Published on MAPNews (https://www.mapnews.ma/am)

Accueil > ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⴰⵍⵎⴰ ⵜⵙⵏⵓⴱⴳ ⴳ ⵕⵕⴱⴰⵟ ⵜⴰⵎⵖⴰⵔⵜ ⵏ ⵓⵏⵙⵙⵉⵅⴼ ⵏ ⵙⵙⵉⵏⵉⴳⴰⵍ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⴰⵍⵎⴰ ⵜⵙⵏⵓⴱⴳ ⴳ ⵕⵕⴱⴰⵟ ⵜⴰⵎⵖⴰⵔⵜ ⵏ ⵓⵏⵙⵙⵉⵅⴼ ⵏ ⵙⵙⵉⵏⵉⴳⴰⵍ

02 ⵎⴰⵢⵢⵓ 2016 Version Imprimable
ⵕⵕⴱⴰⵟ - ⵜⵙⵏⵓⴱⴳ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⴰⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵍⴰⵍⵍⴰ ⵙⴰⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵍⴽⵓⵏⵚⵉⵕ, ⴰⵙⵙ ⵏ ⵓⵢⵏⴰⵙ ⴳ ⵕⵕⴱⴰⵟ, ⵎⴰⵙⵙⴰ ⵎⵔⵢⴰⵎ ⴼⴰⵢ ⵙⴰⵍ, ⵜⴰⵎⵖⴰⵔⵜ ⵏ ⵓⵏⵙⵙⵉⵅⴼ ⵏ ⵙⵙⵉⵏⵉⴳⴰⵍ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ « ⵙⵉⵔⴼⵉⵍ ⵍⵓ ⵙⵉⵏⵉⴳⴰⵍ ».

ⴷ ⵉⵏⵏⴰ ⵓⵙⵉⵡⴹ ⵏ ⵜⵎⵔⵙⵍⵜ ⵍⴰⵍⵍⴰ ⵙⴰⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵍⴽⵓⵏⵚⵉⵕ ⵎⴰⵙ ⴰⵔⵣⴰⴼ ⴰⴷ ⵉⴳⴰ ⴰⵎⵎⴰⴽ ⵏ ⵓⵙⵕⵚⵚⴰ ⵏ ⵢⴰⵜ ⵜⵎⴷⵔⴰⵡⵜ ⴳ ⵢⵉⴳⵔ ⵏ ⵓⵙⴱⵉⴷ ⵏ ⵍⴽⵓⵏⵚⵉⵕ ⴳⵔ ⵜⵎⵔⵙⴰⵍⵜ ⵏ ⵍⴰⵍⵍⴰ ⵙⵍⵎⴰ ⴷ ⵜⵎⵔⵙⴰⵍⵜ ⵏ «ⵙⵉⵔⴼⵉⵍ ⵍⵓ ⵙⵉⵏⵉⴳⴰⵍ ».

ⴷⴼⴼⵉⵔ ⴰⵙⵎⵏⵉⴷ ⵏ ⵙⵏⴰⵜ ⵜⵎⵔⵙⴰⵍⵉⵏ ⴰⴷ, ⵜⵜⵓⵙⴽⵔⵏ ⵜⵜⵓⵣⵍⵉⵏ ⵉⵙⴳⵓⵎⵏ ⵏ ⵓⵎⵢⴰⵡⴰⵙ ⴷ ⵉⵙⵏⵜⵉⵜⵏ, ⵍⵍⵉ ⵉⵣⵍⵉⵏ ⵙⵍⴰⵡⵏ ⴰⴽⴽⵯ ⵙ ⴰⵎⵣⵉⵣⵣⵍ ⵏ ⵓⵙⵏⵖⵎⵙ ⵉ ⵡⵣⵣⵓⵍⴰⵏ ⴷ ⵉ ⵡⴳⴷⵓⴷ, ⵏⵓⵎⴰⵍ ⵉ ⵎⵉⴷⴷⵏ ⵉⵀⵔⵛⴰⵏ, ⵅⴼ ⵎⵏⵏⴰⵡ ⵏ ⵜⵎⵓⵔⴽⵉⵙⵉⵏ ⵉⵣⵍⵉⵏ ⵙ ⵍⴽⵓⵏⵚⵉⵕ, ⴷ ⵓⵙⵎⵓⵜⴳ ⵏ ⵓⵣⵣⵓⵍⴰⵏ ⵏ ⵜⴷⵓⵙⵉ ⵉⵜⵡⵓⵔⵏ ⴳ ⵢⵉⴳⵔ ⵏ ⵓⵙⴱⵉⴷ ⵏ ⵍⴽⵓⵏⵚⵉⵕ, ⴷ ⵜⵉⵙⵏⵙⵉ ⵏ ⵓⵖⴰⵡⴰⵙ ⵏ ⵓⵣⵣⵔⴰⵢ ⵏ ⵣⵉⴽ ⵅⴼ ⵍⴽⵓⵏⵚⵉⵕ ⵏ ⵜⵓⵜⵎⵉⵏ ⴳ ⵙⵉⵏⵉⴳⴰⵍ, ⴷ ⵓⵙⴷⵓⵙ ⵏ ⵓⵖⴰⵡⴰⵙ ⵏ ⵓⵙⴱⵉⴷ ⵏ ⵍⴽⵓⵏⵚⵉⵕ ⴷⴰⵔ ⵉⵎⵣⵣⴰⵏ ⴷ ⵓⵙⵖⵓⴷⵓ ⵏ ⵓⴽⵛⵛⵓⵎ ⵙⵔ ⵓⵙⵙⵓⵊⵢ ⵉ ⵢⵎⵣⵣⴰⵏ ⴳ ⵉⵍⵍⴰ ⵍⴽⵓⵏⵚⵉⵕ, ⴷ ⵓⵙⵏⴰⵍ ⴰⵜⵉⵇⵏⵉ ⴳ ⵜⵓⵙⴽⵔⴰ ⵏ « ⵜⴰⴷⴷⴰⵔⵜ ⵏ ⵜⵓⴷⵔⵜ » ⴳ ⴷⴰⴽⴰⵕ.

ⴳ ⵓⵣⵎⵣⵣⵓ ⴰⴷ, ⵉⴼⵔⴰ ⵓⵙⵉⵡⴹ ⵏ ⵜⵎⵔⵙⵍⵜ ⵍⴰⵍⵍⴰ ⵙⴰⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵍⴽⵓⵏⵚⵉⵕ, ⵎⴰⵙ ⵔⴰⴷ ⵉⵜⵜⵓⵙⴽⵔ ⵜⴰⵙⵇⵇⵉⵎⵜ ⵉⵛⵛⴰⵔⵏ ⵏ ⵓⵣⴷⴷⵓⵢ ⵏ ⵉⵎⵓⵙⵙⵓⵜⵏ ⵉⵣⵍⵉⵏ ⵙ ⵓⵖⴰⵡⴰⵙ ⴰⴷ.

ⴰⵢⴰⴷ ⵏ ⵓⴳⵔⴰⵡ ⵉⵍⵍⴰ ⵙ ⵜⵉⵍⵉⵜ ⵏ ⵓⵎⵙⵇⴰⴷ ⵏ ⵜⴰⴳⴷⵓⴷⴰⵏⵜ ⵏ ⵙⵙⵉⵏⵉⴳⴰⵍ ⴳ ⵍⵎⵖⵔⵉⴱ, ⴷ ⵉⵎⵛⵉⵡⵉⵔⵏ ⵏ ⵎⴰⵙⵙⴰ ⵜⴰⵎⵖⴰⵔⵜ ⵏ ⵓⵏⵙⵙⵉⵅⴼ ⵏ ⵙⵉⵏⵉⴳⴰⵍ, ⴷ ⵉⴳⵎⴰⵎⵏ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵎⵔⵙⴰⵍⵜ ⵏ ⵍⴰⵍⵍⴰ ⵙⴰⵍⵎⴰ.


 

Fichier attaché :
Icône image lalla_salma_recoit_la_premiere_dame_du_senegal_-g1.jpg
Dernière modification : 02 ⵎⴰⵢⵢⵓ 2016
Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B4%B0%E2%B5%8D%E2%B5%8E%E2%B4%B0-%E2%B5%9C%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B5%8E%E2%B5%96%E2%B4%B0%E2%B5%94%E2%B5%9C-%E2%B5%8F-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F#comment-0