Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ ⴰⵙⵏⵓⴱⴳ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵓⵣⵎⵣⵣⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵡⴰⵢⵢⵓⵔ ⴷ ⵉⵏⵣⵔⵉ ⴰⵣⴳⴳⵯⴰⵖ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ ⴰⵙⵏⵓⴱⴳ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵓⵣⵎⵣⵣⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵡⴰⵢⵢⵓⵔ ⴷ ⵉⵏⵣⵔⵉ ⴰⵣⴳⴳⵯⴰⵖ

12 ⵎⴰⵢⵢⵓ 2016 Version Imprimable
ⵕⵕⴱⴰⵟ - - ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ, ⵜⴰⵏⵙⵙⵉⵅⴼⵜ ⵏ ⵡⴰⵢⵢⵓⵔ ⴰⵎⵖⵔⵉⴱⵉ ⴰⵣⴳⴳⵯⴰⵖ, ⴰⵙⵙ ⵏ ⵓⴽⵡⴰⵙ ⴳ ⵜⴳⴰⴷⵉⵔⵜ ⴰⴳⵍⴷⴰⵏ- ⵙⵡⵉⵙⵉ ⴳ ⵕⵕⴱⴰⵟ, ⵏ ⵜⵉⵏⵏⵓⴱⴳⴰ ⵏ ⵕⵕⴱⴰⵟ, ⴰⵙⵏⵓⴱⴳ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴷⵉⵚ, ⵙ ⵓⵣⵎⵣⵣⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵡⴰⵢⵢⵓⵔ ⴷ ⵉⵏⵣⵔⵉ ⴰⵣⴳⴳⵯⴰⵖ.

ⴰⵙⵏⵓⴱⴳ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴷⵉⵚ, ⵙ ⵓⵣⵎⵣⵣⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵡⴰⵢⵢⵓⵔ ⴷ ⵉⵏⵣⵔⵉ ⴰⵣⴳⴳⵯⴰⵖ ⵉⴷⵔⵓ ⴳⵉⵙ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⴱⴷⵉⵍⵉⵍⴰⵀ ⴱⵏ ⴽⵉⵔⴰⵏ, ⴷ ⵛⴰⵢⴳⴰⵏ ⵏ ⵉⵡⵔⵉⴽⵏ ⵢⴰⴹⵏ ⵏ ⵜⵏⴱⴰⴹⵜ ⵜⴰⵎⵖⵔⴰⴱⵉⵢⵜ, ⴷ ⵎⵏⵏⴰⵡ ⵏ ⵉⵡⵔⵉⴽⵏ ⵉⵎⵖⵔⴰⴱⵉⵢⵏ ⴷ ⵉⴱⵕⵕⴰⵏⵉⵢⵏ.

ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ ⵜⵙⵙⵉⵅⴼ ⴰⵙⵙ ⵏ ⵓⴽⵕⴰⵙ ⴳ ⵜⵎⵔⵙⴰⵍⵜ ⵏ ⴰⵃⵎⴰⴷ ⴱⵏⵏ ⵣⴰⵢⴷ ⴰⵍ ⵏⵀⵢⴰⵏ ⴳ ⵄⵉⵏ ⵄⵜⵉⵇ, ⴰⵕⵥⵥⵓⵎ ⵏ ⵉⵎⴰⵍⴰⵙⵙ ⴰⵏⴰⵎⵓⵔ ⵏ ⵡⴰⵢⵢⵓⵔ ⴰⵣⴳⴳⵯⴰⵖ ⴰⵎⵖⵔⵉⴱⵉ.

ⵙ ⵓⵣⵎⵣⵣⵓ ⴰⴷ, ⵜⴼⴽⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ, ⵜⵉⵙⵎⴰⵇⵇⴰⵍⵉⵏ ⵉ ⵢⵎⵣⴷⴰⵖ ⵏ ⵜⵎⵔⵙⴰⵍⵜ ⴷ ⵉⵎⵍⵎⴰⴷⵏ ⵏ ⵡⴰⵎⵎⴰⵙ ⵏ ⵓⵙⴳⵎⵓ ⴰⵣⵖⴰⵕⴰⵏ ⴷ ⵛⴰⵢⴳⴰⵏ ⵏ ⵜⵉⵏⵎⵍ ⴳ ⵜⵎⵏⴰⴹⵜ ⵏ ⵚⵚⵅⵉⵕⴰⵜ- ⵜⵎⴰⵕⴰ ⴷ ⵍⴽⵔⴰⵙⴰ ⵉⵙⵙⵓⴷⵓⵏ ⵉ ⵢⵎⵄⴹⵓⵕ ⵏ ⵜⵎⵔⵙⴰⵍⵜ ⵏ ⴰⵃⵎⴰⴷ ⴱⵏⵏ ⵣⴰⵢⴷ ⴰⵍ ⵏⵀⵢⴰⵏ ⴳ ⵄⵉⵏ ⵄⵜⵉⵇ.

ⴳ ⵜⴼⵓⴳⵍⴰ ⵏ ⵉⵎⴰⵍⴰⵙⵙ ⴰⵏⴰⵎⵓⵔ ⵏ ⵡⴰⵢⵢⵓⵔ ⴰⵣⴳⴳⵯⴰⵖ ⴰⵎⵖⵔⵉⴱⵉ, ⵜⵜⵓⵙⵏⵎⴰⵍⴰ ⵢⴰⵏ ⵓⵎⵓⵙⵙⵓ ⵏ ⵓⵙⵓⵊⵢ ⴰⵏⴰⵎⵓⵏ ⴳ ⵡⴰⵎⵎⴰⵙ ⵏ ⵜⵎⵔⵙⴰⵍⵜ ⴷⴷⵓ ⵜⵎⴰⵜⴰⵔⵜ ⵏ « ⵉ ⵎⵉⴷⴷⵏ ⴽⵓⵍ ⴳ ⵎⴰⵢⴳⴰⵜ ⴰⴹⵖⴰⵕ », ⵍⵍⵉ ⴳ ⵉⵍⵍⴰ ⵓⴷⵡⵡⴰⵣ ⴳ ⵎⵏⵏⴰⵡ ⵏ ⵜⵎⴰⴹⵓⵏⵉⵏ ⵣⵓⵏⴷ ⵍⴽⵓⵏⵚⵉⵕ, ⴷ ⵙⴽⴰⵕ, ⴷ ⵜⵎⴰⴹⵓⵏⵉⵏ ⵏ ⵜⴰⵍⵍⵉⵏ, ⴷ ⵜⵖⴰⵡⵙⵉⵡⵉⵏ ⵢⴰⴷⵏ.

ⴷ ⵉⵙⴱⵖⵕ ⴳ ⵉⵎⵓⵙⵙⵓⵜⵏ ⴰⴷ ⵏ ⵓⵙⵓⵊⵢ ⴰⵏⴰⵎⵓⵏ ⵉⵜⵜⵓⵙⵏⵎⴰⵍⴰⵏ ⵙ ⵢⵉⵡⵉⵣ ⵏ ⵜⵏⴱⴰⴹⵜ ⵜⴰⴹⵖⴰⵕⴰⵏⵜ, ⴷ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵜⵉⵏ ⵓⴳⵏⵙⵓ, ⴷ 100 ⵏ ⵉⵟⴱⵉⴱⵏ ⴷ ⵉⵜⵉⵇⵏⵉⵢⵏ, ⵄⵍⴰⵢⵏ ⵏ 6500 ⵏ ⵓⴼⴳⴰⵏ.

ⵙ ⵓⵣⵎⵣⵣⵓ ⴰⴷ, ⵜⵏⵏⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ ⴳ ⵜⵙⴳⵓⵔⵉ ⵏⵏⵙ , ⵎⴰⵙ « ⵜⴰⵎⴰⵜⴰⵔⵜ ⵉⵥⵍⵉⵏ ⵙ ⵜⴼⵓⴳⵍⴰ ⵏ ⵓⵙⴳⴳⵯⴰⵙ ⴰⴷ, ⵉ ⵎⵉⴷⴷⵏ ⴽⵓⵍ ⴳ ⵎⴰⵢⴳⴰⵜ ⴰⴹⵖⴰⵕ ; ⵉⵍⵍⴰ ⴷⴰⵔⵙ ⵡⴰⴷⴷⵓⵔ ⴰⵅⴰⵜⴰⵔ ⵙⵍⴰⵡⵏ ⴰⴽⴽⵯ, ⴳ ⵡⴰⴷⴷⴰⴷ ⵏ ⵉⵎⵏⵣⴰⵖ ⴷ ⵜⵎⵓⴽⵔⵉⵙⵉⵏ ⵢⴰⴹⵏ, ⵍⵍⵉ ⴳ ⵉⵅⵚⵚⴰ ⵓⵜⵏⵀⵍⵍⵓ ⴳ ⵓⴼⴳⴰⵏ.

ⵍⵍⵉ ⵖⵏ ⵜⵍⴽⴰⵎ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ, ⵜⴰⵏⵙⵙⵉⵅⴼⵜ ⵏ ⵡⴰⵢⵢⵓⵔ ⴰⵎⵖⵔⵉⴱⵉ ⴰⵣⴳⴳⵯⴰⵖ, ⵜⵎⵔⵙⴰⵍⵜ ⵏ ⴰⵃⵎⴰⴷ ⴱⵏⵏ ⵣⴰⵢⴷ ⴰⵍ ⵏⵀⵢⴰⵏ ⴳ ⵄⵉⵏ ⵄⵜⵉⵇ, ⵙ ⵓⵣⵎⵣⵣⵓ ⵏ ⵓⵕⵥⵥⵓⵎ ⵏ ⵉⵎⴰⵍⴰⵙⵙ ⴰⵏⴰⵎⵓⵔ ⵏ ⵡⴰⵢⵢⵓⵔ ⴰⵣⴳⴳⵯⴰⵖ ⴰⵎⵖⵔⵉⴱⵉ, ⵉⵣⵣⵓⵍ ⴼⵍⵍⴰⵙ ⵛⴰⵢⴳⴰⵏ ⵏ ⵉⵡⵔⵉⴽⵏ ⵏ ⵜⵏⴱⴰⴹⵜ ⴷ ⵉⵙⵔⴷⴰⵙⵏ ⴷ ⵡⵓⵖⵔⵉⵎⵏ.

Fichier attaché :
Icône image sar__lalla_malika-reception_offerte_par_sm_le_roi-_la_journee_mondiale_de_la_croix_rouge_et_du_croissant_rouge_g.jpg
Dernière modification : 12 ⵎⴰⵢⵢⵓ 2016
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B4%B0%E2%B5%8D%E2%B5%89%E2%B4%BD%E2%B4%B0-%E2%B4%B0%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94#comment-0