Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⴳ ⵟⴰⵏⵊⴰ ⵜⴰⴼⵓⴳⵍⴰ ⵏ ⵓⵙⵏⵓⴱⴳ ⵙ ⵓⵣⵎⵣⵣⵓ ⵏ ⵓⴽⵜⴰⵢ ⵡⵉⵙⵙ 53 ⵏ ⵜⵍⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⴳ ⵟⴰⵏⵊⴰ ⵜⴰⴼⵓⴳⵍⴰ ⵏ ⵓⵙⵏⵓⴱⴳ ⵙ ⵓⵣⵎⵣⵣⵓ ⵏ ⵓⴽⵜⴰⵢ ⵡⵉⵙⵙ 53 ⵏ ⵜⵍⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ

21 ⵖⵓⵛⵜ 2016 Version Imprimable
ⵟⴰⵏⵊⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵙⴰⵎⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵎⴰⵕⵛⴰⵍ ⴳ ⵜⵎⴷⵉⵏⵜ ⵏ ⵟⴰⵏⵊⴰ ⵜⴰⴼⵓⴳⵍⴰ ⵏ ⵓⵙⵏⵓⴱⴳ ⵙ ⵓⵣⵎⵣⵣⵓ ⵏ ⵓⴽⵜⴰⵢ ⵡⵉⵙⵙ 53 ⵏ ⵜⵍⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ.

ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵜⵉⵎⴰⴷⴰⵢⵉⵏ -ⵍⴰⵡⵙⵉⵎⴰ- ⵜⵉⴳⵍⴷⴰⵏⵏ ⵉ ⵎⵏⵏⴰⵡ ⵏ ⵉⵏⵎⵖⵓⵔⵏ.

ⴼ ⵖⵉⴽⴰⵏ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵡⵉⵙⴰⵎ n uⵙⵔⵇⴱ ⴰⵏⴰⵎⵓⵔ ⵙ ⵓⵙⵎⵉⵍ ⵏ ⵓⵎⵓⵣⵔ, ⵉ ⵎⴰⵙⵙ ⵕⴰⵛⵉⴷ ⴱⵏ ⵣⵉⵏ, ⴰⵎⴰⵔⵉ ⴳ ⵜⵯⴰⵡⵙⵉⵡⵉⵏ ⵏ ⵍⵉⵙⵍⴰⵎ ⵉⵣⴷⵖ ⴳ ⴼⵕⴰⵏⵙⴰ, ⴷ ⴽⴰⵔⵉⵎ ⵎⵟⵍⴰⴱ, ⴰⵏⵎⵖⵓⵕ ⴰⵎⴰⵜⴰⵢ ⵏ ⵜⵙⵏⵏⵉⵖⵜ ⵏ ⵍⵍⵓⴼⵕ ⴳ ⴱⴰⵔⵉⵣ, ⴷ ⵕⵓⵛⴷⵉ ⵣⴰⵎ, ⴰⵎⵙⵓⴼⵖ ⴷ ⵓⵙⵎⴷⵢⴰ ⴰⵎⴰⴹⵍⴰⵏ, ⴷ ⵎⵓpⵎⵎⴷ ⵕⴰⴱⵉⵄⵉ, ⴰⵎⵀⴹⵕ ⵏ ⵍⴱⵓⴽⵙ ⴰⵎⵣⵡⴰⵔⵓ ⴳ ⵓⵙⵡⵉⵔ ⴰⵄⵕⴰⴱ ⴷ ⵉⴼⵔⵉⵇⵢⴰ ⵢⵓⵡⵉⵏ ⵜⴰⵙⵎⵖⵓⵕⵜ ⵜⴰⵎⴰⴹⵍⴰⵏⵜ ⴳ ⵍⴱⵓⴽⵙ ⴳ 2015, ⴷ ⵢⵓⵡⵉ ⵜⴰⵎⴰⴷⴰⵢⵜ ⵏ ⵏⵏⵃⴰⵙ ⴳ ⵜⴰⵙⵓⵔⴰⵔⵜ ⵓⵍⴰⵎⴱⴱⵉ ⴳ ⵔⵉⵢⵓ, ⴷ ⵡⴰⵍⵉⴷ ⵔⴳⵔⴰⴳⵉ ⴰⵎⵙⵙⴰⵏⵓⵏ ⵏ ⵜⵛⴰⵎⵎⴰ ⵏ ⵓⴹⴰⵕ, ⴷ ⵉⴳⵍⵍⵉⵏ ⵏ ⵎⵓⵃⴰ ⵡⵍⵃⵓⵙⴰⵢⵏ ⴰⵛⵉⴱⴰⵏ, ⵉⵜⵜⵓⵢⴰⵙⵏ ⵙ ⵢⵉⵙⵎ ⵏ ⵍⵎⴰⵢⵙⵜⵕⵓ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⵃⵉⴷⵓⵙ, ⴷ ⵢⵓⵎⵣ ⵍⵡⵉⵙⴰⵎ ⴰⴷ ⵎⵉⵎⵎⵉⵙ ⵎⴰⵙⵙ ⵍⵃⵓⵙⴰⵢⵏ ⴰⵛⵉⴱⴰⵏ.

ⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵎⴰⴷⴰⵢⵜ ⵏ ⵓⵙⵔⵇⴱ ⴰⵏⴰⵎⵓⵔ ⵙ ⵓⵙⵎⵉⵍ ⵏ ⴹⴰⴱⵉⵟ d ⵜⴰⵎⴰⴷⴰⵢⵜ ⵏ ⵓⵙⵔⵇⴱ ⴰⵏⴰⵎⵓⵔ ⵙ ⵓⵙⵎⵉⵍ d ⵜⴰⵎⴰⴷⴰⵢⵜ ⵏ ⵓⵙⵔⵇⴱ ⴰⵏⴰⵎⵓⵔ ⵙ ⵓⵙⵎⵉⵍ ⵡⵉⵙⵙ ⵙⵉⵏ ⵏ ⴼⴰⵔⵉⵙ ⵎⵯⴰⴷ ⴰⵎⵏⴰⵢ ⵉ ⵎⵏⵏⴰⵡ ⵏ ⵉⴳⵎⴰⵎⵏ ⴳ ⵢⵉⴳⵔ ⵏ ⵜⵓⵏⵏⵓⵏⵜ ⴷ ⵜⵥⵓⵕⵉ ⴷ ⵜⵏⵖⵎⴰⵙⵜ ⴷ ⵜⴷⵍⵙⴰ ⴷ ⵎⴰⵢⴳⴰⵜ ⵉⴳⵔ, ⴳ ⵍⵍⴰⵏ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⴱⵕⵕⴰ ⵏ ⵜⵎⴰⵣⵉⵔⵜ.

ⴳ ⵜⵢⵉⵔⴰ ⵏ ⵜⴼⵓⴳⵍⴰ ⴰⴷ, ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵏⴰⵙ ⵙⵎⵎⴰⵔⵉ, ⴰⵄⵔⵔⵉⵎ ⴷⴰⵔ ⵜⵍⵍⴰ 21 ⵏ ⵓⵙⴳⴳⴰⵙ ⴳ ⵡⴰⴷⴷⴰⴷ ⴰⵎⵎⵓⵄⴹⵕ, ⴷ ⵍⵍⵉ ⴳ ⵉⵟⵏⵀⵍⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙⴳ ⵎⴰⴷⴰⵔⵙ ⵜⵍⵍⴰ ⵚⴹⵉⵚ ⵏ ⵓⵙⴳⴳⴰⵙ, ⴰⵜⵏⵀⵍⵍⴰ ⴰⴷ ⴰⵙ ⵢⵓⵡⵙⵏ ⴰⵍⵍⵉⴳ ⵉⴷⴷⴰ ⵙ ⴽⴰⵏⴰⴷⴰ ⴰⴷ ⵉⴽⵎⵍ ⵜⴰⵖⵓⵔⵉ ⵏⵏⵙ ⴳ ⴽⴰⵏⴰⴷⴰ, ⴷ ⵉⵎⴰⵏ ⴰⵏⴰⵙ ⴳ ⵉⵎⵎⴰⵏⵙ, ⵎⴰⵙⵙⴰ ⵎⴰⵊⴷⴰ ⴽⴰⵔⴰⵎⴰ. 

Dernière modification : 21 ⵖⵓⵛⵜ 2016
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%93%E2%B4%BD%E2%B5%9C%E2%B4%B0%E2%B5%A2-%E2%B5%A1%E2%B5%89%E2%B5%99%E2%B5%99-53-%E2%B5%8F#comment-0