Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⴳⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⴼⵓⴳⵍⴰ ⵏ ⵜⵎⵏⵉⵍⵜ ⴳ ⵜⵉⵟⵡⴰⵏ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⴳⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⴼⵓⴳⵍⴰ ⵏ ⵜⵎⵏⵉⵍⵜ ⴳ ⵜⵉⵟⵡⴰⵏ

31 ⵢⵓⵍⵢⵓⵣ 2016 Version Imprimable
ⵜⵉⵟⵡⴰⵏ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⵜⴰⴷⴳⴳⴰⵜ ⵏ ⵓⵙⴰⵎⴰⵙ ⴳ ⵓⵙⴰⵢⵙ ⵏ ⵍⵎⵛⵡⵕ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵜⵉⵟⵡⴰⵏ, ⵜⴰⴼⵓⴳⵍⴰ ⵏ ⵜⵎⵏⵉⵍⵜ ⵙ ⵓⵣⵎⵓⵣⵣⵓ ⵏ ⵜⴼⵓⴳⵍⴰ ⵜⵉⵙⵙ 17 ⵏ ⵓⴷⴰⴱⵓ.

ⴳ ⵍⴱⴷⵓ ⵏ ⵜⴼⵓⴳⵍⴰ ⴰⴷ, ⴼⴽⴰⵏ ⵜⵎⵏⵉⵍⵜ ⵉ ⵍⴰⵎⵉⵔ ⵏ ⵉⵎⵓⵎⵏⵏ, ⵎⵓⵃⵎⵎⴷ ⵃⵚⵚⴰⴹ, ⴰⵎⴰⵡⵙⴰⵙ ⵏ ⵓⴳⵏⵙⵓ, ⴷ ⵉⵡⴰⵍⵉⵏ ⴷ ⵉⵏⴱⴱⴰⴹⵏ ⵏ ⵍⵡⵉⵍⴰⵢⴰⵜⵏ ⴷ ⵍⵄⴰⵎⴰⵍⴰⵜ ⴷ ⵜⴰⵙⴳⴰⵜⵉⵏ ⵏ ⵜⴳⵍⴷⵉⵜ, ⵓⵍⴰ ⵉⵡⴰⵍⵉⵏ ⴷ ⵉⵏⴱⴱⴰⴹⵉⵏ ⵏ ⵜⵎⵙⵙⵓⴳⵓⵔⵜ ⵜⴰⵏⴰⵎⵎⴰⵙⵜ ⵏ ⵜⵎⴰⵡⴰⵙⵜ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⵣⵔⵔⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵎⵓⵔⴰⵢⵜⵉⵏ ⵍⵍⵉ ⵉⵙⵎⴷⵢⴰⵏⵉⵏ ⴽⵓⵍⵍⵓ ⵏ ⵜⵙⴳⴰⵜⵉⵏ ⴷ ⵍⵄⴰⵎⴰⵍⴰⵜ ⴷ ⵜⵎⵏⴰⴹⵜⵉⵏ ⵏ ⵜⴰⴳⵍⴷⵉⵜⵉⵏ ⵍⵍⵉ ⵢⵓⵛⴽⴰⵏ ⴰⴼⴰⴷ ⴰⴷ ⴷⴰⵖ ⴼⴽⵉⵏ ⵜⴰⵎⵏⵉⵍⵜ ⵏⵏⵙⵏ ⵉ ⵍⴰⵎⵉⵔ ⵏ ⵉⵎⵓⵎⵏⵏ ⴰⴷ ⵜ ⵉⵏⵚⵕ ⵕⴱⴱⵉ, ⵣⵓⵏⴷ ⵖⵉⴽ ⴰⴷ:

- ⵜⴰⵎⵏⴰⴹⵜ ⵏ ⴷⴷⴰⵅⵍⴰ ⵡⴰⴷ ⴷⴷⴰⵀⴰⴱ, ⵍⵍⵉ ⵢⵙⵎⴰⵏⵏ ⵜⵉⵙⴳⴳⵉⵡⵉⵏ ⵏ ⵡⴰⴷ ⴷⴷⴰⵀⴰⴱ ⴷ ⴰⵡⵙⵔⴷ.
- ⵜⴰⵎⵏⴰⴹⵜ ⵏ ⵍⵄⵢⵓⵏ ⵙⵙⴰⵇⵢⴰ ⵍⵃⵎⵕⴰ ⵍⵍⵉ ⵢⵙⵎⴰⵏⵏ ⵜⵉⵙⴳⴳⵉⵡⵉⵏ ⵏ ⵍⵄⵢⵓⵏ ⴷ ⴱⵓⵊⴹⵓⵕ ⴷ ⵟⵕⴼⴰⵢⴰ ⴷ ⵙⵎⴰⵕⴰ.
- ⵜⴰⵎⵏⴰⴹⵜ ⵏ ⴳⵍⵎⵉⵎ ⵡⴰⴷ ⵏⵓⵏ ⵍⵍⵉ ⵢⵙⵎⴰⵏⵏ ⵜⵉⵙⴳⴳⵉⵡⵉⵏ ⵏ ⴳⵍⵎⵉⵎ ⴷ ⴰⵙⵙⴰ-ⵥⵥⴰⴽ ⴷ ⵟⴰⵏⵟⴰⵏ ⴷ ⵙⵉⴷⵉ ⵉⴼⵏⵉ.
- ⵜⴰⵎⵏⴰⴹⵜ ⵏ ⵟⴰⵏⵊⴰ ⵜⵉⵟⵡⴰⵏ ⵍⵃⵓⵙⴰⵢⵎⴰ ⵍⵍⵉ ⵢⵙⵢⴰⵎⵏⵏ ⵍⵄⴰⵎⴰⵍⴰⵜ ⵏ ⵟⴰⵏⵊⴰ ⴰⵚⵉⵍⴰ ⴷ ⵜⵉⵟⵡⴰⵏ ⴷ ⵍⵎⴹⵢⵇ ⴼⵏⵉⴷⵇ ⴷ ⵜⵙⴳⴰⵜⵉⵏ ⵏ ⵍⴼⴰⵃⵚ ⴰⵏⵊⵕⴰ ⴷ ⵛⴼⵛⴰⵡⵏ ⴷ ⵍⵄⵔⴰⵢⵛ ⴷ ⵡⴰⵣⵣⴰⵏ ⴷ ⵍⵃⴰⵙⵉⵎⴰ.
- ⵜⴰⵎⵏⴰⴹⵜ ⵏ ⵛⵛⴰⵕⵇ ⵍⵍⵉ ⵢⵙⵎⴰⵏⵏ ⵍⵄⴰⵎⴰⵍⴰⵜ ⵏ ⵡⵊⴷⴰ-ⴰⵏⵊⴰⴷ ⴷ ⵏⵏⴰⴹⵓⵕ ⴷ ⴷⵔⵉⵡⵛ ⴷ ⵊⵕⴰⴷⴰ ⴷ ⴱⵔⴽⴰⵏ ⴷ ⵜⴰⵡⵔⵉⵔⵜ ⴷ ⴳⵔⵙⵉⴼ ⴷ ⴼⵉⴳⵉⴳ.
- ⵜⴰⵎⵏⴰⴹⵜ ⵏ ⴼⴰⵙ- ⵎⴽⵏⴰⵙ ⵍⵍⵉ ⵢⵙⵎⴰⵏⵏ ⵍⵄⴰⵎⴰⵍⴰⵜ ⵏ ⴼⴰⵙ ⴷ ⵎⴽⵏⴰⵙ ⴷ ⵍⵃⴰⵊⴱ ⴷ ⵉⴼⵔⴰⵏ ⴷ ⵎⵓⵍⴰⵢ ⵢⵄⵇⵓⴱ ⴷ ⵚⴼⵕⵓ ⴷ ⴱⵓⵍⵎⴰⵏ ⴷ ⵜⴰⵡⵏⴰⵜ ⴷ ⵜⴰⵣⴰ.
- ⵜⴰⵎⵏⴰⴹⵜ ⵏ ⵕⵕⴱⴰⵟ ⵙⵍⴰ ⵍⵇⵏⵉⵟⵕⴰ ⵍⵍⵉ ⵢⵙⵎⴰⵏⵏ ⵍⵄⴰⵎⴰⵍⴰⵜ ⵏ ⵕⵕⴱⴰⵟ ⴷ ⵙⵍⴰ ⴷ ⵚⵚⵅⵉⵕⴰⵜ ⵜⵎⴰⵔⴰ ⴷ ⵍⵇⵏⵉⵜⵕⴰ ⴷ ⵜⵙⴳⴰ ⵏ ⵍⵅⵎⵉⵙⴰⵜ ⴷ ⵙⵉⴷⵉ ⵇⴰⵙⵎ ⴷ ⵙⵉⴷⵉ ⵙⵍⵉⵎⴰⵏ.
- ⵜⴰⵎⵏⴰⴹⵜ ⵏ ⴱⵏⵉ ⵎⵍⵍⴰⵍ- ⵅⵏⵉⴼⵕⴰ ⵍⵍⵉ ⵢⵙⵎⴰⵏⵏ ⵍⵄⴰⵎⴰⵍⴰⵜ ⵏ ⴱⵏⵉ ⵎⵍⵍⴰⵍ ⴷ ⵓⵣⵉⵍⴰⵍ ⴷ ⵍⴼⵇⵉⵀ ⴱⵏⵏ ⵚⴰⵍⵃ ⴷ ⵅⵏⵉⴼⵕⴰ ⴷ ⵅⵔⵉⴱⴳⴰ.
- ⵜⴰⵎⵏⴰⴹⵜ ⵏ ⴹⴹⴰⵕⵍⴱⵉⴹⴰ ⵙⵟⵟⴰⵜ ⵍⵍⵉ ⵢⵙⵎⴰⵏⵏ ⵍⵄⴰⵎⴰⵍⴰ ⵏ ⴹⴹⴰⵕⵍⴱⵉⴹⴰ ⴷ ⵍⵄⴰⵎⴰⵍⴰⵜ ⵏ ⵜⵙⵓⵏⴹⵜ ⵏⵏⵙ ⴷ ⵍⵎⵓⵃⵎⵎⴰⴷⵢⴰ ⴷ ⵜⵙⴳⴰⵜⵉⵏ ⵏ ⵏⵏⵡⴰⵚⵕ ⴷ ⵎⴷⵢⵓⵏⴰ ⴷ ⵚⵟⵟⴰⵜ ⴷ ⵍⵊⴷⵉⴷⴰ, ⴷ ⴱⵏⵏ ⵙⵍⵉⵎⴰⵏ, ⴷ ⴱⵕⵛⵉⴷ, ⴷ ⵙⵉⴷⵉ ⴱⵏⵏⵓⵕ.
- ⵜⴰⵎⵏⴰⴹⵜ ⵏ ⵎⵕⵕⴰⴽⵯⵛ- ⴰⵙⴼⵉ ⵍⵍⵉ ⵢⵙⵎⴰⵏⵏ ⵍⵄⴰⵎⴰⵍⴰⵜ ⵏ ⵎⵕⵕⴰⴽⵯⵛ ⴷ ⵜⵙⴳⴰⵜⵉⵏ ⵏ ⵛⵉⵛⴰⵡⴰ ⴷ ⵍⵃⴰⵡⵣ ⴷ ⴽⵍⵄⵜ ⵚⵚⵔⴰⵖⵏⴰ ⴷ ⵕⵕⵃⴰⵎⵏⴰ ⴷ ⵚⵚⵡⵉⵕⴰ ⴷ ⴰⵙⴼⵉ ⴷ ⵍⵢⵓⵙⵓⴼⵢⴰ.
- ⵜⴰⵎⵏⴰⴹⵜ ⵏ ⴷⵔⵄⴰ ⵜⴰⴼⵉⵍⴰⵍⵜ ⵍⵍⵉ ⵢⵙⵎⴰⵏⵏ ⵜⵙⴳⴰⵜⵉⵏ ⵏ ⵕⵕⴰⵛⵉⴷⵢⴰ ⴷ ⵡⴰⵔⵣⴰⵣⴰⵜ ⴷ ⵎⵉⴷⵍⵜ ⴷ ⵜⵉⵏⵖⵉⵕ ⴷ ⵣⴰⴳⵓⵔⴰ.
- ⵜⴰⵎⵏⴰⴹⵜ ⵏ ⵙⵓⵙ ⵎⴰⵙⵙⴰ ⵍⵍⵉ ⵢⵙⵎⴰⵏⵏ ⵍⵄⴰⵎⴰⵍⴰⵜ ⵏ ⵓⴳⴰⴷⵉⵔ ⵉⴷⴰ ⵡⵜⴰⵏⴰⵏ ⴷ ⵉⵏⵣⴳⴳⴰⵏ ⴰⵢⵜ ⵎⵍⵍⵓⵍ ⴷ ⵜⵙⴳⴰⵜⵉⵏ ⵏ ⵛⵜⵓⴽⴰ ⴰⵢⵜ ⴱⴰⵀⴰ ⴷ ⵜⴰⵔⵓⴷⴰⵏⵜ ⴷ ⵜⵉⵣⵏⵉⵜ ⴷ ⵟⴰⵟⴰ.

ⵜⵙⵙⵏ ⵜⴼⵓⴳⵍⴰ ⴰⴷ ⵜⵉⵍⵉⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵉⵏⵙⵙⵉⵅⴼⵏ ⵏ ⵙⵉⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⴷ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵎⵏⵏⴰⵡ ⵏ ⵉⵡⵔⵉⴽⵏ ⵢⴰⴹⵏ.

Dernière modification : 31 ⵢⵓⵍⵢⵓⵣ 2016
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B4%B3%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%8E%E2%B5%8F%E2%B5%89%E2%B5%8D%E2%B5%9C-%E2%B4%B3-%E2%B5%9C%E2%B5%89%E2%B5%9F%E2%B5%A1%E2%B4%B0%E2%B5%8F#comment-0