Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵉⵙⴷⴷⵉⴷ ⴰⵙⵏⵉⵎⵔ ⵏⵏⵙ ⵉ ⵜⵡⵉⵣⵉ ⵉⵣⴷⵉⵏ ⵏ ⵜⵎⵉⵣⴰⵕ ⵏ ⵍⵅⴰⵍⵉⵊ ⵉ ⵍⵎⵖⵔⵉⴱ ⴳ ⴰⵎⵣⴰⵖ ⵅⴼ ⵜⴰⵎⵓⵏⵜ ⵏ ⵡⴰⴽⴰⵍ ⵏⵏⵙ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵉⵙⴷⴷⵉⴷ ⴰⵙⵏⵉⵎⵔ ⵏⵏⵙ ⵉ ⵜⵡⵉⵣⵉ ⵉⵣⴷⵉⵏ ⵏ ⵜⵎⵉⵣⴰⵕ ⵏ ⵍⵅⴰⵍⵉⵊ ⵉ ⵍⵎⵖⵔⵉⴱ ⴳ ⴰⵎⵣⴰⵖ ⵅⴼ ⵜⴰⵎⵓⵏⵜ ⵏ ⵡⴰⴽⴰⵍ ⵏⵏⵙ

20 ⵉⴱⵔⵉⵔ 2016 Version Imprimable
ⵕⵕⵉⵢⴰⴹ - ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵕⵕⵉⵢⴰⴹ, ⴰⵙⵏⵉⵎⵔ ⵏⵏⵙ ⵉ ⵜⵡⵉⵣⵉ ⵉⵣⴷⵉⵏ ⵏ ⵜⵎⵉⵣⴰⵕ ⵏ ⵍⵅⴰⵍⵉⵊ ⵉ ⵍⵎⵖⵔⵉⴱ ⴳ ⴰⵎⵣⴰⵖ ⵅⴼ ⵜⴰⵎⵓⵏⵜ ⵏ ⵡⴰⴽⴰⵍ ⵏⵏⵙ, ⵍⵍⵉ ⵖ ⵜⴳⴰ ⴳ ⵜⵏⵣⵔⵓⴼⵜ ⵜⵎⵖⵔⴰⴱⵉⵢⵜ ⵜⴰⵎⵙⴰⵔⵜ ⵏⵏⵙⵏ.

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴳ ⵉⵏⵏⴰⵡ ⵏⵏⵙ ⵙ ⵓⵣⵎⵣⵣⵓ ⵏ ⵓⵕⵥⵥⵓⵎ ⵏ ⵜⵇⵉⵛⵛⵉⵜ ⵜⴰⵎⵖⵔⴰⴱⵉⵢⵜ- ⵜⴰⵅⴰⵍⵉⵊⵉⵢⵜ ⴳ ⵕⵕⵉⵢⴰⴹ, ⵎⴰⵙ «ⵜⵏⵣⵔⵓⴼⵜ ⵜⵎⵖⵔⴰⴱⵉⵢⵜ ⵜⴳⴰ ⵜⴰⵎⵙⴰⵔⵜ ⵏ ⵜⵎⵉⵣⴰⵕ ⵏ ⵍⵅⴰⵍⵉⵊ.

ⵙ ⵓⵙⵏⵜⵉ ⴰⴷ, ⵉⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ « ⴳ ⵓⵙⴳⴳⵯⴰⵙ ⵏ 1975 ⴰⵎⵓⵏ ⵉⴽⴰⴱⴰⵔⵏ ⵙⴳ ⵙⵙⴰⵄⵓⴷⵢⴰ ⴷ ⵍⴽⵡⵉⵜ ⴷ ⵇⴰⵟⴰⵕ ⴷ ⵙⴰⵍⵟⴰⵏⴰⵜ ⵄⵓⵎⵎⴰⵏ ⴷ ⵍⵉⵎⴰⵕⴰⵜ ⴳ ⵜⵡⴰⴷⴰ ⵜⴰⵣⴳⵣⴰⵡⵜ ⵉⵙⴽⵔ ⵍⵎⵖⵔⵉⴱ ⵃⵎⴰ ⴰⴷ ⵉⵔⴰⵔ ⵜⵉⵙⴳⴳⵉⵡⵉⵏ ⵏ ⵉⴼⴼⵓⵙ ⵏⵏⵙ, ⵍⵍⵉ ⵉⵥⵍⵉⵏ ⵙ ⵜⵉⵍⵉⵜ ⵏ ⵉⴳⵎⴰⵜⵏⵖ ⴱⴰⴱ ⵏ ⵡⴰⴷⴷⵓⵔ ⵛⵛⵉⵅ ⵎⵓⵃⵎⵎⴷ ⴱⵏⵏ ⵣⴰⵢⴷ ⴰⵍ ⵏⴰⵀⵢⴰⵏ, ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵏ ⴰⴱⵓⴹⴰⴱⵉ ⴷⴰⵔ ⵜⵍⵍⴰ ⴳ ⵜⵉⵣⵉ ⴰⵏⵏ 14 ⵏ ⵓⵙⴳⴳⴰⵙ.

ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵙⴳ ⵜⵉⵣⵉ ⴰⵏⵏ, « ⵓⵔ ⵓⵊⵊⵉⵏⵜ ⵜⵎⵉⵣⴰⵔ ⵏ ⵍⵅⴰⵍⵉⵊ ⵜⵓⴳⴳⵯⴰⵣ ⵏⵏⵙⵏⵜ ⵃⵍⴰ ⴰⴷ ⴰⵡⵙⵏⵜ ⵉ ⵍⵎⵖⵔⵉⴱ ⴰⴷ ⵉⵃⵟⵓ ⵜⴰⵎⵓⵏⵜ ⵏ ⵡⴰⴽⴰⵍ ⵏⵏⵙ, ⴷ ⵓⵎⵣⴰⵖ ⵅⴼ ⵡⴰⴽⴰⵍ ⵏⵏⵙ, ⴷ ⵎⴰⵢⴰⴷ ⵜⵙⴷⴷⵉⴷⵎⵜ ⴳ ⵜⵎⵓⵔⴽⵉⵙ ⵜⴰⵎⴳⴳⵯⴰⵔⵓⵜ ⴷ ⵓⵏⴼⵍⵓⵙ ⴰⵎⴰⵜⵜⴰⵢ ⵏ ⵜⴰⵎⵓⵏⵜ ⵏ ⵜⵎⵜⵜⴰ ».

ⴷ ⵉⴼⵔⴰ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ « ⴰⴷⴷⴰⴷ ⵏ ⵜⵉⴽⵍⵜ ⴰⴷ ⵉⴳⴰ ⵉⵎⵉⵣⵉ, ⴷ ⵓⵔ ⵊⵉⵏ ⵉⵍⵍⵉ ⴳ ⵓⵎⵣⵔⵓⵢ ⵏ ⵓⵎⵏⵣⴰⵖ ⴰⴷ ⵅⴼ ⵜⵏⵣⵔⵓⴼⵜ ⵏ ⵍⵎⵖⵔⵉⴱ », ⴷ ⵉⵙⴷⴷⵉⴷ ⵎⴰⵙ « ⵢⵉⵡⴹⵏ ⵡⴰⴷⴷⴰⴷ ⵉⵎⵏⵖⵉ ⵙ ⵓⵙⵎⵔⵙ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⴰⵎⵓⵏⵜ ⵏ ⵜⵎⵜⵜⴰ ⵃⵎⴰ ⴰⴷ ⵙⴷⵉⴷⴷⵉⵏ ⵉⵥⵔⴼⴰⵏ ⵏ ⵍⵎⵖⵔⵉⴱ ⴷ ⵓⵎⵣⵔⵓⵢ ⵏⵏⵙ ⴳ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵢⵜ, ⴷⴼⴼⵉⵔ ⵜⴰⵙⴳⵓⵔⵉ ⵏⵏⵙ ⴷ ⵜⵉⵎⵙⴽⵔⵜ ⵓⵔ ⵉⵜⵜⵓⵇⴱⵉⵍⵏ ⴳ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵢⵜ.

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵍⵍⴰⵏ ⵛⴰⵢⴳⴰⵏ ⵏ ⵉⵖⴰⵡⴰⵙⵏ ⵉⵙⴷⵉⴷⴷⵉⵏ ⵜⴰⵏⴼⵔⵓⵜ ⴷ ⵙⵍⴰⵎⵜ ⵏ ⵜⵎⵉⵣⴰⵔ ⵜⵉⵄⵕⴰⴱⵉⵏ, ⵙⵍⴰⵡⵏ ⴰⴽⴽⵯ, ⴰⵙⴷⵉⴷⴷⵉ ⵏ ⵜⴰⵎⵓⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ.

ⵜⴰⵇⵉⵛⵛⵉⵜ ⴰⴷ ⵍⵍⵉ ⵉⵕⵥⵥⵎⵏ ⵜⴰⵡⵓⵔⵉ ⵏⵏⵙ ⴳ ⵢⵉⴹ ⵏ ⵓⴽⵕⴰⵙ ⴳ ⵕⵕⵉⵢⴰⴹ, ⵙ ⵜⵉⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴰⵢⵜ ⴳⵎⴰⵙ ⵉⵏⴱⴷⴰⴷⵏ ⵏ ⵜⵎⵉⵣⴰⵔ ⵏ ⵓⵙⵇⵇⵉⵎ ⵏ ⵓⵎⵢⴰⵡⴰⵙ ⴰⵅⴰⵍⵉⵊⵉ.

ⴰⵏⵎⵓⵇⵇⴰⵔ ⴰⴷ ⴰⵎⵣⵡⴰⵔⵓ ⵔⴰⴷ ⵉⵥⵍⵉ ⵙ ⵜⵏⴽⵔⴰ ⵙ ⵜⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵍⵍⵉ ⵉⵍⵍⴰⵏ ⴳⵔ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵍⵅⴰⵍⵊ.

ⴳ ⵓⵙⵏⵜⵉ ⴰⴷ, ⵔⴰⴷ ⵉⴳ ⵓⵣⵎⵣⵣⵓ ⵏ ⵉⵎⵛⵉⵡⴰⵕ ⴷ ⵓⵎⵢⴰⵡⴰⵙ ⵅⴼ ⵜⵎⵓⴽⵔⵉⵙⵉⵏ ⵏ ⵜⵙⴳⴰ ⵜⴰⵄⵕⴰⴱⵜ ⴷ ⵜⵖⴰⵡⵙⵉⵡⵉⵏ ⵜⵉⵏⵎⵏⴰⴹⵉⵏ ⴷ ⵜⵉⴳⵔⴰⵖⵍⴰⵏⵉⵏ ⴰⴼⴰⴷ ⵢⴰⵜ ⵜⴰⵏⵏⴰⵢⵜ ⵉⵛⵛⴰⵔⵏ ⴷ ⵉⵎⴰⵏ.

Dernière modification : 20 ⵉⴱⵔⵉⵔ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%99%E2%B4%B7%E2%B4%B7%E2%B5%89%E2%B4%B7-%E2%B4%B0%E2%B5%99%E2%B5%8F%E2%B5%89%E2%B5%8E%E2%B5%94-%E2%B5%8F%E2%B5%8F%E2%B5%99-%E2%B5%89-%E2%B5%9C%E2%B5%A1%E2%B5%89%E2%B5%A3%E2%B5%89-%E2%B5%89%E2%B5%A3%E2%B4%B7%E2%B5%89%E2%B5%8F-%E2%B5%8F-%E2%B5%9C%E2%B5%8E%E2%B5%89%E2%B5%A3%E2%B4%B0%E2%B5%95-%E2%B5%8F-%E2%B5%8D%E2%B5%85%E2%B4%B0%E2%B5%8D%E2%B5%89%E2%B5%8A-%E2%B5%89-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B4%B0%E2%B5%8E%E2%B5%A3%E2%B4%B0%E2%B5%96-%E2%B5%85%E2%B4%BC#comment-0