Published on MAPNews (https://www.mapnews.ma/am)

Accueil > ⵜⴰⴼⵓⴳⵍⴰ ⵏ ⵓⵙⵏⵓⴱⴳ ⵜⴰⵎⴰⴷⴷⵓⴷⵜ ⴳ ⵕⵕⴱⴰⵟ ⵅⴼ ⴰⴷⴷⵓⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴹⵓⵏ ⴼⵉⵍⵉⴱⵉ ⵡⵉⵙⵙ ⵚⴹⵉⵚ ⴷ ⵜⴳⵍⵍⵉⴷⵜ ⴹⵓⵏⴰ ⵍⵉⵜⵉⵣⵢⴰ
  1. Accueil
  2. Activités royales

ⵜⴰⴼⵓⴳⵍⴰ ⵏ ⵓⵙⵏⵓⴱⴳ ⵜⴰⵎⴰⴷⴷⵓⴷⵜ ⴳ ⵕⵕⴱⴰⵟ ⵅⴼ ⴰⴷⴷⵓⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴹⵓⵏ ⴼⵉⵍⵉⴱⵉ ⵡⵉⵙⵙ ⵚⴹⵉⵚ ⴷ ⵜⴳⵍⵍⵉⴷⵜ ⴹⵓⵏⴰ ⵍⵉⵜⵉⵣⵢⴰ

13 ⴱⵕⴰⵢⵕ 2019 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⵕⴱⵉ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵅⴰⴷⵉⵊⴰ, ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ, ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵓⵎ ⴽⵍⵜⵓⵎ, ⴰⵙⵙ ⵏ ⵓⴽⵕⴰⵙ ⴳ ⵓⵙⴰⵢⵙ ⵏ ⵍⵎⵉⵛⵡⴰⵕ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵕⵕⴱⴰⵟ, ⵢⴰⵜ ⵜⴼⵓⴳⵍⴰ ⵜⵎⴰⴷⴷⵓⴷⵜ ⵅⴼ ⴰⴷⴷⵓⵔ ⵏ ⵉⴳⵍⴷⴰⵏⵏ ⵏ ⵚⴱⴰⵏⵢⴰ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ "ⴹⵓⵏ" ⴼⵉⵍⵉⴱⵉ ⵡⵉⵙⵙ ⵚⴹⵉⵚ ⴷ ⵜⴳⵍⵍⵉⴷⵜ "ⴹⵓⵏⴰ" ⵍⵉⵜⵉⵣⵢⴰ.

ⴳ ⵜⴳⴳⵓⵔⵜ ⵏ "ⵍⵎⵉⵛⵡⴰⵕ ⵙⵙⴰⵄⵉⴷ", ⵜⵎⴰⵏ ⵜⵔⴰⴱⴱⵓⵜ ⵏ ⵉⵢⵢⵙⵏ ⵉⴹⴼⴰⵕⵏ ⵉ ⵡⵃⵟⵟⵓ ⴰⴳⵍⴷⴰⵏ ⴷ ⵍⵎⴰⵡⴽⵉⴱ ⴰⴳⵍⴷⴰⵏ ⵙⴳ "ⵜⴳⴳⵓⵔⵜ ⵏ ⵉⵎⵙⵇⴰⴷⵏ" ⴰⵔ ⵓⵙⵔⴰⵢ ⵏ ⵍⵎⵛⵡⴰⵕ.

ⵍⵍⵉⵖ ⵉⵍⴽⵎ ⵍⵎⴰⵡⴽⵉⴱ ⴰⴳⵍⴷⴰⵏ ⴰⵙⵔⴰⵢ ⵏ ⵍⵎⵉⵛⵡⴰⵕ, ⵉⴷⴷⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⵉⵏⴱⴳⵉⵡⵏ ⵉⵎⵇⵇⵓⵕⵏ ⵏⵏⵙ ⵙ ⵜⵎⵓⵖⵍⵉⵜ ⵏ ⵡⴰⴷⴷⵓⵔ, ⵍⵍⵉⵖ ⵣⵓⵍⵏ ⴰⵛⵉⵏⴰⵏ ⵙ ⵉⵣⵍⵉⵏ ⵉⵏⴰⵎⵓⵔⵏ ⵏ ⵙⵏⴰⵜ ⵏ ⵜⵎⵉⵣⴰⵔ. ⴷ ⵢⵓⵜ ⵍⵎⴷⴼⵄ 21 ⵜⵡⵜⵓⵜ ⵙ ⵓⵣⵓⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ "ⴹⵓⵏ" ⴼⵉⵍⵉⴱⵉ ⵡⵓⵙⵙ ⵚⴹⵉⵚ ⴷ ⵜⴳⵍⵍⵉⴷⵜ "ⴹⵓⵏⵢⴰ" ⵍⵉⵜⵉⵣⵢⴰ.

ⴷⴷⴼⵉⵔ ⴰⴷ, ⵉⵙⵣⵣⵔⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⵙⵉⵏ ⵉⵏⴱⴳⵉⵡⵏ ⵉⵎⵇⵇⵓⵕⵏ, ⵢⴰⵏ ⵓⴳⵔⴰⵡ ⵏ ⵓⵃⵟⵟⵓ ⴰⴳⵍⴷⴰⵏ ⵍⵍⵉ ⵢⴼⴽⴰⵏ ⴰⵣⵓⵍ ⴰⵎⴰⴷⴷⵓⴷ, ⴷⴰⵜ ⴰⴷ ⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ "ⴹⵓⵏ" ⴼⵉⵍⵉⴱⵉ ⵡⵓⵙⵙ ⵚⴹⵉⵚ ⴷ ⵜⴳⵍⵍⵉⴷⵜ "ⴹⵓⵏⴰ" ⵍⵉⵜⵉⵣⵢⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵉⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵉⵎⵓⵔⴰ ⴷ ⵉⵎⵛⵛⵉⵡⵕⵏ, ⴷ ⴰⵎⴰⵡⵙⴰⵙ ⵏ ⵓⵡⴰⵏⴽ ⵉⵜⵜⵓⵙⵍⴳⴰⵏⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ, ⴷ ⵓⵏⵙⵙⵉⵅⴼ ⴰⵎⵣⵡⴰⵔⵓ ⵏ ⵜⵏⴱⴹⴰⵢⵜ ⵏ ⵜⵕⵓⵣⵉ, ⴷ ⵍⵡⴰⴽⵉⵍ ⴰⵎⴰⵜⴰⵢ ⵏ ⵓⴳⵍⵍⵉⴷ ⵖⵓⵔ ⵜⵏⴱⴹⴰⵢⵜ ⴰⴷ, ⴷ ⵉⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵉⴷⵓⵙⵜⵓⵔⵉⵢⵏ.

ⵣⵓⵍⵏ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴹⵓⵏ ⴼⵉⵍⵉⴱⵉ ⵡⵉⵙⵙ ⵚⴹⵉⵚ ⴷ ⵜⴰⴳⵍⵍⵉⴷⵜ ⴹⵓⵏⴰ ⵍⵉⵜⵉⵣⵢⴰ ⵓⵏⵎⵍⴰⵍ ⵏ ⵜⵎⵉⵔⵉⵜ ⵉⵥⵍⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⴷⵉ, ⴷ ⵍⵃⴰⵊⵉⴱ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵓⵎⵙⵉⵡⵍ ⵙ ⵢⵉⵙⵎ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴷ ⵓⵎⵣⵔⵔⵓⵢ ⵏ ⵜⴳⵍⴷⵉⵜ, ⴷ ⵉⴳⵎⴰⵎⵏ ⵏ ⵓⴱⵔⵙⵉⵔⴰ ⴰⴳⵍⴷⴰⵏ, ⴷ ⵉⵏⵙⵙⵉⵅⴼⵏ ⵏ ⵜⵙⵎⵉⴳⵍⵉⵏ ⵜⵉⴷⵉⴱⵍⵓⵎⴰⵙⵉⵢⵏ ⵜⵓⵕⵓⴱⴱⵉⵢⵏ ⵉⵍⵍⴰⵏ ⴳ ⵕⵕⴱⴰⵟ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ ⵙⵍⴰ ⵇⵏⵉⵟⵕⴰ, ⴷ ⵉⵎⵙⵜⵉⵏ ⵉⴷⵖⵔⴰⵏ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵉⵄⵙⴽⵕⵉⵢⵏ ⴷ ⵓⵖⵔⵉⵎⵏ. 

ⴷⴼⴼⵉⵔ ⵏ ⵖⵉⴽⴰⵏⵏ, ⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴳⵎⴰⵎⵏ ⵏ ⵓⴽⴰⴱⴰⵕ ⴰⵎⴰⴷⴷⵓⴷ ⵉⵎⴰⵏⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴹⵓⵏ ⴼⵉⵍⵉⴱⵉ ⵡⵉⵙⵙ ⵚⴹⵉⵚ ⴷ ⵜⴰⴳⵍⵍⵉⴷⵜ ⴹⵓⵏⴰ ⵍⵉⵜⵉⵣⵢⴰ, ⵎⴰ ⵢⴰⴷ ⴳⵉⵜ ⵉⵍⵍⴰⵏ ⵙⵍⴰⵡⴰⵏ ⴰⴽⴽⵯ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵏ ⵜⵎⵓⵏⵜ ⵜⵓⵕⵓⴱⴱⵉⵜ ⴷ ⵓⵎⵢⴰⵡⴰⵙ, ⵊⵓⵣⵉⴱ ⴱⵓⵔⵉⵍ, ⴷ ⵓⵎⴰⵡⵙⴰⵙ ⵏ ⵓⴳⵏⵙⵓ, ⴼⵉⵔⵏⴰⵏⴷⵓ ⴳⵔⴰⵏⴷⵉ ⵎⴰⵔⵍⴰⵙⴽⴰ, ⴷ ⵜⵎⴰⵡⵙⴰⵙⵜ ⵏ ⵜⵎⴳⵓⵔⵉ ⴷ ⵏ ⵜⵙⴱⴱⴰⴱⵜ ⴷ ⵏ ⵜⵎⴰⵍⵍⴰⵢⵜ, ⵕⵉⵢⵉⵙ ⵎⴰⵔⴰⵜⵓ, ⴷ ⵓⵎⴰⵡⵙⴰⵙ ⵏ ⵜⵏⴼⵍⴰⵃⵜ ⴷ ⵏ ⵜⴳⵎⵔⵜ ⵜⴰⵢⵍⴰⵏⵜ ⴷ ⵏ ⵜⵎⵙⴰⴷⵓⵔⵜ, ⵍⵡⵉⵙ ⴱⴰⵍⴰⵏⴰⵙ, ⴷ ⵓⵎⴰⵡⵙⴰⵙ ⵏ ⵜⴷⵍⵙⴰ ⴷ ⵏ ⵜⵓⵏⵏⵓⵏⵜ, ⵅⵓⵙⵉ ⴳⵉⵕⴰⵡ.

ⵣⵓⵍⵏ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵓⵎⵙⵇⴰⴷ ⵏ ⵜⴳⵍⴷⵉⵜ ⵏ ⵚⴱⴰⵏⵢⴰ ⴳ ⵍⵎⵖⵔⵉⴱ, ⵎⴰⵙⵙ ⵕⵉⴽⴰⵕⴷⵓ ⴷⵢⵉⵣ ⵀⵓⵛⵍⴰⵢⵜⵏⵕ ⵕⵉⴷⵔⵉⴳⵉⵣ, ⵓⵍⴰ ⵢⴳⵎⴰⵎⵏ ⵏ ⵓⵙⵎⴷⵢⴰ ⴰⴷⵉⴱⵍⵓⵎⴰⵙⵉ ⴰⵚⴱⵍⵢⵓⵏⵉ.   

ⴷⴼⴼⵉⵔ ⵏ ⵖⵉⴽⴰⵏⵏ, ⵣⵓⵍⵏ ⵉⴳⵍⵍⵉⴷⵏ ⵏ ⵚⴱⴰⵏⵢⴰ ⵉⴳⵎⴰⵎⵏ ⵏ ⵓⴳⵔⴰⵡ ⵏ ⵡⴰⴷⴷⵓⵔ. ⴷ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ, ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵎⵍⴰⵖⴰⵏ ⵉⵎⵇⵕⴰⵏⵏ ⵏⵏⵙ ⴰⴷ ⴷⵔⵓⵏ ⴳ ⵜⴼⵓⴳⵍⴰ ⵜⴰⵇⴱⵓⵕⵜ ⵏ ⵜⵉⴽⴽⵉ ⵏ ⵓⴼⵛⴰⵢ ⴷ ⵜⵉⵢⵏⵉ, ⴷⴰⵜ ⴰⴷ ⴰⵎⵥⵏ ⵙⵏⴰⵜ ⵏ ⵜⵡⴰⵛⵓⵏⵉⵏ ⵜⵉⴳⵍⴷⴰⵏⵉⵏ ⵜⵉⵡⵍⴰⴼⵉⵏ ⵏ ⵓⴽⵜⵜⴰⵢ.

Dernière modification : 14 ⴱⵕⴰⵢⵕ 2019
Source URL: https://www.mapnews.ma/am/activites-royales/%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%9C%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7%E2%B5%9C-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%85%E2%B4%BC-%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B9%E2%B5%93%E2%B5%8F-%E2%B4%BC%E2%B5%89%E2%B5%8D%E2%B5%89%E2%B4%B1%E2%B5%89-%E2%B5%A1%E2%B5%89%E2%B5%99%E2%B5%99