Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴱⵔⴰⵜ ⵉ ⵉⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ 40 ⵏ ⵜⵙⵎⵓⵏⵉ ⵏ ⵉⵏⴱⴷⴰⴷⵏ ⵏ ⵍⴰⴱⵏⴰⴽ ⵉⵏⴰⵎⵎⴰⵙⵏ ⴷ ⵜⵎⵔⵙⵍⵉⵏ ⵏ ⵓⵥⵕⴼ ⴳ ⵉⵡⴰⵏⴽ ⴰⵄⵕⴰⴱⵏ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴱⵔⴰⵜ ⵉ ⵉⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ 40 ⵏ ⵜⵙⵎⵓⵏⵉ ⵏ ⵉⵏⴱⴷⴰⴷⵏ ⵏ ⵍⴰⴱⵏⴰⴽ ⵉⵏⴰⵎⵎⴰⵙⵏ ⴷ ⵜⵎⵔⵙⵍⵉⵏ ⵏ ⵓⵥⵕⴼ ⴳ ⵉⵡⴰⵏⴽ ⴰⵄⵕⴰⴱⵏ

22 ⵛⵓⵜⴰⵏⴱⵉⵔ 2016 Version Imprimable
ⵕⵕⴰⴱⴰⵟ/ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⴽⵡⴰⵙ ,ⵢⴰⵜ ⵜⴱⵔⴰⵜ ⵉ ⵉⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ 40 ⵏ ⵜⵙⵎⵓⵏⵉ ⵏ ⵉⵏⴱⴷⴰⴷⵏ ⵏ ⵍⴰⴱⵏⴰⴽ ⵉⵏⴰⵎⵎⴰⵙⵏ ⴷ ⵜⵎⵔⵙⵍⵉⵏ ⵏ ⵓⵥⵕⴼ ⴳ ⵉⵡⴰⵏⴽ ⴰⵄⵕⴰⴱⵏ.

ⵜⴰⴱⵔⴰⵜ ⴰⴷ ⵉⵖⵔⴰⵜ ⵎⴰⵙⵙ ⵄⴱⴷ ⵍⵍⴰⵟⵉⴼ ⵊⵊⵡⴰⵀⵔⵉ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⴰⴷ ⵎⴰⵙ ⵉⵙⵏ ⵓⵎⵏⴰⴹ ⴰⴳⵔⴰⵖⵍⴰⵏ ⴷ ⵓⵏⵎⵏⴰⴹ ⵉⵙⵏⴼⴰⵍⵏ ⵉⵅⴰⵜⴰⵔⵏ ⵙⴳ ⵜⴰⵙⵎⵓⵏⵉ ⵏ ⵓⵙⵙⵇⵇⵉⵎ ⵏ ⵉⵏⴱⴷⴰⴷⵏ ⵏ ⵍⴰⴱⵏⴰⴽ ⵉⵏⴰⵎⵎⴰⵙⵏ ⴷ ⵜⵎⵔⵙⵍⵉⵏ ⵏ ⵓⵥⵕⴼ ⴳ ⵉⵡⴰⵏⴽ ⴰⵄⵕⴰⴱⵏ ⴳ ⵓⵎⵕⵕⴰⴽⵯⵛ ⴳ ⵓⵙⴳⴳⵯⴰⵙ ⵏ 2008.

ⵉⵔⵏⵓ ⵉⵏⵏⴰ ⵎⴰⵙ ⵜⴹⴼⵕ ⵜⴰⵙⵙⴰⵙⵜ ⵜⴰⴷⵎⵙⴰⵏⵜ ⵜⴰⴳⵔⴰⵖⵍⴰⵏⵜ ⵢⴰⵏ ⵓⵎⵣ ⵉⵖⵣⵣⵉⴼⵏ ⵓⵔ ⵜⵓⵜ ⵉⴳⵔ ⵏ ⵓⵥⵕⴼ ⵎⴰⵛ ⵃⵜⵜⴰ ⵜⴰⴷⵎⵙⴰ .

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⵜⵙⵏ ⵜⵙⴳⴰ ⵏ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⴳ ⵉⵙⴳⴳⵯⴰⵙⵏ ⵉⴳⵔⴰⵏ ⵉⵙⵏⴼⴰⵍⵏ ⵉⵙⵔⵜⴰⵏⵏ ⴷ ⵉⵏⴰⵎⵓⵏⵏ ⵖⵎⴽⵍⵍⵉ ⴷ ⵢⵓⴽⵉ ⵡⴰⵜⵉⴳ ⵏ ⵓⴱⵉⵜⵔⵓⵍ ⵙⴳ ⵏ ⵡⴰⵢⵢⵓⵔ ⵏ ⵢⵓⵏⵢⵓ 2014.

ⵎⴰⵢⴰⴷ ⵢⵓⵊⵊⴰ ⵎⵏⵏⴰⵡⵜ ⵏ ⵜⵎⵉⵣⴰⵔ ⴰⴷ ⵍⵍⵉ ⵉⴱⴷⴷⵏ ⵅⴼ ⴰⴱⵉⵜⵔⵓⵍ ⴰⴷ ⵜⵉⵙⵙⴰⵏ ⵓⴳⴳⵯⵣ ⵏ ⵓⵥⵕⴼ ⵍⵍⵉ ⵉⵜⵜⵓⴼⴽⴰⵏ ⵉ ⵢⵓⵙⵙⴰⵔⵓ ⴰⴷⵎⵙⴰⵏ ⴰⵏⴰⵎⵓⵏ.

ⵎⴰⵛ ⵉⵙⵙⵓⵙⵎⴰⵅ ⴰⵟⵟⴰⵙ ⵍⵍⵉⵅ ⵎⵓⵔⵙⵏⵜ ⵜⵉⴷⵎⵙⵉⵏ ⵏ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⵎⵏⵉⴷ ⵏ ⵜⴰⵙⵙⴰⵙⵜ ⴰⴷ ⵙ ⵜⵎⵏⵜⵉⵏⵜ ⵏ ⵉⵙⴳⴳⴷⵏ ⵉⵖⵓⴷⵏ ⴷ ⵜⵙⵔⵜⵉⵜⵉⵏ ⵏ ⵓⵎⵢⴰⵏⴰⵡ ⴰⴷⵎⵙⴰⵏ.

ⴳ ⵎⴰⴷ ⵉⵥⵍⵉⵏ ⵙ ⵍⵎⵖⵔⵉⴱ ⵉⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜⵥⴹⴰⵕ ⵜⴷⵎⵙⴰ ⵏⵏⵙ ⴰⴷ ⵜⴱⴷ ⵎⵏⵉⴷ ⵏ ⵜⴰⵙⵙⴰⵙⵜ ⴰⴷ ⵙ ⵜⵎⵏⵉⵍⵜ ⵏ ⵉⵙⵏⵜⵉⵏ ⵉⵅⴰⵜⴰⵔⵏ ⵍⵍⵉ ⵏⵕⵥⵎ ⵙⴳ ⵍⴱⴷⵓ ⵏ ⵜⴰⵙⵓⵜ ⴰⴷ ⴷ ⵜⵓⴳⴳⴰⵙ ⵍⵍⵉ ⴽⵙⴽⴰⵔ ⴰⴼⴰⴷ ⴰⵙⴼⵓⵍⴽⵉ ⵏ ⵜⵡⵓⵔⵉⵡⵉⵏ.

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵉⵇⵇⴰⵏ ⴰⴷ ⵉⵜⵜⵓⴼⴽⴰ ⵢⴰⵏ ⵡⴰⴷⴷⵓⵔ ⵉ ⵜⴳⵎⵉ ⴷ ⵉⵎⴰⵍ ⵏ ⵜⴰⵙⵓⵜⵉⵏ ⴰⴷ ⵢⵓⵛⴽⴰⵏ ⵙⵍⴰⵡⴰⵏ ⴰⴽⴽⵯ ⵉⵡⵜⵜⴰⵙⵏ ⵏ ⵜⵉⵏⵉⴼⴹⵜ ⵜⵉⵙⵙ ⴽⵕⴰⴹⵜ ⴳ ⵎⴰⴷ ⵉⵥⵍⵉⵏ ⵙ ⵉⵙⵏⴼⴰⵍⵏ ⵏ ⵓⵏⵣⵡⵉ.

ⵎⴰⵢⴰⴷ ⴰⴷ ⵢⵓⵊⵊⴰⵏ ⵍⵎⵖⵔⵉⴱ ⴰⴷ ⵉⵙⵏⵓⴱⴳ ⵜⵉⵏⴰⵡⵜ ⵏ ⵓⵏⵣⵡⵉ (ⴽⵓⴱ 22) ⵍⵍⵉ ⵔⴰⴷ ⵜⵙⵏⵓⴱⴳ ⵜⵎⴷⵉⵏⵜ ⵏ ⵎⵕⵕⴰⴽⵯⵛ ⴳ ⵏⵓⵏⴱⵉⵔ ⴰⴷ ⵢⵓⵛⴽⴰⵏ.

Dernière modification : 22 ⵛⵓⵜⴰⵏⴱⵉⵔ 2016
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%89%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%9C%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-40-%E2%B5%8F-%E2%B5%9C%E2%B5%99%E2%B5%8E%E2%B5%93%E2%B5%8F%E2%B5%89-%E2%B5%8F#comment-0