Published on MAPNews (https://www.mapnews.ma/am)

Accueil > ⵜⴰⵡⵊⴰ ⵜⴰⴳⵍⴷⴰⵏⵜ ⴷ ⵓⴳⴷⵓⴷ ⴰⵎⵖⵔⵉⴱⵉ ⴰⵔ ⵉⵙⴼⵓⴳⵍⴰ ⴰⵙⵙ ⵏ ⵓⴽⵡⴰⵙ ⴰⵙⵙ ⵏ ⵜⵍⴰⵍⵉⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴰⵡⵊⴰ ⵜⴰⴳⵍⴷⴰⵏⵜ ⴷ ⵓⴳⴷⵓⴷ ⴰⵎⵖⵔⵉⴱⵉ ⴰⵔ ⵉⵙⴼⵓⴳⵍⴰ ⴰⵙⵙ ⵏ ⵓⴽⵡⴰⵙ ⴰⵙⵙ ⵏ ⵜⵍⴰⵍⵉⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ

19 ⵏⵓⵡⴰⵏⴱⵉⵔ 2016 Version Imprimable
ⵕⵕⴱⴰⵟ - ⵜⵙⴼⵓⴳⵍⴰ ⵜⴰⵡⵊⴰ ⵜⴰⴳⵍⴷⴰⵏⵜ ⴷ ⵓⴳⴷⵓⴷ ⴰⵎⵖⵔⵉⴱⵉ ⴰⵙⵙ ⵏ ⵓⴽⵡⴰⵙ, ⴰⵙⵙ ⵏ ⵜⵍⴰⵍⵉⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵍⵍⵉ ⵢⵉⵜⵜⵓⵙⵙⴰⵏⵏ ⵣⵖ ⵍⵍⵉ ⵖ ⵜⵎⵥⵥⵉ ⵙ ⵜⵉⴳⴰⵡⵉⵏ ⵏⵏⵙ ⵥⵉⵍⵏⵉⵏ ⴷ ⵉⵎⵓⵙⵙⵓⵜⵏ ⵏⵏⵙ ⴳⴳⵓⵜⵏⵉⵏ ⵅⴼ ⵜⵏⴽⵔⴰ ⵙ ⵜⴷⴰⵎⵙⴰ ⵏ ⵓⵡⵏⴰⴹ ⴷ ⵜⵉⵡⵉⵙⵉ ⵜⴰⵏⴰⵎⵓⵏⵜ.

ⵜⵍⵍⴰ ⵜⴳⵍⴷⵓⵏⵜ ⵖ ⵜⴰⵙⴳⵉⵡⵉⵏ ⵏ ⴰⴽⴽⵯ ⵜⵉⴳⴰⵡⵜ ⵜⴰⵏⴰⵎⵓⵏⵜ, ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⵜⵓⵙⵙⴰⵏ ⵙ ⵡⴰⵙⵓⵖⵏ ⵏⵏⵙ ⵅⴼ ⵡⵉⵍⵍⵉ ⵎⵓ ⵉⵀⵔⵛ ⵓⵙⵓⵔⵙ ⵖ ⵍⵎⵖⵔⵉⴱ, ⴰⵛⴽⵓ ⵉⴳⴰ ⵢⴰⵜ ⵜⵎⵙⵙⵉⵍⵉⵜ ⵉⴳⴰⵏ ⵜⴰⵎⵙⴷⴷⵓⵔⵜ ⵖ ⵓⴼⵔⴰⴳ ⵏ ⵓⵡⵏⴰⴹ ⴷ ⵜⴳⵎⵉ ⵜⴰⵙⵓⵍⴰⵏⵜ.

ⵜⵓⴳⴳⴰⵣ ⵏ ⵍⴰⵍ ⵏ ⵜⴰⵜⵜⵓⵢⵜ ⵅⴼ ⵓⵏⴰⵎⵓⵏ ⴰⵎⵖⵔⵉⴱⵉ ⴷ ⵜⵙⵏⵜⴰⵢⵉⵏ ⵍⵍⵉ ⵜⵙⴽⵔ ⵖ ⵉⴳⵔ ⵏ ⵓⵡⵏⴰⴹ, ⴼⴽⴰⵏ ⴰⵙ ⵖ 2007, ⵜⴰⵙⵎⵖⵓⵔⵜ ⵏ ⵜⵎⵙⵇⴰⴷⵜ ⵏ ⵓⴼⵜⴰⵙ ⴷⴰⵔ ⵉⵎⵜⵜⴰ ⵉⵎⵓⵏⵏ, ⵢⴰⵜ ⵜⵎⴰⵜⴰⵔⵜ ⵉⵥⵉⵍⵏ ⵏ ⵜⵓⴽⵣⴰ ⵏ ⵜⵡⵓⵔⵉ ⵏⵏⵙ ⵅⴼ ⵓⴼⵔⴰⴳ ⵏ ⵓⵡⵏⴰⴹ ⵣⵖ ⵍⵍⵉ ⵜⵙⵙⵉⵅⴼ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⴹⵉⵙ ⵏ ⵓⵔⴰⵢ ⵏ ⵓⵡⵏⴰⴹ.

ⴷ ⵉⵙⵙⵏ ⵓⵣⵎⵣ ⴳⵔ ⵏⵓⵡⴰⵏⴱⵉⵔ 2014 ⴷ ⵏⵓⵡⴰⵏⴱⵉⵔ 2015 ⵛⴰⵢⴳⴰⵏ ⵏ ⵉⵎⵓⵙⵙⵓⵜⵏ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⵙⵙⵉⵅⴼ ⴳ 7 ⴷⵓⵊⴰⵏⴱⵉⵔ 2014 ⴳ ⵚⵅⵉⵕⴰⵜ ⵜⴰⴼⵓⴳⵍⴰ ⵏ ⵜⵓⴽⴽⵉ ⵏ ⵜⵙⵎⵖⵓⵔⵉⵏ ⵏ ⵍⴰⵍⵍⴰ ⵃⵙⵏⴰ « ⵜⴰⵖⴰⵔⵜ ⵜⴰⵙⵓⵍⴰⵏⵜ », ⵜⵜⵓⴼⴽⴰ ⵙ ⵓⵣⵎⵣⵣⵓ ⴰⴷ ⵓⵙⵍⴽⵉⵏ ⵉⵥⵍⵉⵏ ⵙ ⵜⵎⴰⵜⴰⵔⵜ « ⵜⴰⵎⵙⵎⵓⵏⵜ ⵜⴰⵎⵙⵜⴳⴳⵯⴰⵔⵜ » ⵍⵍⵉ ⵜⴼⴽⴰ ⵜⵎⵔⵙⵍⵜ ⵏ ⵓⵙⵉⵔⴰ ⴰⵎⴰⴹⵍⴰⵏ ⴼⵉⴳⵓ, ⵉⵥⵍⵉⵏ ⵙ ⵓⵙⵙⵓⵜⴳ ⵏ ⵜⵎⵙⵜⴳⴳⵯⴰⵔⵜ ⵜⴰⵏⴰⵎⵓⵏⵜ ⵏ ⵜⵎⵔⵙⵍⵜⵉⵏ.

ⴷ ⵜⵙⵙⵉⵅⴼ ⴳ 8 ⴷⵓⵊⴰⵏⴱⵉⵔ 2014 ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⴰⵏⵙⵙⵉⵅⴼⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⴳ ⵕⵕⴱⴰⴹ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⵏ ⵜⵎⵔⵙⵍⵜ.

ⴷ ⵜⴼⴽⴰ ⴳ 12 ⵎⴰⵢⵢⵓ 2015 ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵕⵕⴱⴰⴹ, ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵓⵙⴳⴷ ⵏ ⵜⵓⵔⵜⵉⵜ ⵏ ⵍⴰⵏⴷⴰⵍⵓⵙ (ⵓⵔⵜⵉ ⵏ ⵍⵃⴰⵙⴰⵏ ⵡⵉⵙⵙ ⵙⵙⵉⵏ).

ⴷ ⵜⵙⵙⵉⵅⴼ ⴳ 23 ⵎⴰⵢⵢⵓ 2015 ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⴰⴼⵓⴳⵍⴰ ⵏ ⵡⴰⵙⵙ ⴰⵏⴰⵎⵓⵔ ⵏ ⵍⵎⵖⵔⵉⴱ ⴳ ⵓⵙⴼⵙⵔ ⴰⵎⴰⴹⵍⴰⵏ ⵏ « ⵉⴽⵙⴱⵓ 2015 », ⴳ ⵜⵕⵥⵎ ⵓⵏⵙⴰ ⵏ ⵜⴳⵍⴷⵉⵜ ⴳ ⵓⵙⴼⵙⵔ ⴰⴷ ⵉⵍⵍⴰⵏ ⴳ ⵓⵙⴰⵢⵙ ⵏ ⵜⵓⵔⵜⵉⵜ ⵏ ⵉⵙⴼⵙⴰⵔⵏ ⴳ ⵎⵉⵍⴰⵏⵓ.

ⴷ ⵜⵙⵙⵉⵅⴼ ⴳ 8 ⴽⵟⵓⴱⵕ 2015 ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵓⴷⵖⵔⴰⵏ ⵏ ⵜⵏⵎⴰⵍⴰⵢⵜ ⵜⴰⵏⵙⵍⵎⵜ ⵏ ⵓⵙⴳⵎⵉ ⴰⵎⴰⵙⵙⴰⵏ ⴷ ⵜⴷⵍⵙⴰ (ⵉⵙⵉⵙⴽⵓ) ⴳ ⵕⵕⴱⴰⴹ, ⴰⵏⵏⵓⵕⵥⵎ ⵏ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⵏⵙⵍⵎ ⵡⵉⵙⵙ ⵚⴹⵉⵚ ⵏ ⵉⵎⴰⵡⵙⴰⵙⵏ ⵏ ⵓⵡⵏⴰⴹ, ⵍⵍⵉ ⵉⵜⵜⵓⵙⵏⵎⴰⵍⴰⵏ ⵙ ⵢⵉⵡⵉⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷⵓ ⵜⵎⴰⵜⴰⵔⵜ « ⴰⵙⵏⴼⵍⵓⵍ ⵏ ⵓⵏⵣⵡⵉ : ⵜⴰⵏⵥⵕⵜⵉⵏ ⵏ ⵉⵎⴰⵍ ⴰⴼⴰ ⴷ ⵜⵉⵍⵉ ⵜⴳⵎⵉ ⵜⴰⵙⵓⵍⴰⵏⵜ ».

ⴳ 21 ⵉⵏⵏⴰⵢⵔ 2016, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⴳ ⵕⵕⴱⴰⵟ, ⵜⵉⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⵏ ⵜⵎⵔⵙⴰⵍ.

ⴷ ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ ⴳ ⴱⴰⵔⵉⵣ ⴰⵙⵙ ⵏ 5 ⵉⴱⵔⵉⵔ 2016, ⵜⴰⴼⵓⴳⵍⴰ ⵏ ⵓⵙⴳⵎⴰⴹ ⵅⴼ ⵜⵎⵢⴰⵇⴰⵏⵜ ⵏ ⵜⵓⵛⵔⴽⴰ ⵅⴼ ⵓⵙⵎⵓⵜⴳ ⵏ ⵜⵉⴳⵎⵉ ⵜⴰⵙⵓⵍⴰⵏⵜ ⴳ ⵍⵎⵖⵔⵉⴱ, ⴳⵔ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ ⴷ ⵍⵢⵓⵏⵉⵙⴽⵓ.
 

Dernière modification : 19 ⵏⵓⵡⴰⵏⴱⵉⵔ 2016
Source URL: https://www.mapnews.ma/am/activites-princieres/%E2%B5%9C%E2%B4%B0%E2%B5%A1%E2%B5%8A%E2%B4%B0-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B7-%E2%B5%93%E2%B4%B3%E2%B4%B7%E2%B5%93%E2%B4%B7-%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89-%E2%B4%B0%E2%B5%94-%E2%B5%89%E2%B5%99%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%A1%E2%B4%B0%E2%B5%99-%E2%B4%B0%E2%B5%99%E2%B5%99-%E2%B5%8F-%E2%B5%9C%E2%B5%8D%E2%B4%B0%E2%B5%8D%E2%B5%89%E2%B5%9C-%E2%B5%8F-%E2%B5%8D%E2%B4%B0%E2%B5%8D-%E2%B5%8F-0#comment-0