Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⵎⵕⵕⴰⴽⵯⵛ ⵜⴰⴼⵓⴳⵍⴰ ⵏ ⴰⵙⵙ ⴰⵏⴰⵎⵓⵔ ⵏ ⵓⵙⴱⴷⴷⵉ ⵏ ⵍⴽⵓⵏⵚⵉⵕ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⵎⵕⵕⴰⴽⵯⵛ ⵜⴰⴼⵓⴳⵍⴰ ⵏ ⴰⵙⵙ ⴰⵏⴰⵎⵓⵔ ⵏ ⵓⵙⴱⴷⴷⵉ ⵏ ⵍⴽⵓⵏⵚⵉⵕ

22 ⵏⵓⵡⴰⵏⴱⵉⵔ 2017 Version Imprimable
ⵎⵕⵕⴰⴽⵯⵛ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵍⴽⵓⵏⵚⵉⵕ, ⴳ ⵢⵉⴹ ⵏ ⵓⴽⵕⴰⵙ ⴳ ⵜⴳⴰⴷⵉⵔⵜ ⵏ ⵉⴳⵔⴰⵡⵏ ⵏ ⵎⵕⵕⴰⴽⵯⵛ, ⵜⴰⴼⵓⴳⵍⴰ ⵏ ⴰⵙⵙ ⴰⵏⴰⵎⵓⵔ ⵏ ⵓⵙⴱⴷⴷⵉ ⵏ ⵍⴽⵓⵏⵚⵉⵕ.

ⴰⵎⵎⴰⵙ ⵏ ⵜⴼⵓⴳⵍⴰ ⵢⴰⴷ, ⵜⵙⵎⵏⵉⴷ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵍⴽⵓⵏⵚⵉⵕ ⵜⴰⴳⴹⵡⵉⵜ ⴷ ⵉⵙⵖⵍⴼⵏ ⵏ ⵓⴳⵔⴰⵡ "ⵍⴽⵓⵏⵚⵉⵕ ⵏ ⵜⴱⵓⴱⴱⴰⵜ ⴳ ⵍⵎⵖⵔⵉⴱ: ⵜⴰⵎⵢⴰⴷⴰⵙⵜ ⵜⴰⵖⵣⵓⵔⴰⵏⵜ" ⵉⵜⵜⵓⵙⴽⴰⵔⵏ ⴳ ⵎⵕⵕⴰⴽⵯⵛ ⵙⴳ 21 ⴰⵔ 22 ⵏⵓⵡⴰⵏⴱⵉⵔ, ⵎⴰⵢⴰⴷ ⵉⵔⴰⵏ ⴰⴷ ⵉⵎⵍ ⵉⵍⴰⵢⵏ ⴷ ⵜⵉⵢⴰⴼⵓⵜⵉⵏ ⵏ ⵜⵉⴳⴰⵡⵉⵏ ⵉⵜⵜⵓⵙⴽⴰⵔⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ "ⴽⵓⵏⵚⵉⵕ 2010-2019".

ⴷⴼⴼⵉⵔ ⵏ ⵖⵉⴽⴰⵏⵏ, ⵉⵙⵎⵓⵙⵙⴰ ⴷⴷⵓⴽⵜⵓⵕ ⴽⵔⵉⵙⵜⵓⴼⵕ ⴱⵉ. ⵡⴰⵢⵍⴷ, ⴰⵏⵎⵀⴰⵍ ⵏ ⵓⵎⵎⴰⵙ ⵉⴳⵔⴰⵖⵍⴰⵏ ⵏ ⴰⵙⵉⴳⴳⵍ ⵅⴼ ⵍⴽⵓⵏⵚⵉⵕ ⵏ "ⵍⵉⵢⵓⵏ" ⴳ ⴼⵕⴰⵏⵚⴰ, ⵢⴰⵜ ⵜⵉⵏⴰⵡⵜ ⵅⴼ ⵜⴰⵎⵔⵏⵓⵜ "ⵍⴽⵓⵏⵚⵉⵕ ⵏ ⵜⴱⵓⴱⴱⴰⵜ: ⵜⴰⵏⵥⵕⵜ ⵜⴰⵎⵇⵔⴰⵏⵜ ⴷ ⵜⴰⴳⵔⴰⵖⵍⴰⵏⵜ".

ⴷⴼⴼⵉⵔ ⵏ ⵖⵉⴽⴰⵏⵏ, ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵜⴰⵙⵎⵖⵓⵔⵜ ⵜⴰⴳⵔⴰⵖⵍⴰⵏⵜ ⵏ ⵓⵙⴱⴷⴷⵉ ⵏ ⵍⴽⵓⵏⵚⵉⵕ ⵉ ⴷⴷⵓⴽⵜⵓⵕ ⴽⵍⵓⴹ ⵛⴰⵕⴹⵓ, ⵎⴰⵢⴰⴷ ⵉⴷⵔⴰⵏ ⴱⴰⵀⵔⴰ ⴳ ⵜⵓⴳⵉ ⵏ ⵓⵙⵉⵏⴰⴳ ⴰⵏⴰⵎⵓⵔ ⵏ ⵜⴰⵏⴽⵓⵍⵓⵊⵉⵜ ⵏ ⵕⵕⴱⴰⵟ, ⵉⴳⴰ ⵡⵙⵍⵎⴰⴷ ⴰⵎⵇⵔⴰⵏ ⵏ ⵜⵉⵎⴰⵙⵙⴰⵏⵉⵏ ⵏ ⵍⴽⵓⵏⵚⵉⵕ ⴳ ⵜⵙⴷⴰⵡⵉⵜ ⵏ "ⵏⴰⵏⵙⵉ".

ⵜⴼⴽⴰ ⵙⵓⵍ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵜⴰⵙⵎⵖⵓⵔⵜ ⵜⴰⵏⴰⵎⵓⵔⵜ ⵉ ⴷⴷⵓⴽⵜⵓⵕ ⵃⴰⵙⴰⵏ ⵔⵔⵉⵃⴰⵏⵉ, ⵎⴰⵢⴰⴷ ⵉⵙⵔⵙⵏ ⴰⴷⵉⴱⵍⵓⵎ ⴰⵏⴰⵎⵓⵔ ⴰⵎⵣⵡⴰⵔⵓ ⵏ ⵜⴰⵏⴽⵓⵍⵓⵊⵉⵜ. ⵉⴳⴰ ⵖⵉⵍ ⴰⴷ ⴰⵏⵙⵙⵉⵅⴼ ⵏ ⵜⵣⵓⵏⵉ ⵏ ⵜⴰⵏⴽⵓⵍⵓⵊⵉⵜ ⵏ ⵕⵕⴱⴰⵟ, ⴷ ⵢⵓⵎⵥ ⵎⵏⵏⴰⵡⵜ ⵏ ⵜⵉⵎⵙⵜⴳⴳⴰⵔⵉⵏ ⵢⴰⴹⵏⵉⵏ.

ⵜⵎⵎⴰ ⵜⴰⴼⵓⴳⵍⴰ ⵢⴰⴷ ⵙ ⵢⴰⵏ ⴰⴼⵕⵕⵊ ⵉⵅⴰⵜⴰⵔⵏ ⵍⵍⵉ ⵢⵙⴽⵔ ⵓⴳⵔⴰⵡ ⵏ "ⴹⵓⵜⵛ ⴼⵉⵍⴰⵕⵎⵓⵏⵉ ⵎⵉⵔⴽ" ⵉⴹⴼⵕⵏ ⵉ "ⵎⵉⵔⴽ ⴼⴰⵎⵉⵍⵉ ⴼⴰⵡⵏⴷⵉⵢⵛⵏ".

ⵍⵍⵉⵖ ⵜⵍⴽⵎ ⵙ ⵓⴷⵖⴰⵔ ⵏ ⵜⴼⵓⴳⵍⴰ, ⵜⵣⵣⵔⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵢⴰⵏ ⵓⵢⵢⴰⵡ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵉⴳⵍⴷⴰⵏ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵜ ⵣⵓⵍⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⵍⴰⵏⵜ ⴷ ⵜⵉⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏ, ⴷ ⵎⴰⵙⵙ ⵎⵓⵍⴰⵢ ⵃⴼⵉⴹ ⵍⵄⴰⵍⴰⵎⵉ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵓⵙⵙⴰⵔⵓ ⴷ ⵜⵙⴱⴱⴰⴱⵜ ⴷ ⵜⴷⵎⵙⴰ ⵜⴰⵎⵓⵟⵟⵓⵏⵜ, ⴷ ⵎⴰⵙⵙ ⵄⴱⴷ ⵍⵇⴰⴷⵔ ⵄⵎⴰⵕⴰ, ⴰⵎⴰⵡⵙⴰⵙ ⵏ ⵓⵎⴰⵡⴰ ⴷ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⴽⵜ ⴷ ⵡⴰⵎⴰⵏ, ⵉⴳⴰⵏ ⵙⵓⵍ ⴰⵎⴰⵡⵙⴰⵙ ⵏ ⵜⴰⴷⵓⵙⵉ, ⵓⵍⴰ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.

Dernière modification : 22 ⵏⵓⵡⴰⵏⴱⵉⵔ 2017
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B4%B3-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%AF%E2%B5%9B-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B4%B0%E2%B5%99%E2%B5%99#comment-0