ⴳ ⵍⴱⴷⵓ ⵏ ⵜⵖⵉⵎⵉⵜ ⴰⴷ, ⵉⵜⵜⵓⴼⵙⵔ ⵢⴰⵏ ⵍⴼⵉⵍⵎ ⴰⵙⵔⵜⴰⵏ ⴷⴷⵓ ⵓⵙⴳⵓⵎ ⵏ “ⵜⵉⴳⵍⴷⵉⵜ ⵜⴰⵙⵓⵍⴰⵏⵜ”, ⵍⵍⵉ ⴳ ⵉⵎⵍ ⵜⵓⴳⴳⴰⵣ ⵏⵏⴰ ⵜⴳⴰ ⵜⴳⵍⴷⵉⵜ ⵜⴰⵎⵖⵔⴰⴱⵉⵢⵜ ⴳ ⵢⵉⴳⵔ ⵏ ⵜⵉⴳⵎⵉ ⵜⴰⵙⵓⵍⴰⵏⵜ, ⵙⵍⴰⵡⵏ ⴰⴽⴽⵯ ⴳ ⵢⵉⴳⵔ ⵏ ⵜⵎⴰⵍⵍⴰⵢⵜ ⴷ ⵜⴳⵎⴰⵔⵜ ⵜⴰⵢⵍⵍⴰⵏⵜ ⴷ ⵜⴼⵍⵍⴰⵃⵜ ⴷ ⵓⵙⵡⵓⴷⴷⵓ ⵏ ⵉⵙⴰⴳⵎⵏ ⵏ ⵡⴰⵎⴰⵏ ⴷ ⵜⵣⴹⴰⵕⵜ ⵉⵜⵜⵓⵙⵎⴰⵢⵏⵓⵏ.
ⴷ ⵉⵥⵍⵉ ⵓⵕⵥⵥⵓⵎ ⴰⵎⴰⴷⴷⵓⴷ ⵏ ⵜⵇⵉⵛⵛⵉⵜ ⴰⴷ ⵙ ⵉⵏⴰⵡ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙⴰ ⵎⵏⵉⴷ ⵏ ⵜⵉⵖⵉⵎⵉⵜ ⵜⴰⵎⴰⴷⴷⵓⴷⵜ ⵢⴰⵜⵜⵓⵢⵏ ⵏ ⵜⵉⵏⴰⵡⵜ ⵜⵉⵙⵙ 22 ⵏ ⵜⵎⵜⵜⴰ ⵉⵎⵓⵏⵏ ⵏ ⵉⵙⵏⴼⴰⵍⵏ ⵏ ⵓⵏⵣⵡⵉ « ⴽⵓⴱ 22 » ⵍⵍⵉ ⵉⵜⵜⵓⵙⵏⵎⴰⵍⵏ ⴳ ⵎⵕⵕⴰⴽⵯⵛ ⴳⵔ 07 ⴰⵔ 18 ⵏⵓⵡⴰⵏⴱⵉⵔ.
ⵙ ⵓⵣⵎⵣⵣⵓ ⴰⴷ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⴰⴷ ⵙ ⴰⵙⵎⵓⵙⵙⵓ ⵉⵣⴷⵉⵏ ⴷ ⵓⵖⵣⵓⵔⴰⵏ ⴰⴼⴰ ⴷ ⴰⵙⵏ ⵜⵉⵍⵉ ⵜⵓⴷⵔⵜ ⵉⵖⵓⴷⴰⵏ ⵉ ⵜⵙⵓⵜⴰⵜⵉⵏ ⵍⵍⵉ ⴷ ⵢⵓⵛⴽⴰⵏ. ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙⵓⵍ ⵎⴰⵙ “ⵜⵍⴽⴰⵎ ⵜⵉⵣⵉ ⴳ ⵉⵅⵚⵚⴰ ⴰⴷ ⵏⵙⴽⵔ ⴰⵙⴳⴷ ⵏ ⵡⴰⴷⴷⴰⴷ ⴰⴷ, ⴷ ⵎⴰⵙ ⵓⵔ ⴷⴰⵔⵏⵖ ⴰⴱⵍⴰ ⵜⴰⵡⵓⵔⵉ ⴳ ⵓⵙⴰⵜⵉ ⵏ ⵓⵙⵎⵓⵙⵙⵓ ⵉⵣⴷⵉⵏ ⴷ ⵓⵖⵣⵓⵔⴰⵏ ⴷ ⵜⵎⵢⴰⵎⴰⵥⵜ ⵉⵣⴷⴷⵉⴳⵏ, ⵃⵎⴰ ⴷ ⵜⵉⵍⵉ ⵢⴰⵜ ⵜⵓⴷⵔⵜ ⵉⵖⵓⴷⴰⵏ ⴷ ⵉⴼⵓⵍⴽⵉⵏ ⵉ ⵜⵙⵓⵜⴰ ⵍⵍⵉ ⴷ ⵉⴷⴷⴰⵏ”.
ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵏ ⵉⵏⴰⵡ ⵎⵏⵉⴷ ⵏ ⵜⵉⵖⵉⵎⵉⵜ ⵜⴰⵎⴰⴷⴷⵓⴷⵜ ⵢⴰⵜⵜⵓⵢⵏ ⵏ ⵜⵉⵏⴰⵡⵜ ⵜⵉⵙⵙ 22 ⵏ ⵜⵎⵜⵜⴰ ⵉⵎⵓⵏⵏ ⵏ ⵉⵙⵏⴼⴰⵍⵏ ⵏ ⵓⵏⵣⵡⵉ « ⴽⵓⴱ 22 » ⵍⵍⵉ ⵉⵜⵜⵓⵙⵏⵎⴰⵍⵏ ⴳ ⵎⵕⵕⴰⴽⵯⵛ ⴳⵔ 07 ⴰⵔ 18 ⵏⵓⵡⴰⵏⴱⵉⵔ, ⵎⴰⵙ ⵜⵉⵢⴰⴼⵓⵜⵉⵏ ⵏ ⵓⵙⴳⵔⴰⵡ ⴰⴷ ⵔⴰⵏⵜ ⴰⴷ ⵥⵍⵉⵏⵜ ⵉⵎⴰⵍ ⵏ ⵜⵙⵓⵜⴰ ⵜⴰⵎⴰⵢⵏⵓⵜ, ⵍⵍⵉ ⵉⵅⵚⵚⴰ ⴰⴷ ⵜⵙⵡⵓⵔ ⵅⴼ ⵜⵙⵏⵜⴰⵢⵜ ⴷ ⵓⵎⵢⴰⴳ.