵓⵔ ⵉⵍⵉⴽⵜⵔⵓⵏⵉ, ⴷ ⵜⵏⴰⴼⵓⵜ ⵏ ⵜⴷⵔⵙⵉ ⵏ ⵓⵣⵎⵣ ⵏ ⵜⵓⵙⴽⵔⴰ ⵏ ⵜⵏⵜⴰⵎⵜ ⵙⴳ 45 ⵏ ⵡⴰⵙⵙ ⵖⵉⵍⴰⴷ 10 ⵏ ⵢⵓⵙⵙⴰⵏ. ⴷ ⵉⵎⵏⴰⴳⴰⵔ ⴱⴰⴱ ⵏ ⵡⴰⴷⴷⵓⵔ ⴷ ⵉⵙⵎⴷⵢⴰⵜⵏ ⵏ ⵉⵎⵣⴷⴰⵖ ⵏ ⴱⵕⵕⴰ ⵉⵍⵍⴰ ⴳ ⵓⴷⵡⴰⵕ ⵏ ⵓⵖⵍⵉ, ⴳ ⵙⵏⵉⵎⵔⵏ ⵛⴰⵢⴳⴰⵏ ⴱⴰⴱ ⵏ ⵡⴰⴷⴷⵓⵔ, ⴷ ⵙⴷⴷⵉⴷⵏ ⵓⴹⵓⴼ ⵏⵏⵙⵏ ⵙ ⵜⴳⵍⴷⵉⵜ ⵏ ⵍⵎⵖⵔⵉⴱ. ⴳ ⵜⴳⴰⵔⴰ ⵜⵜⵓⵙⴽ ⵜⵡⵍⴰⴼⵜ ⵏ ⵓⴽⵜⵜⴰⵢ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵉⴳⵎⴰⵎⵏ ⵏ ⵜⵙⵇⵓⵏⵙⵓⵍⵜ.
Dernière modification : 23 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%99%E2%B4%BD%E2%B5%94-%E2%B4%B0%E2%B5%94%E2%B5%A3%E2%B4%B0%E2%B4%BC-%E2%B5%89-%E2%B5%9C%E2%B5%99%E2%B5%87%E2%B5%93%E2%B5%8F%E2%B5%99%E2%B5%93%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2%E2%B5%9C-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B5%93%E2%B5%96%E2%B5%8D%E2%B5%89-%E2%B4%B0%E2%B4%BC%E2%B4%B0-%E2%B4%B7-%E2%B5%89%E2%B4%B1%E2%B5%89%E2%B4%B7-%E2%B5%85%E2%B4%BC#comment-0