Published on MAPNews (https://www.mapnews.ma/am)

Accueil > ⵣⵔⴼⵏⵜ ⵜⴳⵍⵍⵉⴷⵜ ⵏ ⵚⴱⵍⵢⵓⵏ ⵍⵉⵜⵉⵣⵢⴰ ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⵉⵏⵎⵍ ⵏ ⵓⵣⵎⵣ ⵡⵉⵙⵙ ⵙⵉⵏ ⴳ ⵙⵍⴰ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵣⵔⴼⵏⵜ ⵜⴳⵍⵍⵉⴷⵜ ⵏ ⵚⴱⵍⵢⵓⵏ ⵍⵉⵜⵉⵣⵢⴰ ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⵉⵏⵎⵍ ⵏ ⵓⵣⵎⵣ ⵡⵉⵙⵙ ⵙⵉⵏ ⴳ ⵙⵍⴰ

14 ⴱⵕⴰⵢⵕ 2019 Version Imprimable
ⵙⵍⴰ - ⵜⵙⴽⵔ ⵍⴰⵍⵍ ⵏ ⵡⴰⴷⴷⵓⵔ ⵜⴳⵍⵍⵉⴷⵜ ⵍⵉⵜⵉⵣⵢⴰ, ⵜⴰⴳⵍⵍⵉⴷⵜ ⵏ ⵚⴱⵍⵢⵓⵏ, ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵜⴰⵏⵙⵙⵉⵅⴼⵜ ⵏ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵉⴼⵔⵅⴰⵏ, ⴰⵙⵙ ⵏ ⵓⴽⵡⴰⵙ, ⵢⴰⵏ ⵓⵔⵣⴰⴼ ⵉ ⵜⵉⵏⵎⵍ ⵏ ⵓⵣⵎⵣ ⵡⵉⵙⵙ ⵙⵉⵏ (ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵓⵙⵉⵔⴽ "ⵜⴰⴼⵓⴽⵜ ⵉⵏⵏⵓ" (ⵛⴰⵎⵙⵉ)) ⴳ ⵙⵍⴰ, ⵎⴰ ⵢⴰⴷ ⵉⵔⴰⵏ ⴰⴷ ⵜⵙⵔⵙ ⴰⵙⴷⴼ ⴷ ⵜⴰⵣⵔⴰⴼⵜ ⵜⴰⵏⴰⵎⵓⵏⵜ ⴰⴼ ⴰⴷ ⵜⵍⴽⵎ ⵜⴳⵎⵉ ⵜⴰⵙⵓⵎⵓⵜ.

ⴳ ⵓⵣⵎⵣⵣⵓ ⴷⵖ, ⵜⵙⵎⵏⴷ ⵜⵎⵀⴰⵍⵜ ⵜⴰⵎⵙⴽⴰⵔⵜ ⵏ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵉⴼⵔⵅⴰⵏ, ⵎⴰⵙⵙⴰ ⵍⴰⵎⵢⴰ ⴱⴰⵣⵉⵔ, ⵉ ⵍⴰⵍⵍ ⵏ ⵡⴰⴷⴷⵓⵔ ⵜⴰⴳⵍⵍⵉⴷⵜ ⵍⵉⵜⵉⵣⵢⴰ ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵢⴰⵏ ⵓⵙⴰⴼⴰⵔ ⵅⴼ ⵉⵙⵓⴷⴷⵓⵏ ⵉⵜⵜⵓⴹⴼⴰⵕⵏ ⵙⴳ ⴰⵡⴰⵏⴽ ⵎⵔⴰ ⴰⴷ ⵉⴼⵓⵍⴽⵉ ⵡⴽⵛⵛⵓⵎ ⵏ ⴰⴽⴽⵯ ⵉⴼⵔⵅⴰⵏ ⵙ ⵓⵙⴳⵎⵉ ⴷ ⵓⵙⵎⵓⵜⵜⴳ. 

ⵜⵜⵓⵙⵎⵏⴰⴷⵏ ⵙⵓⵍ ⵉⵙⴳⵓⵎⵏ ⵏ ⵓⵙⴳⵎⵉ ⵓⵔ ⵉⵙⵏⵡⴰⵏ ⴷ ⵏ ⵜⵉⵏⵎⵍ ⵏ ⵓⵣⵎⵣ ⵡⵉⵙⵙ ⵙⵉⵏ, ⵎⴰ ⵢⴰⴷ ⵉⴳⴰⵏ ⵢⴰⵏ ⴰⵎⵉⴽⴰⵏⵉⵣⵎ ⵏ ⵓⵙⵙⴽⵛⵎ ⵉⴼⵔⵅⴰⵏ ⵓⵔ ⵉⵖⵔⵉⵏ, ⵎⴰ ⵔⴰⴷ ⵜⵙⵓⴷⵙ ⴳ ⵓⵙⴰⵜⵉ ⵏ ⵜⵙⵏⵜⴰⵢⵜ "ⵕⵕⴱⴰⵟ ⵜⴰⵖⵔⵎⵜ ⵍⵍⵉ ⵓⵔ ⴳⵉⵜ ⵉⵍⵍⴰⵏ ⵉⴼⵔⵅⴰⵏ ⴳ ⴰⴷⴷⴰⴷ ⵏ ⵜⵙⵓⴽⵜ".

ⴳ ⵜⴰⵎⵎ ⵏ ⵓⵔⵣⴰⴼ ⴰⴷ, ⵃⴰⴹⵕⵏⵜ ⵍⴰⵍⵍ ⵏ ⵡⴰⴷⴷⵓⵔ ⵜⴳⵍⵍⵉⴷⵜ ⵍⵉⵜⵉⵣⵢⴰ ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵢⴰⵏ ⴰⵙⴰⴼⵔ ⴰⵏⴰⵥⵓⵔ ⵏ ⵜⵉⵄⵄⵓⵔⵎⴰ ⵏ ⵓⵙⵉⵔⴽ "ⵜⴰⴼⵓⴽⵜ ⵉⵏⵏⵓ".

ⵍⵍⵉⵖ ⵍⴽⵎⵏⵜ ⵙ ⵜⵉⵏⵎⵍ ⵏ ⵓⵣⵎⵣⵣⵓ ⵡⵉⵙⵙ ⵙⵉⵏ (ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵓⵙⵉⵔⴽ "ⵜⴰⴼⵓⴽⵜ ⵉⵏⵏⵓ") ⴳ ⵙⵍⴰ, ⵙⵙⵣⵔⵉⵏⵜ ⵍⴰⵍⵍ ⵏ ⵡⴰⴷⴷⵓⵔ ⵜⴳⵍⵍⵉⴷⵜ ⵍⵉⵜⵉⵣⵢⴰ ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵢⴰⵏ ⴰⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜⵏ ⵉⴼⴽⴰⵏ ⴰⵣⵓⵍ, ⴷⴰⵔ ⴰⴷ ⵜⵏ ⵣⵓⵍⵏ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵥⵓⵍⴰⵏ ⴷ ⵓⵙⵍⵎⴷ ⴰⵎⴰⵜⵜⴰⵢ ⴷ ⵓⵙⵉⴳⴳⵍ ⴰⵎⴰⵙⵙⴰⵏ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵕⴰ, ⴷ ⵍⵡⴰⵍⵉ ⵏ ⵓⵣⴷⴷⵓⵢ ⴰⵏⴰⵎⵓⵔ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵏ ⵓⴼⴳⴰⵏ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.

Dernière modification : 14 ⴱⵕⴰⵢⵕ 2019
Source URL: https://www.mapnews.ma/am/activites-princieres/%E2%B5%A3%E2%B5%94%E2%B4%BC%E2%B5%8F%E2%B5%9C-%E2%B5%9C%E2%B4%B3%E2%B5%8D%E2%B5%8D%E2%B5%89%E2%B4%B7%E2%B5%9C-%E2%B5%8F-%E2%B5%9A%E2%B4%B1%E2%B5%8D%E2%B5%A2%E2%B5%93%E2%B5%8F-%E2%B5%8D%E2%B5%89%E2%B5%9C%E2%B5%89%E2%B5%A3%E2%B5%A2%E2%B4%B0-%E2%B4%B7-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E