ⵉⴼⴽⴰ ⵍⴰⵎⵉⵔ ⵏ ⵉⵎⵓⵎⵏⵏ ⴳ ⵟⴰⵏⵊⴰ ⴰⵕⵥⵥⵓⵎ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵙⵉⴷⵍⴼ ⴳ ⵜⵉⵎⵣⴳⵉⴷⵉⵡⵉⵏ ⵙ ⵓⵎⵓⵙⵙⵓ ⴰⵙⴳⵎⴰⵏ 2016-2017

23 ⵛⵓⵜⴰⵏⴱⵉⵔ 2016 Version Imprimable

ⵟⴰⵏⵊⴰ/ - ⵉⴼⴽⴰ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵉⵏⵚⵕ ⵕⴱⴱⵉ ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ , ⴷⴼⴼⵉⵔ ⵏ ⵜⵥⴰⵍⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵏ “ⵍⵉⵎⴰⵎ ⵍⴱⵓⵅⴰⵔⵉ” ⴳ ⵜⵓⴷⴷⵓⵔⵜ ⵏ ⴱⴰⵏⵉ ⵎⴰⴽⴰⴷⴰ ⴳ ⵟⴰⵏⵊⴰ ⴰⵕⵥⵥⵓⵎ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵙⵉⴷⵍⴼ ⴳ ⵜⵉⵎⵣⴳⵉⴷⵉⵡⵉⵏ ⵙ ⵓⵎⵓⵙⵙⵓ ⴰⵙⴳⵎⴰⵏ 2016-2017.

ⵙ ⵓⵣⵎⵣⵣⵓ ⴰⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵜⴰⵙⵎⵖⵔⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵎⵖⴰⵔⵉⵏ ⵍⵍⵉ ⵎⵓⵔⵙⵏⵉⵏ ⴳ ⵓⵖⴰⵡⴰⵙ ⵏ ⵓⵙⵙⵉⴷⵍⴼ ⴳ ⵜⵉⵎⵣⴳⵉⴷⵉⵡⵉⵏ ⵙ ⵓⵎⵓⵙⵙⵓ ⴰⵙⴳⵎⴰⵏ 2015-2016.

ⵜⵉⵙⵎⵖⵓⵔⵉⵏ ⴰⴷ ⵥⵍⵉⵏⵜ ⵙ ⵃⴰⴼⵉⴹⴰ ⵎⵣⵢⴰⵏⵉ (ⴱⵔⴽⴰⵏ ) ⴷ ⴼⴰⵟⵉⴰⵎ ⵄⴱⴱⴰⵙⵉ ( ⵅⵏⵉⴼⵕⴰ) ⴷ ⵄⵢⵢⴰⴷⴰ ⵎⵅⵛⵓⵏⵉ (ⵟⴰⵟⴰ) ⴷ ⵎⵉⵏⴰ ⵏⵡⵉⵏⵉ (ⵛⵉⵛⴰⵡⴰ) ⴷ ⵙⴰⵎⵉⵔⴰ ⵉⴷⵔⵢⵓⵛ (ⴳⵍⵎⵉⵎ).

ⵉⴽⴽⴰⵜⵏ ⵓⵖⴰⵡⴰⵙ ⴰⴷ ⵉⵜⵜⵕⵣⵎ ⴳ ⵜⵙⵏⵙⵉ ⵏ ⵉⵡⴰⵍⵉⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⵙ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 47 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ (20 ⵖⵓⵛⵜ 2000).

ⵖⵉⵏ ⵉⴱⵖⵓⵔⵏ ⴳ ⵓⵖⴰⵡⴰⵙ ⴰⴷ ⵍⵍⵉ ⵎⵓ ⵜⵣⵡⴰⵔ ⵔⵎⴰⵡⴰⵙⵜ ⵏ ⵍⴰⵡⵇⴰⴼ ⴷ ⵉⵙⴽⴽⵉⵏⵏ ⵏ ⵍⵙⵍⴰⵎ ⴳ 2015-2016 293.926 ⵏ ⵓⴼⴳⴰⵏ ⴳⵉⵙⵏ 46,3% ⴳ ⵓⵎⴰⴹⴰⵍ ⴰⴼⴰⵔⴰⵏ.

Dernière modification : 23 ⵛⵓⵜⴰⵏⴱⵉⵔ 2016

Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B3-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%8F-%E2%B5%93%E2%B5%99%E2%B5%99%E2%B5%89%E2%B4%B7%E2%B5%8D%E2%B4%BC-%E2%B4%B3-%E2%B5%9C%E2%B5%89%E2%B5%8E%E2%B5%A3%E2%B4%B3%E2%B5%89%E2%B4%B7%E2%B5%89%E2%B5%A1%E2%B5%89%E2%B5%8F-%E2%B5%99#comment-0