Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴰⵡ ⵢⴰⵜⵜⵓⵢⵏ ⵉ ⵜⵇⵉⵛⵛⵉⵜ ⵜⴰⵏⵙⵍⴰⵎⵜ ⵜⵓⵙⵍⵉⴷⵜ ⵜⵉⵙⵙ ⵙⵎⵎⵓⵙ ⴳ ⵊⴰⴽⴰⵔⵟⴰ ⵅⴼ ⴼⵉⵍⵉⵙⵟⵉⵏ ⴷ ⵍⵇⵓⴷⵙ ⵜⴰⵛⵔⵉⴼⵜ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴰⵡ ⵢⴰⵜⵜⵓⵢⵏ ⵉ ⵜⵇⵉⵛⵛⵉⵜ ⵜⴰⵏⵙⵍⴰⵎⵜ ⵜⵓⵙⵍⵉⴷⵜ ⵜⵉⵙⵙ ⵙⵎⵎⵓⵙ ⴳ ⵊⴰⴽⴰⵔⵟⴰ ⵅⴼ ⴼⵉⵍⵉⵙⵟⵉⵏ ⴷ ⵍⵇⵓⴷⵙ ⵜⴰⵛⵔⵉⴼⵜ

07 ⵎⴰⵕⵚ 2016 Version Imprimable
ⵊⴰⴽⴰⵔⵟⴰ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ, ⵉⵏⴰⵡ ⵢⴰⵜⵜⵓⵢⵏ ⵉⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵜⵇⵉⵛⵛⵉⵜ ⵜⴰⵏⵙⵍⴰⵎⵜ ⵜⵓⵙⵍⵉⴷⵜ ⵜⵉⵙⵙ ⵙⵎⵎⵓⵙ ⴳ ⵊⴰⴽⴰⵔⵟⴰ ⵅⴼ ⴼⵉⵍⵉⵙⵟⵉⵏ ⴷ ⵍⵇⵓⴷⵙ ⵜⴰⵛⵔⵉⴼⵜ.

ⴷ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ, ⵉⴹⴼⴰⵔⵏ ⵉ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⵏⵙⵍⴰⵎ, ⵉⵜⵜⵓⵙⴽⵔⵏ ⵃⵎⴰ ⴰⴷ ⵜⵎⵣⴰⵖ ⵅⴼ ⵜⵎⴷⵉⵏⵜ ⴰⴷ ⴷⴰⵔ ⵉⵍⵍⴰ ⵡⴰⴷⴷⵓⵔ, ⴷ ⵉⴳⴰⵏ ⵜⴰⵙⴰⵔⵓⵜ ⵏ ⵓⵎⵏⵣⴰⵖ, ⵎⴰⵙ ⵍⵎⵖⵔⵉⴱ ⵔⴰⴷ ⵉⵙⵏⵓⴱⴳ ⴷ ⵉⵙⵏⴰⵍ ⴽⵓⵍ ⵜⵉⵙⵏⵜⴰⵢⵉⵏ ⵍⵍⵉ ⵎⵉ ⵉⴳⴰ ⵓⵡⵜⵜⴰⵙ ⵏⵏⵙⵏⵜ ⴰⵙⴰⵍⴰ ⵏ ⵓⵙⴷⵓⵔⵔⵉ ⵏ ⵉⵙⵔⴰⵢⵉⵍ, ⴷ ⵓⵙⵖⵣⵏ ⵏ ⵜⴰⵙⵉⵎⴰⵏⵜ ⵏ ⵓⵡⴰⵏⴽ ⵏ ⴼⵉⵍⵉⵙⵟⵉⵏ ⴳ ⵓⴳⵎⵉⵔ ⵏ 1967, ⵍⵍⵉ ⵖ ⵜⴳⴰ ⵍⵇⵓⴷⵙ ⵏ ⵓⵙⵏⵇⵔ ⵜⴰⵎⴰⵥⵓⵏⵜ ⵏⵏⵙ.

ⴷ ⵉⵙⵏⵉⵎⵔ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⵊⵓⴽⵓ ⵡⵉⴷⵓⴷⵓ, ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴰⴷⵓⵏⵉⵙⵢⴰ, ⵉⵙⵏⵓⴱⴳⵏ ⵜⴰⵇⵉⵛⵛⵉⵜ ⴰⴷ ⴷⴷⵓ ⵜⴰⵎⴰⵜⴰⵔⵜ : « ⵜⴰⵎⵓⵏⵜ ⵅⴼ ⵓⴼⵙⵙⴰⵢ ⴰⵣⵔⴼⴰⵏ ⴷ ⵓⵎⵖⵍⴰⵍ », ⴷ ⵙ ⵜⵉⵡⵉⵣⵉ ⵏ ⴰⵏⴷⵓⵏⵉⵙⵢⴰ ⵉ ⵜⴰⵎⵙⴰⵔⵜ ⵏ ⴼⵉⵍⵙⵟⵉⵏ.

ⴳ ⵓⵎⵏⴰⴹ ⴰⴷ, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⵢⴰⵜⵜⵓⵢⵏ, ⵎⴰⵙ ⵜⴰⵇⵉⵛⵛⵉⵜ ⴰⴷ ⵜⵜⵓⵙⴽⵔ ⴳ ⵢⴰⵏ ⵡⴰⴷⴷⴰⴷ ⵢⵓⵙⵙⴰⵏ ⴷ ⵉⵛⵇⴰⵏ, ⴳ ⵓⵙⵡⵉⵔ ⴰⵙⴳⴰⵡⴰⵏ ⴷ ⵓⵎⴰⴹⵍⴰⵏ, ⴳ ⵍⵍⴰⵏⵜ ⵎⵏⵏⴰⵡ ⵏ ⵜⴰⵙⵙⴰⵙⵉⵏ, ⴷ ⴰⵍⴰⵢ ⵏ ⵓⴷⵓⵣ ⴳ ⵜⵎⵉⵣⴰⵔ ⵏ ⵉⵏⵙⵍⵎⴰⵏ, ⴷ ⵜⴰⵣⵣⵉⴳⵉⵣⵜ ⵏ ⵉⵙⴷⵉⴷⴷⵉⵢⵏ ⵏ ⵜⵏⴼⵔⵓⵜ ⴷ ⵓⴱⵔⵙⴳⴳⵯⴰⴷ ⵍⵍⵉ ⵓⵔⵔ ⵉⵔⵉ ⵓⴳⴷⵓⴷ ⴰⵏⵙⵍⴰⵎ, ⴷ ⵍⵍⵉ ⵜⴳⴳⵯⴰⵏ ⵉⵄⴷⴰⵡⵏ ⵏⵏⵖ ⵃⵎⴰ ⴰⴷ ⵓⵜⵉⵏ ⴰⵜⵉⴳ ⴰⴷⵍⵙⴰⵏ ⴷ ⵓⵖⵔⵎⴰⵏ ⵏⵏⵖ.

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ ⵎⴰⵙ « ⴷⴰ ⵉⵜⵜⴰⵡⵙ ⵉ ⵓⴼⵙⵙⴰⵢ ⴰⵙⵔⵜⴰⵏ ⴷ ⵓⴷⵉⴱⵍⵓⵎⴰⵙⵉ, ⴷ ⵜⵡⵓⵔⵉ ⴳ ⵓⴱⴰⵔⴰⵣ ⵃⵎⴰ ⴰⵏ ⵙⵖⵓⴷⵓ ⵜⵓⴷⵔⵜ ⵏ ⵉⴼⵉⵍⵉⵙⵟⵉⵏⵉⵢⵏ, ⴷ ⵏⵙⵏⴰⵍ ⵜⵉⵥⵉⴹⵕⵜ ⵏⵏⵙⵏ ⴳ ⵡⴰⴽⴰⵍ ⵏⵏⵙⵏ, ⴱⵍⴰ ⴰⵏ ⵜⵜⵓ ⵜⵉⵡⵉⵣⵉ ⵜⴰⵎⴰⴹⵍⴰⵏⵜ ⴳ ⵓⵙⵏⵜⵉ ⴰⴷ, ⵍⵍⵉ ⵎⵉ ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⵖⵣⴰⵏ ⵏ ⵙⵍⴰⵎⵜ ⵜⴰⵎⵖⵍⴰⵍⵜ ⴷ ⵜⵣⵔⴼⴰⵏⵜ ».

ⴷ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵎⴰⵙ «ⴰⵎⵣⴰⵖ ⵏ ⵡⴰⴽⴰⵍ ⵏ ⴼⵉⵍⵉⵙⵟⵉⵏ ⵉⵜⵜⵓⵙⴷⵓⵔⵔⵉⵏ ⴳ ⵜⴰⵡⵏⴰⵖⵜ ⵏ ⵓⵙⴷⵓⵔⵔⵉ ⵏ ⵡⵓⴷⴰⵢⵏ, ⴷ ⵓⵙⵏⴰⵍ ⵏ ⵎⵉⴷⴷⵏ ⵍⵍⵉ ⴳⵉⵙ ⵉⵇⵇⴰⵎⴰⵏ, ⵓⵔⵔⴰⴷ ⵢⴰⵛⴽ ⵙ ⵡⴰⵡⴰⵍ ⵉⵅⵡⴰⵏ, ⵎⵖⴰⴷ ⵙ ⵓⵙⵢⴰⴼⴰ ⵏ ⵜⴰⵎⵙⴰⵔⵜ ⴰⴷ ⴳ ⵉⵡⵜⵜⴰⵙⵏ ⵉⵅⵡⴰⵏ, ⵎⴰⵛ ⴰⵢⴰⴷ ⵜⵅⵚⵚⴰⵜ ⵜⵡⵓⵔⵉ ⵜⴰⵅⴰⵜⴰⵔⵜ ⴰⵎⵎⴰⵙ ⵏ ⵡⴰⴽⴰⵍ ⵏ ⴼⵉⵍⵉⵚⵟⵉⵏ, ⴷ ⵉ ⵡⴼⴳⴰⵏ ⴰⴼⵉⵍⵉⵙⵟⵉⵏⵉⵢ ».

ⴷ ⵉⴼⵔⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜⴰⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⵏⵙⵍⴰⵎ ⵜⵙⴽⴰⵔ ⵢⴰⵏ ⵓⵎⵎⴰⴽ ⴰⵎⵔⵙⴰⵍ, ⴷⴷⵓ ⵉⴱⴷⴷⵉ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ, ⵉⴳⴰⵏ ⵜⴰⴷⴷⴰⵔⵜ ⵏ ⵓⵥⵔⴼ ⵏ ⵍⵇⵓⴷⵙ, ⵎⵉ ⵉⴳⴰ ⵓⵡⵜⵜⴰⵙ ⵏⵏⵙ ⴰⴼⵔⴰⴳ ⴷ ⵃⵟⵟⵓ ⵏ ⵜⵎⴷⵉⵏⵜ ⵏ ⵍⵇⵓⴷⵙ ⵏ ⵓⵙⵏⵇⵔ ⴳ ⴽⵓⵍ ⵜⵉⵖⴰⵡⵙⵉⵡⵉⵏ ⵍⵍⵉ ⵉⵣⴹⴰⵔⵏ ⴰⴷ ⵉⴽⵙ ⵜⴰⵎⴰⴳⵉⵜ ⵜⵉⴷⴷⵜ ⵏⵏⵙ, ⵉⴳⴰⵏ ⵉⵏⵉⴳⵍ ⵏ ⵜⵎⵢⵉⴷⵔⵜ ⴷ ⵙⵍⴰⵎⵜ, ⴳ ⵜⴰⵏⴽⴷⴰ ⵏ ⵜⵡⵉⵣⵉ ⵉ ⵉⵎⵣⴷⴰⵖ ⵉⴼⵉⵍⵙⵟⵉⵏⵉⵢⵏ, ⴷ ⵉ ⵜⵎⵔⵙⴰⵍ ⵏ ⴼⵉⵍⵉⵙⵟⵉⵏ ⴳ ⵜⵎⴷⵉⵏⵜ ⴰⴷ ⵜⴰⵛⵔⵉⴼⵜ.

Dernière modification : 07 ⵎⴰⵕⵚ 2016
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%8F%E2%B4%B0%E2%B5%A1-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%89-%E2%B5%9C%E2%B5%87%E2%B5%89%E2%B5%9B%E2%B5%9B%E2%B5%89%E2%B5%9C-%E2%B5%9C%E2%B4%B0%E2%B5%8F%E2%B5%99%E2%B5%8D%E2%B4%B0%E2%B5%8E%E2%B5%9C-%E2%B5%9C%E2%B5%93%E2%B5%99%E2%B5%8D%E2%B5%89%E2%B4%B7%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8E%E2%B5%8E%E2%B5%93%E2%B5%99-%E2%B4%B3#comment-0