Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴳ ⵎⴽⵏⴰⵙ ⴰⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 11 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⴼⵍⵍⴰⵃⵜ ⵏ ⵍⵎⵖⵔⵉⴱ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴳ ⵎⴽⵏⴰⵙ ⴰⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 11 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⴼⵍⵍⴰⵃⵜ ⵏ ⵍⵎⵖⵔⵉⴱ

26 ⵉⴱⵔⵉⵔ 2016 Version Imprimable
ⵎⴽⵏⴰⵙ/ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴰⵙⵙ ⵏ ⵓⵙⵉⵏⴰⵙ ⴳ ⵎⴽⵏⴰⵙ ⴰⵕⵥⵥⵓⵎ ⵏ ⵜⴰⵙⵓⵜⵍⵜ ⵜⵉⵙⵙ 11 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⴼⵍⵍⴰⵃⵜ ⵏ ⵍⵎⵖⵔⵉⴱ ⵏ 2016 ⵍⵍⵉ ⵉⵜⵜⵓⵙⵏⵎⴰⵍⴰⵏ ⴷⴷⵓ ⵉⵡⵉⵣ ⵏ ⴱⴰⴱ ⵏⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙⴳ 26 ⴰⴱⵔⵉⵔ ⴰⴷ 1 ⵎⴰⵢⵢⵓ ⵅⴼ ⵓⵙⴳⵓⵎ « ⵜⴰⴼⵍⵍⴰⵃⵜ ⵜⴰⵙⵓⵍⴰⵏⵜ ».

ⴳ ⵜⵉⵣⵡⵓⵔⵉ ⵏ ⵜⴼⵓⴳⵍⴰ ⴰⴷ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵉⵎⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵛⵛⵉⵅ ⵃⴰⵎⵉⴷ ⴱⵏⵏ ⵣⴰⵢⴷ ⴰⵍ ⵏⵀⵢⴰⵏ, ⴰⵏⵙⵙⵉⵅⴼ ⵏ ⵓⴱⵔⵙⵉⵔⴰ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵏ ⴰⴱⵓ ⴹⴰⴱⵉ, ⴰⵙⵍⴽⵉⵏ ⵏ ⵉⵙⵉⵏ ⵉ ⵎⵉⴷⴷⵏ ⵉⵙⴱⵖⵔⵏ ⴳ ⵜⵎⴰⵜⴰⵔⵉⵏ ⵉⵣⴷⴷⵉⴳⵏ ⵏ ⵓⵖⵓⴷⵓ ⵉ ⵜⴰⵎ ⵏ ⵉⴼⵍⵍⴰⵃⵏ ⵏ ⵓⴼⴰⵔⵙ.

ⵙ ⵓⵣⵎⵣⵣⵓ ⴰⴷ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵜⴰⵏⵎⵎⴰⵍⵜ ⴰⵊⵓⵖⵕⴰⴼⵉ «ⵍⵃⵏⵏⴰ ⵏ ⴼⴰⵎ ⵣⴳⵉⴹ » (ⵜⴰⵙⴳⴰ ⵏ ⵙⵓⵙⵙ ⵎⴰⵙⵙⴰ) ⵉ ⵎⴰⵙⵙ ⵏⵏⴰⴼⵓⵔⵉ ⵎⴱⴰⵕⴽ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ « ⵡⴰⵃⴰⵜ ⵚⵚⴰⵃⵕⴰ », ⴷ ⵜⴰⵏⵎⵎⴰⵍⵜ ⴰⵊⵓⵖⵕⴰⴼⵉ « ⵍⴽⴰⵎⵓⵏ ⵍⵏⵍⴷⵉ ⵏ ⵕⵃⴰⵎⵏⴰ » (ⵜⴰⵙⴳⴰ ⵏ ⵎⵕⵕⴰⴽⵛ-ⴰⵙⴼⵉ) ⵉ ⵎⴰⵙⵙ ⵕⴰⵛⵉⴷ ⴹⴹⵉⴼ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ « ⵕⵕⵃⴰⵎⵏⴰ » ⵏ ⵜⵙⵢⴰⴼⵓⵜⵉⵏ ⴷ ⵓⵣⵏⵣ ⵏ ⵍⴽⴰⵎⵓⵏ ⴰⴱⵍⴷⵉ, ⴷ ⵜⴰⵏⵎⵎⴰⵍⵜ ⴰⵊⵓⵖⵕⴰⴼⵉ «ⵏ ⵓⴽⵏⴰⵔⵉ ⵏ ⴷⵍⵍⴰⵃ ⵍⵃⵓⵙⵉⵎⴰ » (ⵜⴰⵙⴳⴰ ⵏ ⵟⴰⵏⵊⴰ-ⵜⵉⵟⵡⴰⵏ- ⵍⵃⵓⵙⵉⵎⴰ) ⵉ ⵎⴰⵙⵙ ⵃⵓⵙⵏⵉ ⴰⵃⵎⴰⴷ, ⵉⵎⵉⵔⵉ ⴰⵎⴰⵜⴰⵢ ⵏ ⵜⵎⵙⵎⵓⵏⵜ « ⵜⴰⵔⴳⵉⵙⵜ ⵏ ⵓⴽⵏⴰⵔⵉ », ⴷ ⵜⴰⵏⵎⵎⴰⵍⵜ ⴰⵊⵓⵖⵕⴰⴼⵉ « ⵍⵍⵓⵣ ⴰⴽⵏⵓⵍ » (ⵜⴰⵙⴳⴰ ⵏ ⴼⴰⵙ- ⵎⴽⵏⴰⵙ) ⵉ ⵎⴰⵙⵙⴰ ⴰⵎⵉⵏⴰ ⴼⴽⵔⵓⵛⵉ, ⵜⴰⵏⵙⵙⵉⵅⴼⵜ ⵏ « ⵜⵎⵙⵎⵓⵏⵜ ⵜⴰⵏⴼⵍⴰⵃⵜ ⵏ ⵜⵓⵜⵎⵉⵏ ⵏ ⵍⵍⵓⵣ ⴳ ⵜⵖⵣⵔⴰⵜⵉⵏ ».

ⴷ ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵜⴰⵏⵎⵎⴰⵍⵜ ⴰⵊⵓⵖⵕⴰⴼⵉ « ⵍⵍⵓⵣ ⴰⵎⵍⵍⴰⴳⴳⵓ-ⴰⵙⵓⵍ » (ⵜⴰⵙⴳⴰ ⵏ ⴷⵔⵄⴰ ⵜⴰⴼⵉⵍⴰⵍⵜ) ⵉ ⵎⴰⵙⵙ ⵀⴷⴷⵉ ⴰⵃⵎⴰⴷ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴼⵍⴰⵃⵜ « ⵉⵎⵍⵡⴰⵏ » ⴷ ⵜⴰⵏⵎⵎⴰⵍⵜ ⴰⵊⵓⵖⵕⴰⴼⵉ « ⵣⵣⵉⵜ ⵜⴰⴱⵍⴷⵉⵢⵜ ⵏ ⵚⴰⴼⵔⵓ » (ⵜⴰⵙⴳⴰ ⵏ ⴼⴰⵙ-ⵎⴽⵏⴰⵙ) ⵉ ⵎⴰⵙⵙ ⵎⵓⵃⵎⵎⴰⴷ ⵍⴱⴰⵀⵉ, ⴰⵏⵙⵙⵉⵅⴼ ⵎⵓⵃⵎⵎⴷ ⵍⴱⴰⵀⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⵎⵙⴰ.

ⴷⴼⴼⵉⵔ ⵎⴰⵢⴰⴷ, ⵉⵙⴽⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵢⴰⵏ ⵓⵔⵣⴰⴼ ⵉ ⵎⵏⵏⴰⵡ ⵏ ⵉⴹⵖⴰⵔⵏ ⴷ ⵜⵉⵔⵉⵡⵜ ⵏ ⵓⵙⴼⵙⵔ, ⵜⵙⵏⵎⴰⵍⴰ ⵜⵎⴰⵡⵙⴰⵙⵜ ⵏ ⵜⴼⵍⵍⴰⵃⵜ ⴷ ⵜⴰⴳⵎⵔⵜ ⴰⵢⵍⴰⵏ ⴷⴷⵓ ⵓⵙⴳⵓⵎ « ⵜⴰⴼⵍⵍⴰⵃⵜ ⴰⵙⵓⵍⴰⵏ ⴷ ⵜⵏⵣⴱⴰⵢⵜ ⵉ ⵡⵙⵏⴼⵍ ⵏ ⵓⵏⵣⵡⵉ».

ⵙ ⵓⵣⵎⵣⵣⵓ ⴰⴷ, ⵜⵜⵓⴼⴽⴰⵏ ⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵉⵙⵙⴼⵔⵓⵜⵏ ⵢⴰⴹⵏ ⵅⴼ ⵜⵖⴰⵡⵙⵉⵡⵉⵏ ⵉⵜⵜⵓⵙⴼⵙⵔⵏ ⴳ ⵎⵏⵏⴰⵡ ⵏ ⵉⴹⵖⴰⵔⵏ ⵉⵍⵍⴰⵏ.

ⵜⵜⵓⵙⵏⵎⴰⵍⴰ ⵜⵙⵓⵜⵍⵜ ⵜⵉⵙⵙ 11 ⵏ ⵓⵙⴼⵙⵔ ⴰⵎⴰⴹⵍⴰⵏ ⵏ ⵜⴼⵍⵍⴰⵃⵜ ⵏ ⵍⵎⵖⵔⵉⴱ ⵙⴳ 26 ⴰⴱⵔⵉⵍ ⴰⵔ 1 ⵎⴰⵢⵢⵓ ⴰⵔ ⴳ ⵎⴽⵏⴰⵙ ⴷⴷⵓ ⵓⵙⴳⵓⵎ «ⵜⴰⴼⵍⵍⴰⵃⵜ ⵉⵖⵓⴷⴰⵏ ⵜⴰⵙⵓⵍⴰⵏⵜ ».

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⵎⴰⵙ ⴷ ⵢⵓⵛⴽⴰ ⵓⵙⵜⴰⵢ ⵏ ⵓⵙⴳⵓⵎ ⴰⴷ ⴷⴼⴼⵉⵔ ⵏ ⵉⵙⵏⴼⴰⵍⵏ ⵏ ⵓⵏⵣⵡⵉ ⴷ ⵜⵓⴳⴳⴰⵙ ⵏ ⵜⴳⵎⵉ ⵏ ⵉⵏⴳⵔⴰⵡⵏ ⵏ ⵜⴼⵍⵍⴰⵃⵜ ⵜⴰⵙⵓⵍⴰⵏⵜ .

ⴷ ⵜⵥⵍⵉ ⵜⵡⴰⵍⴰ ⵜⵉⵙⵙ 11 ⵏ ⵓⵙⴼⵙⵔ ⴰⵎⴰⴹⵍⴰⵏ ⵏ ⵜⴼⵍⵍⴰⵃⵜ ⵏ ⵍⵎⵖⵔⵉⴱ ⵙ ⵜⵉⵍⵉⵜ ⵏ 1200 ⵏ ⵓⵙⴼⵙⵔ ⵉⵙⵎⴷⵢⴰⵏ 60 ⵏ ⵜⵎⴰⵣⵉⵔⵜ.

 



 

Dernière modification : 26 ⵉⴱⵔⵉⵔ 2016
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%BD%E2%B4%BD%E2%B5%93%E2%B5%99%E2%B5%93-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B4%B3-%E2%B5%8E%E2%B4%BD%E2%B5%8F%E2%B4%B0%E2%B5%99-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F#comment-0