Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵍⴱⴰⵥⴰⵕ ⵏ ⵜⴰⵡⵍⵍⵓⵖⵜ ⵏ ⵓⵙⴳⵔⴰⵡ ⴰⴷⵉⴱⵍⵓⵎⴰⵙⵉ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵍⴱⴰⵥⴰⵕ ⵏ ⵜⴰⵡⵍⵍⵓⵖⵜ ⵏ ⵓⵙⴳⵔⴰⵡ ⴰⴷⵉⴱⵍⵓⵎⴰⵙⵉ

03 ⴷⵓⵊⴰⵏⴱⵉⵔ 2017 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ, ⴰⵙⵙ ⵏ ⵓⵙⴰⵎⴰⵙ ⴳ ⵓⵎⵣⴳⵓⵏ ⴰⵏⴰⵎⵓⵔ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⴱⴰⵥⴰⵥ ⵏ ⵜⴰⵡⵍⵍⵓⵖⵜ ⵏ ⵓⵙⴳⵔⴰⵡ ⴰⴷⵉⴱⵍⵓⵎⴰⵙⵉ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ.

ⴷⴼⴼⵉⵔ ⵏ ⵓⴱⴱⵓⵢ ⵏ ⵓⵙⴼⵉⴼ ⵉⵏⵉⴳⵍ ⴳ ⵓⵕⵥⵥⵓⵎ ⵏ ⵓⴱⴰⵥⴰⵕ ⵏ ⵜⴰⵡⵍⵍⵓⵖⵜ, ⵙⵎⵏⵉⴷⵏ ⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵉⵙⵙⴼⵔⵓⵜⵏ ⵅⴼ ⵉⵙⵏⵜⵉⵜⵏ ⵏⵏⴰ ⵉⴳⴰ ⵓⵙⴳⵔⴰⵡ ⴰⴷⵉⴱⵍⵓⵎⴰⵙⵉ ⴳ ⵢⵉⴳⵔ ⴰⴷⵍⵙⴰⵏ ⴷ ⵓⵏⴰⵎⵓⵏ, ⴷ ⵜⵎⵙⵎⵓⵏⵉⵏ ⵏⵏⴰ ⵎⵉ ⵢⵉⴽⴽⵉ ⵜⴰⵡⵉⵣⵉ ⵏⵏⵙ ⵓⵙⴳⵔⴰⵡ ⴰⴷⵉⴱⵍⵓⵎⴰⵙⵉ ⴳ ⵎⵛⵜⴰ ⵏ ⵢⵉⴳⵔ.


ⵙ ⵓⵣⵎⵣⵣⵓ ⴷⵖ, ⵜⴳⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴰⵔⵣⴰⴼ ⵏ ⵎⵛⵜⴰ ⵏ ⵓⴳⵎⵎⴰⴹ ⵏ ⵓⴱⴰⵥⴰⵕ ⵏ ⵜⴰⵡⵍⵍⵓⵖⵜ ⵏ ⵓⵙⴳⵔⴰⵡ ⴰⴷⵉⴱⵍⵓⵎⴰⵙⵉ, ⵏⵏⴰ ⵉⴼⵙⴰⵔⵏ ⵜⵉⵢⴰⴼⵓⵜⵉⵏ ⵜⵉⵏⵉⴹⵉ ⴷ ⵜⵖⴰⵡⵙⵉⵡⵉⵏ ⵜⵉⴷⵖⵔⴰⵏⵉⵏ ⵏ ⵛⴰⵢⴳⴰⵏ ⵏ ⵜⵎⵉⵣⴰⵔ ⵏⵏⴰⴷ ⵉⴷⴷⴰⵏ ⴳ ⵎⵏⵏⴰⵡ ⵏ ⵉⵎⵏⵥⴰⵡ.


ⴳ ⵓⵙⴰⵜⵉ ⴷⵖ, ⵜⵙⵏⵉⵎⵎⵔ ⵜⵏⵙⵙⵉⵅⴼⵜ ⵏ ⵓⵙⴳⵔⴰⵡ ⴰⴷⵉⴱⵍⵓⵎⴰⵙⵉ ⵜⴰⵎⵟⵟⵓⴹⵜ ⵏ ⵓⵎⵙⵇⴰⴷ ⵏ ⵀⴰⵏⵖⴰⵕⵢⴰ ⴳ ⵕⵕⴱⴰⵟ, ⵎⴰⵙⵙⴰ ⵙⵉⵍⴼⵢⴰ ⵜⵓⵍⵎⵔ ⴼⵉⵣⴰⵏⵢⵓ, ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵙ ⵓⵙⵏⴰⴽ ⵏⵏⵙ ⴰⵅⴰⵜⴰⵔ ⵉ ⵢⵙⵏⵜⵉⵜⵏ ⵉⵏⴰⵎⵓⵏⵏ ⵏⵏⴰ ⵉⴳⴰ ⵓⵙⴳⵔⴰⵡ, ⴷ ⵉⵙⵙⵏ ⵙ ⵏ ⵜⵡⵉⵙⵉ ⵉⵥⵉⵍⵏ ⵏⵏⴰ ⵜⴳⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵏⵏⴰ ⵉⵜⵢⴰⵡⴰⵙⵏ ⵉ ⵜⵓⵜⵎⵉⵏ ⴷ ⵉⴼⵔⵓⵅⵏ ⵉⵥⵍⴰⴹⵏ.
ⴷ ⵜⵏⵏⴰ ⵎⴰⵙ ⵉⴷⵔⵓ ⴳ ⵓⴱⴰⵥⴰⵕ ⴷⵖ ⵎⵛⵜⴰ ⵏ ⵜⵎⵉⵣⴰⵔ ⴷ ⵜⵉⵏⵎⴰⵍⴰⵢⵜⵉⵏ ⴷ ⵜⵉⵎⵙⵎⵓⵏⵏ ⵏⵏⴰ ⵜⵙⵎⴷⵢⴰ ⵜⴰⴷⵍⵙⴰ ⴷ ⵓⵎⵣⵔⵓⵢ ⴷ ⵛⴰⵢⴳⴰⵏ ⵓⵙⴳⴷⵏ « ⵍⵍⵉⵅ ⴽⵓⵍⵏⵅ ⴳ ⴰⵏⵙⵙⴰ ⵢⴰⴷ ⵎⵔⴰ ⴰⴷ ⵜⵉⵍⵍⵉ ⵜⴰⵎⵙⴰⵔⵜ ⵢⴰⵏ ⵉⵙⵎⴷⵢⴰ ⴳ ⵙⵎⵏⵉⴷ ⵜⵉⵡⵉⵙⵉ ⵜⵉⵎⵟⵟⵓⴹⵜⵏ ⴷ ⵉⴼⵔⵓⵅⵏ ⵉⵥⵍⴰⴹⵏ », ⴷ ⵜⵙⵎⵖⵔ ⵙ ⵜⵓⴳⴳⴰⵣ ⵏⵏⴰ ⵉⵍⵍⵉⵏ ⵎⵔⴰ ⴰⴷ ⴰⵏⵏⴰⵍ ⵙ ⵡⴰⴷⴷⴰⴷ ⵏ ⵜⴰⵎⵟⵟⵓⴹⵜ.


ⵜⵥⵍⵉ ⵜⵡⴰⵍⴰ ⵢⴰⴷ, ⵙ ⵓⵙⵎⵏⵉⴷ ⵏ « ⵓⵙⴳⵔⴰⵡ ⴰⵎⴰⴹⵍⴰⵏ ⵏ ⵓⴼⵔⵓⵅ » ⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ, ⵏⵏⴰ ⴳ ⵜⵍⵍⴰ 40 ⵓⴼⵔⵓⵅ ⵙⴳ 8 ⴳⵔ 16 ⵓⵙⴳⴳⵯⴰⵙ, ⵉⵎⵓⵏ ⵏⵏⵙ ⵉⵎⴰⵏ ⵏ ⵜⴰⴱⴷⴰⴷⵜ ⵎⵔⴰ ⴰⴷ ⵏⴱⴹⵓ ⵏ ⵜⵉⵡⵏⴳⵉⵎⵜ ⵅⴼ ⵜⴰⵖⴰⵔⴰⵙⵜ ⵏ ⴳ ⵏⴱⴷⵓ ⵏ ⵓⵙⵏⵜⵉⵏ ⵏ ⵜⴰⵡⵍⵍⵓⵖⵜ ⴳ ⵡⴰⵙⵙ ⵏⵏⴰⵏ ⵉⵙⴷⵖⵏ ⴳ ⵜⴰⴳⵍⴷⵉⵜ.


ⵍⵍⵉ ⴳ ⵏ ⵜⵉⵡⴹ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴰⵎⵣⴳⵓⵏ ⴰⵏⴰⵎⵓⵔ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ, ⵜⵣⵣⵓⵍ ⵖⵓⴼⵙ ⵎⴰⵙⵙⴰ ⴱⴰⵙⵉⵎⴰ ⵍⵃⵇⵇⴰⵡⵉ, ⵜⴰⵎⴰⵡⴰⵙⵜ ⵏ ⵜⵡⵊⴰ ⴷ ⵓⵎⵢⴰⵡⴰⵙ ⴷ ⵜⴳⴰⴷⴷⴰ ⴷ ⵜⵉⴳⵎⵉ ⵜⴰⵏⴰⵎⵓⵏⵜ, ⴷ ⵎⴰⵙⵙ ⵎⵓⵃⵎⵎⴷ ⵎⵀⵉⴷⵢⵢⴰ, ⵍⵡⴰⵍⵉ ⵏ ⵜⴰⵙⴳⴰ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵕⴰ, ⴷ ⵎⴰⵙⵙ ⵄⴱⴷ ⵚⵚⴰⵎⴰⴷ ⵙⴽⴽⴰⵍ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⴰⵙⴳⴰ, ⴷ ⵙⴰⵄⴷ ⴱⵏⵏ ⵎⴱⴰⵔⴽ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜⵏ ⵏ ⵕⵕⴱⴰⵟ, ⴷ ⵎⵓⵃⵎⵎⴷ ⵚⴰⴷⵉⵇⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⴰⴳⵔⴰⵡⵜ ⵏ ⵕⵕⴱⴰⵟ, ⴷ ⵎⴰⵙⵙⴰ ⵙⵓⵄⴰⴷ ⵣⵅⵉⵏⵉⵏⵉ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵓⴱⵏⵏⵣ ⵏ ⵃⵙⴰⵏ, ⴷ ⵙⵉⵍⴼⵢⴰ ⵜⵓⵎⵍⵔ ⴼⵉⵣⴰⵏⵢⵓ ⵜⵏⵙⵙⵉⵅⴼⵜ ⵏ ⵓⵙⴳⵔⴰⵡ ⴰⴷⵉⴱⵍⵓⵎⴰⵙⵉ ⵜⴰⵎⵟⵟⵓⴹⵜ ⵏ ⵓⵎⵙⵇⴰⴷ ⵀⵏⴳⴰⵕⵢⴰ.


ⵉⵣⵣⵓⵍ ⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵉⴳⵎⴰⵎⵏ ⵏ ⵓⵙⵉⵔⴰ ⴰⵎⵙⴽⴰⵔⴷ ⴰⴳⵔⴰⵡ ⵉⵜⵜⵓⵙⵓⴷⵙⵏ ⵉ ⴰⵙⴳⵔⴰⵡ, ⴷ ⵎⴰⵙⵙ ⵎⵓⵃⵎⵎⴷ ⴱⵏⵏ ⵃⵙⴰⵢⵏ, ⴰⵏⵎⵀⴰⵍ ⵏ ⵓⵎⵣⴳⵓⵏ ⴰⵏⴰⵎⵓⵔ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ.

Dernière modification : 03 ⴷⵓⵊⴰⵏⴱⵉⵔ 2017
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B4%B0%E2%B5%8E-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F#comment-0