Published on MAPNews (https://www.mapnews.ma/am)

Accueil > ⵉⵎⴹⴰⴽⴰⵕⵏ ⴳⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⴳⵍⵍⵉⴷ ⵏ ⵍⴱⴰⵃⵕⴰⵢⵏ
  1. Accueil
  2. Activités royales

ⵉⵎⴹⴰⴽⴰⵕⵏ ⴳⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⴳⵍⵍⵉⴷ ⵏ ⵍⴱⴰⵃⵕⴰⵢⵏ

25 ⵉⴱⵔⵉⵔ 2016 Version Imprimable
ⵚⵚⴰⵅⵉⵕ (ⵜⴰⵙⴳⴰ ⵏ ⵉⴼⴼⵓⵙ ⵏ ⵍⴱⴰⵃⵕⴰⵢⵏ) - ⵉⵙⴽⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵢⵏⴰⵙ ⴳ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵚⵚⴰⵅⵉⵕ (ⵜⴰⵙⴳⴰ ⵏ ⵉⴼⴼⵓⵙ ⵏ ⵍⴱⴰⵃⵕⴰ), ⵉⵎⴹⴰⴽⴰⵕⵏ ⵏⵜⵜⴰ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⴰⵎⴰⴷ ⴱⵏⵏ ⵄⵉⵙⴰ ⴰⵍ ⵅⴰⵍⵉⴼⴰ, ⵍⵍⵉ ⵉⵎⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵅⴰⵍⵉⴼⴰ ⴱⵏⵏ ⵙⴰⵍⵎⴰⵏ ⴰⵍ ⵅⴰⵍⵉⴼⴰ, ⴰⵏⵙⵙⵉⵅⴼ ⵏ ⵉⵎⴰⵡⴰⵙⵏ ⵏ ⵍⴱⵃⵕⴰⵢⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵙⴰⵍⵎⴰⵏ ⴱⵏⵏ ⵃⴰⵎⴰⴷ ⴰⵍ ⵅⴰⵍⵉⴼⴰ, ⴰⵎⴽⴽⵓⵙⵓ ⵏ ⵜⴳⵍⴷⵉⵜ, ⴰⵎⴰⵔⵉ ⵏ ⴰⵏⵙⵙⵉⵅⴼ ⵏ ⵉⵎⴰⵡⴰⵙⵏ.

ⴳ ⵜⵙⴳⴰ ⴰⴷ, ⵙⵙⵉⵅⴼⵏ ⵉⴳⵍⵍⵉⴷⵏ ⵏ ⵙⵏⴰⵜ ⵜⵎⵉⵣⴰⵔ ⴰⴷ, ⴰⵙⴳⵎⴹ ⵏ ⴽⵕⴰⴹⵜ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ.

ⵜⴰⵎⵢⴰⵇⵇⴰⵏⵜ ⵜⴰⵎⵣⵡⴰⵔⵓⵜ ⵜⵥⵍⵉ ⵙ ⵍⴱⵔⵓⵜⵓⴽⵓⵍ ⵏ ⵓⵙⵏⴼⵍ ⵏ ⵜⵎⵢⴰⵇⵇⴰⵏⵜ ⵏ ⵓⵙⴱⵉⴷ ⵏ ⵎⵉⴷⴷⵏ ⵓⵔ ⵉⵜⵅⵍⵍⴰⵚⵏ ⴰⵔⴳⴰⵢ, ⵉⵜⵜⵓⵙⴳⵎⴹⵏ ⴳⵔ ⵍⵎⵖⵔⵉⴱ ⴷ ⵍⴱⵃⵕⴰⵢⵏ ⴳ 7 ⵉⴱⵔⵉⵔ 2000.

ⵉⵙⴳⵎⴹⵜ ⴳ ⵜⵙⴳⴰ ⵏ ⵍⵎⵖⵔⵉⴱ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵔⴼ ⵎⴰⵙⵙ ⵎⵓⵃⵎⵎⴷ ⴱⵓⵙⵄⵉⴷ, ⴷ ⴳ ⵜⵙⴳⴰ ⵏ ⵍⴱⵃⵕⴰⵢⵏ ⴰⵎⴰⵡⵙⴰⵙ ⵏ ⵓⵥⵔⴼ ⵛⵛⵉⵅ ⴰⵃⵎⴰⴷ ⴱⵏⵏ ⵎⵓⵃⵎⵎⴷ ⴰⵍ ⵅⴰⵍⵉⴼⴰ.

ⵜⴰⵎⵢⴰⵇⵇⴰⵏⵜ ⵜⵉⵙⵙ ⵙⵏⴰⵜ ⵜⵥⵍⵉ ⵙ ⵓⵖⴰⵡⴰⵙ ⵏ ⵜⵉⵙⵏⵙⵉ ⵏ ⵓⵎⵙⴰⵙⴰ ⵏ ⵜⵡⵉⵣⵉ ⴳ ⵢⵉⴳⵕ ⵏ ⵍⴰⵡⵇⴰⴼ ⴷ ⵜⵖⴰⵡⵙⵉⵡⵉⵏ ⵏ ⵉⵎⵓⵏⵙⵍⴰⵎⵏ ⴳ ⵉⵙⴳⴳⴰⵙⵏ ⵏ 2016-2017-2018 ⵍⵍⵉ ⵉⵙⴳⵎⴹ ⴳ ⵜⵙⴳⴰ ⵏ ⵍⵎⵖⵔⵉⴱ ⴰⵎⴰⵡⵙⴰⵙ ⵏ ⵍⴰⵡⵇⴰⴼ ⴷ ⵜⵖⴰⵡⵙⵉⵡⵉⵏ ⵏ ⵉⵎⵓⵏⵙⵍⴰⵎⵏ, ⵎⴰⵙⵙ ⴰⵃⵎⴰⴷ ⵜⴰⵡⴼⵉⵇ, ⴷ ⴳ ⵜⵙⴳⴰ ⵏ ⵍⴱⴰⵃⵕⴰⵢⵏ, ⴰⵎⴰⵡⵙⴰⵙ ⵏ ⵜⵣⵔⵓⴼⵜ ⴷ ⵜⵖⴰⵡⵙⵉⵡⵉⵏ ⵏ ⵓⵎⵏⵙⵍⵎⴰⵏ, ⵛⵛⵉⵅ ⵅⴰⵍⵉⴷ ⴱⵏⵏ ⵄⴰⵍⵉ ⴱⵏⵏ ⵄⴰⴱⴷ ⵍⵍⴰⵀ ⴰⵍ ⵅⴰⵍⵉⴼⴰ.

ⵜⴰⵎⵢⴰⵇⵇⴰⵏⵜ ⵜⵉⵙⵙ ⴽⵕⴹⵜ, ⵜⵥⵍⵉ ⵙ ⵓⴱⵔⵓⵜⵓⴽⵓⵍ ⵏ ⵜⵡⵉⵣⵉ ⴳⵔ ⵓⵙⵉⵏⴰⴳ ⴰⵎⴰⵜⴰⵢ ⵏ ⵜⵏⴱⴹⴰⵢⵜ ⵏ ⵜⴳⵍⴷⵉⵜ ⵜⴰⵎⵖⵔⴰⴱⵉⵢⵜ, ⴷ ⵓⵙⵉⵏⴰⴳ ⵏ ⵜⵖⵓⵔⵉ ⵏ ⵜⵏⴱⴹⴰⵢⵜ ⴷ ⵉⵣⵔⴼⴰⵏ ⴳ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ.

ⵜⴰⵎⵢⴰⵇⵇⴰⵏⵜ ⴰⴷ, ⵉⵙⴳⵎⴹ ⴼⵍⵍⴰⵙ ⴳ ⵜⵙⴳⴰ ⵏ ⵍⵎⵖⵔⵉⴱ ⵓⵎⴰⵡⵙⴰⵙ ⵏ ⵜⵣⵔⵓⴼⵜ ⴷ ⵜⵍⵉⵍⵍⵉ ⵎⴰⵙⵙ ⵎⵚⵟⴰⴼⴰ ⵕⵕⵎⵉⴷ, ⴷ ⴳ ⵜⵙⴳⴰ ⵏ ⵍⴱⴰⵃⵕⴰⵢⵏ, ⴰⵎⴰⵡⵙⴰⵙ ⵏ ⵜⵣⵔⵓⴼⵜ, ⵛⵛⵉⵅ ⵅⴰⵍⵉⴷ ⴱⵏⵏ ⵄⴰⵍⵉ ⴱⵏⵏ ⵄⴰⴱⴷ ⵍⵍⴰⵀ ⴰⵍ ⵅⴰⵍⵉⴼⴰ.

ⵙ ⵓⵣⵎⵣⵣⵓ ⴰⴷ, ⵣⵣⵓⵍⵏ ⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⵕⴱⵉ, ⵛⴰⵢⴳⴰⵏ ⵏ ⵉⵡⵔⵉⴽⵏ ⴳ ⵜⵏⴱⴰⴹⵜ ⵏ ⵍⴱⴰⵃⵔⴰⵢⵏ, ⴷ ⵉⴳⵎⴰⵎⵏ ⵏ ⵜⴰⵡⵊⴰ ⵜⴰⴳⴽⴷⴰⵏⵜ ⵏ ⵍⴱⴰⵃⵕⴰⵢⵏ.

ⴷⴼⴼⵉⵔ ⵎⴰⵢⴰⴷ, ⵉⵣⵣⵓⵍ ⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵏ ⵍⴱⴰⵃⵕⴰⵢⵏ ⵓⴽⴰⴱⴰⵕ ⴰⵎⴰⴷⴷⵓⴷ ⴰⵎⵖⵔⴰⴱⵉ ⵉⵎⴰⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⵍⵉ ⴳ ⵍⵍⴰⵏ, ⵙⵍⴰⵡⵏ ⴰⴽⴽⵯ, ⵉⵎⵛⴰⵡⵔ ⵏ ⴱⴰⴱ ⵏ ⵡⴰⴷⴷⵓⵔ, ⴷ ⵉⵜⵙⵏ ⵉⵎⴰⵡⵙⴰⵙⵏ ⵏ ⵜⵏⴱⴰⴹⵜ.

ⵙ ⵓⵣⵎⵣⵣⵓ ⴰⴷ, ⵉⵙⴽⵔ ⵓⴳⵍⵍⵉⴷ ⵏ ⵍⴱⵃⵕⴰⵢⵏ, ⵢⴰⵏ ⵉⵎⵏⵙⵉ ⵏ ⵓⴱⵕⵣ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵓⴽⴰⴱⴰⵕ ⴳⵉⵙ ⵉⵎⴰⵏ.

 

Dernière modification : 25 ⵉⴱⵔⵉⵔ 2016
Source URL: https://www.mapnews.ma/am/activites-royales/%E2%B5%89%E2%B5%8E%E2%B4%B9%E2%B4%B0%E2%B4%BD%E2%B4%B0%E2%B5%95%E2%B5%8F-%E2%B4%B3%E2%B5%94-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B7-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8F-%E2%B5%8D%E2%B4%B1%E2%B4%B0%E2%B5%83%E2%B5%95%E2%B4%B0%E2%B5%A2%E2%B5%8F#comment-0