Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵙⵉⵅⴼ ⴳ ⴹⴹⴰⵕⵍⴱⵉⴹⴰ ⵜⴰⴼⵓⴳⵍⴰ ⵏ ⵍⴱⴷⵓ ⵏ ⵓⵖⴰⵡⴰⵙ ⴰⵎⴰⵢⵏⵓ ⵏ ⵓⵙⴳⴰⴷ ⵏ ⵓⵙⵙⴰⵔⵓ ⴷ ⵓⵙⴳⵎⴹ ⵅⴼ ⵛⴰⵢⴳⴰⵏ ⵏ ⵜⵎⵢⴰⵇⵇⴰⵏⵉⵏ ⴷ ⵜⵎⵖⵓⵏⵜ ⵏ ⵓⵙⵙⴰⵔⵓ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵙⵉⵅⴼ ⴳ ⴹⴹⴰⵕⵍⴱⵉⴹⴰ ⵜⴰⴼⵓⴳⵍⴰ ⵏ ⵍⴱⴷⵓ ⵏ ⵓⵖⴰⵡⴰⵙ ⴰⵎⴰⵢⵏⵓ ⵏ ⵓⵙⴳⴰⴷ ⵏ ⵓⵙⵙⴰⵔⵓ ⴷ ⵓⵙⴳⵎⴹ ⵅⴼ ⵛⴰⵢⴳⴰⵏ ⵏ ⵜⵎⵢⴰⵇⵇⴰⵏⵉⵏ ⴷ ⵜⵎⵖⵓⵏⵜ ⵏ ⵓⵙⵙⴰⵔⵓ

04 ⵢⵓⵍⵢⵓⵣ 2016 Version Imprimable
ⴹⴹⴰⵕⵍⴱⵉⴹⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴳ ⵜⵎⴷⵉⵏⵜ ⵏ ⴹⴹⴰⵕⵍⴱⵉⴹⴰ ⵜⴰⴼⵓⴳⵍⴰ ⵏ ⵍⴱⴷⵓ ⵏ ⵓⵖⴰⵡⴰⵙ ⴰⵎⴰⵢⵏⵓ ⵏ ⵓⵙⴳⴰⴷ ⵏ ⵓⵙⵙⴰⵔⵓ ⴷ ⵓⵙⴳⵎⴹ ⵅⴼ ⵛⴰⵢⴳⴰⵏ ⵏ ⵜⵎⵢⴰⵇⵇⴰⵏⵉⵏ ⴷ ⵜⵎⵖⵓⵏⵜ ⵏ ⵓⵙⵙⴰⵔⵓ, ⵉⴳⴰⵏ ⴰⵙⵙⴰⵔⵓ ⴰⵅⴰⵜⴰⵔ ⵎⵉ ⵢⴳⴰ ⵡⵜⵜⴰⵙ ⵏⵏⵙ ⵜⴰⴼⵉⵜ ⵏ ⵓⵏⵣⵡⵉ ⴰⴷⵎⵙⴰⵏ ⵉⵖⵓⴷⴰⵏ.

ⴳ ⵜⵉⵣⵡⵓⵔⵉ ⵏ ⵜⴼⵓⴳⵍⴰ ⴰⴷ, ⵉⴼⴽⴰ ⵓⵎⴰⵡⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵓⵙⵙⴰⵔⵓ ⴷ ⵜⴷⵎⵙⴰ ⴰⵎⵓⵟⵟⵓⵏ ⵎⵓⵍⴰⵢ ⵃⴼⵉⴹ ⵍⵄⴰⵍⴰⵎⵉ, ⵢⴰⵏ ⵓⴼⵙⴰⵔ ⴷⴰⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⵓⵖⴰⵡⴰⵙ ⴰⴷ ⴰⵎⴰⵢⵏⵓ ⵉⴽⵛⵎⴰⵏ ⴳ ⵓⵙⴰⵜⵉ ⵏ ⵜⵓⴳⴳⵯⴰⵣ ⵏ ⵜⴳⵍⴷⵉⵜ ⵃⵎⴰ ⴷ ⵜⴰⴼ ⵜⴰⴼⴰⴷⴰ ⵏ ⵜⵉⴳⵎⵉ ⴰⴷⵎⵙⴰⵏ ⵉⵣⴷⵉⵏ.

ⴷ ⵉⵏⵏⴰ ⵎⴰⵙⵙ ⵍⵄⴰⵍⴰⵎⵉ ⵎⴰⵙ ⴰⵖⴰⵡⴰⵙ ⴰⴷ ⴳ ⵜⵍⵍⴰ ⵚⴹⵉⵚ ⵏ ⵓⵙⴳⵓⵎ ⵉⵙⵉⵍⴰⵏ, ⴳ ⵉⵍⵍⴰ ⵡⴰⵍⵍⴰⵙ ⵏ ⵓⵙⵜⴰⵍ ⵏ ⵜⴰⵏⵜⵜⴰⵎⵜ ⴷ ⵓⵙⵙⴰⵔⵓ ⴷ ⵓⵙⵜⴰⵍ ⵏ ⵉⵏⴼⵔⴰ ⵏⵏⵙ ⴷ ⵡⴰⵙⵢ ⵏ ⵓⵙⵡⵓⴷⴷⵓⵜⵏ ⵉⵎⴰⵢⵏⵓⵜⵏ ⴷ ⵓⵙⴷⵓⵢ ⵏ ⵓⵙⵙⴰⵔⵓ, ⴷ ⵡⴰⵍⵍⴰⵙ ⵏ ⵓⵙⴳⴷ ⵏ ⵓⵏⴱⴰⴹ ⵏ ⵓⵙⵙⴰⵔⵓ, ⴷ ⵜⵓⵙⴽⵔⴰ ⵏ ⵜⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⴰⵎⴳⵓⵔⵉ ⴷ ⵜⴰⵢⴹ ⵢⴰⴹⵏⵉⵏ ⵉ ⵜⵙⴱⴱⴰⴱⵜ, ⴷ ⵡⴰⵍⵍⴰⵙ ⵏ ⵜⵓⵙⴽⵔⴰ ⵏ ⵜⵙⵜⵔⴰⵜⵉⵊⵉⵢⵜ ⵜⴰⵎⵓⵟⵟⵓⵏⵜ.

ⴳ ⵎⴰⵢⵥⵍⵉⵏ ⵙ ⵡⴰⵍⵍⴰⵙ ⵏ ⵓⵙⵜⴰⵍ ⵏ ⵜⴰⵏⵜⵜⴰⵎⵜ ⴷ ⵓⵙⵙⴰⵔⵓ ⴷ ⵓⵙⵜⴰⵍ ⵏ ⵉⵏⴼⵔⴰ ⵏⵏⵙ ⴷ ⵡⴰⵙⵢ ⵏ ⵓⵙⵡⵓⴷⴷⵓⵜⵏ ⵉⵎⴰⵢⵏⵓⵜⵏ ⴷ ⵓⵙⴷⵓⵢ ⵏ ⵓⵙⵙⴰⵔⵓ, ⵉⵏⵏⴰ ⵎⴰⵙ ⵍⵄⴰⵍⴰⵎⵉ ⵎⴰⵙ ⵉⵅⵚⵚⴰ ⴰⴷ ⵜⵜⵓⵙⴽⵔⴰⵏⵜ ⵎⵏⵏⴰⵡ ⵏ ⵜⵎⴳⴳⵉⵜⵉⵏ ⵎⵔⴰ ⴷ ⵜⵙⵏⴰⵍ ⵉ ⵜⵙⴳⴳⵉⵡⵉⵏ ⴳ ⵜⴷⵔⵓⵙ ⵜⵉⴳⵎⵉ.

ⵉⴷ ⵎⴰⵢⵥⵍⵉⵏ ⵙ ⵡⴰⵙⵢ ⵏ ⵓⵙⵡⵓⴷⴷⵓⵜⵏ ⵉⵎⴰⵢⵏⵓⵜⵏ ⴷ ⵓⵙⴷⵓⵢ ⵏ ⵓⵙⵙⴰⵔⵓ, ⵉⵏⵏⴰ ⵓⵎⴰⵡⴰⵙ ⵎⴰⵙ ⵜⵜⵓⵙⴽⵔⵏⵜ ⵙⵎⵎⵓⵙ ⵏ ⵜⵎⴳⴳⵉⵜⵉⵏ ⵜⵉⵎⴰⵢⵏⵓⵜⵉⵏ ⴷⴰⵔ ⵉⵍⵍⴰ ⵡⴰⴷⴷⵓⵔ ⴰⵎⵇⵕⴰⵏ ⵍⵍⵉ ⴷ ⵢⵓⵛⴽⴰⵏ ⵃⵎⴰ ⴷ ⵜⵙⵏⴰⵍ ⴰⵙⵙⴰⵔⵓ ⵢⴰⴷ ⵉⵍⵍⴰ, ⵎⴰⵢⴰⴷ ⵔⴰ ⴳⵉⵙ ⵜⵙⴱⵖⵔ ⵜⵎⴰⵣⵉⵔⵜ ⵏⵏⵖ ⵛⵉⴳⴰⵏ.

 

Dernière modification : 04 ⵢⵓⵍⵢⵓⵣ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%8D%E2%B4%B1%E2%B4%B7%E2%B5%93-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%8F-%E2%B5%93%E2%B5%99%E2%B4%B3%E2%B4%B0%E2%B4%B7-%E2%B5%8F#comment-0