Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵜⵎⴰⵔⴰ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵎⵎⴰⵙ ⴰⴷⵖⵔⴰⵏ ⵏ ⵜⴷⵓⵙⵉ "ⵍⵎⴰⵙⵉⵔⴰ 2" ⴷⴼⴼⵉⵔ ⵍⵍⵉⵖ ⴳⵉⵜ ⵣⵔⵉⵏ ⵜⵡⵓⵔⵉⵡⵉⵏ ⵏ ⵓⵙⵎⴰⵢⵏⵓ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵜⵎⴰⵔⴰ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵎⵎⴰⵙ ⴰⴷⵖⵔⴰⵏ ⵏ ⵜⴷⵓⵙⵉ "ⵍⵎⴰⵙⵉⵔⴰ 2" ⴷⴼⴼⵉⵔ ⵍⵍⵉⵖ ⴳⵉⵜ ⵣⵔⵉⵏ ⵜⵡⵓⵔⵉⵡⵉⵏ ⵏ ⵓⵙⵎⴰⵢⵏⵓ

18 ⴱⵕⴰⵢⵕ 2019 Version Imprimable
ⵜⵎⴰⵔⴰ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵡⴰⴷⴷⵓⵔ ⵏ ⵜⵎⵙⵎⵓⵏⵜ ⵏ ⵜⴳⵎⵉ ⵜⴰⵏⴼⴳⴰⵏⵜ "ⵃⴰⵙⴰⵏⴰⵜ", ⴰⵙⵙ ⵏ ⵓⵢⵏⴰⵙ ⴳ ⵜⵖⵔⵎⵜ ⵏ ⵜⵎⴰⵔⴰ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵎⵎⴰⵙ ⴰⴷⵖⵔⴰⵏ ⵏ ⵜⴷⵓⵙⵉ "ⵍⵎⴰⵙⵉⵔⴰ 2", ⵉⴹⴼⴰⵕⵏ ⵉ ⵜⵙⵎⵉⵔⵜ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴳ ⵜⵎⵏⴱⴰⴹⵜ ⵏ ⵚⵚⵅⵉⵕⴰⵜ-ⵜⵎⴰⵔⴰ, ⴷⴼⴼⵉⵔ ⵍⵍⵉⵖ ⴳⵉⵜ ⵣⵔⵉⵏ ⵜⵡⵓⵔⵉⵡⵉⵏ ⵏ ⵓⵙⵎⴰⵢⵏⵓ.

ⴳ ⵓⵣⵎⵣⵣⵓ ⵢⴰⴷ, ⵜⴹⴼⵕ ⵍⴰⵍⵍ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⵍⴰⵍⴰ ⵃⵙⵏⴰ ⵎⵏⵏⴰⵡ ⵏ ⵉⵙⵙⴼⵔⵓⵏ ⵅⴼ ⵜⵡⵓⵔⵉⵡⵉⵏ ⵏ ⵓⵎⵎⴰⵙ, ⴷⴰⵜ ⴰⴷ ⵜⵙⴽⵔ ⴰⵔⵣⴰⴼ ⵏ ⵎⵏⵏⴰⵡ ⵏ ⵉⵏⵙⴰⵏ ⵉⴳⴰⵏ ⵉ ⵡⵙⵏⵓⴱⴳ ⴷ ⵜⵉⴽⴽⵉ ⵏ ⵓⵙⵙⵏⵊⵉ.

ⵜⴹⴼⵕ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⴰⵕⵥⵥⵓⵎ ⵏ ⵢⴰⵏ ⵍⴼⵉⵍⵎ ⵏ ⵓⵏⵜⵉⵎ ⵏ ⵓⴼⴰⵔⴽ ⵍⵍⵉ ⵔⴰⴷ ⵉⵣⵔⵉ ⴳ ⵉⵎⵉⵥⴰⵕ ⵏ ⵜⵉⵍⵉⴼⵉⵣⵢⵓⵏ ⵢⵓⴳⵍⵏ ⴳ ⵜⵣⵇⵇⵉⵡⵉⵏ ⵏ ⵓⵙⴰⴳⴳⵎ ⴳ ⵉⵎⵎⴰⵙⵏ ⵏ ⵜⴷⵓⵙⵉ, ⵎⵔⴰ ⴰⴷ ⵃⵟⵟⵓⵏ ⵎⵉⴷⴷⵏ ⵉⵎⵎⵕⵉⴹⵏ ⵅⴼ ⵜⵉⵎⵔⵙⴰⵍⵉⵏ ⵏⵏⵙⵏ ⵍⵍⵉ ⵢⵣⵣⵔⵉⵏ ⴰⵙⵎⴰⵢⵏⵓ. ⴷⴼⴼⵉⵔ ⵏ ⵖⵉⴽⴰⵏⵏ, ⵜⵙⴰⴱⵄⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵉⵙⵙⴼⵔⵓⵏ ⵅⴼ "ⴰⴳⵊⴷⵉ ⵏ ⵉⵎⵎⴰ ⴷ ⵏ ⵓⴼⵔⵓⵅ". 

ⴳ ⵓⵣⵎⵎⵣⵓ ⴷⵖ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵙⵏⴰⵜ ⵜⵉⵎⵢⴰⵇⵇⴰⵏⵉⵏ ⵏ ⵜⴷⵔⴰⵡⵜ.

ⵜⴳⴳⵔ ⵜⵎⵢⴰⵇⵇⴰⵏⵜ ⵜⴰⵎⵣⵡⴰⵔⵓⵜ, ⵍⵍⵉ ⵙⴳⵎⴹⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵏ ⵜⴳⵎⵉ ⵜⴰⵏⴼⴳⴰⵏⵜ "ⵃⴰⵙⴰⵏⴰⵜ", ⵎⴰⵙⵙⴰ ⴷⵓⵏⵢⴰ ⴱⵏⵢⴰⵄⵉⵛ, ⴷ ⵓⵏⵎⵀⴰⵍ ⴰⵎⵙⴽⴰⵔ ⵏ ⵜⵉⵎⵀⵍⵉⵏ ⵜⵉⵎⴳⵓⵔⴰⵏⵉⵏ ⵏ ⵓⴳⵔⴰⵡ ⵏ ⵓⵙⵉⵔⴰ ⴰⵛⵛⵔⵉⴼ ⵏ ⵍⴼⵓⵚⴼⴰⵟ, ⵎⴰⵙⵙ ⵉⵍⵢⴰⵙ ⵍⴼⴰⵍⵉ, ⴰⵙⵎⴰⵢⵏⵓ ⵏ ⴽⴽⵓⵥ ⵏ ⵉⵎⵎⴰⵙⵏ ⵏ ⵜⴷⵓⵙⵉ, ⵎⴰ ⵢⴰⴷ ⵉⴳⴰⵏ ⴰⵎⵎⴰⵙ ⵏ ⵜⴷⵓⵙⵉ ⵏ ⵜⴳⵔⴰⵡⵜ ⵙⵉⴷⵉ ⵍⵄⴰⴱⴷ, ⴷ ⵓⵎⵎⴰⵙ ⵏ ⵜⴷⵓⵙⵉ ⵏ ⵜⴳⵔⴰⵡⵜ ⵎⵓⵍⴰⵢ ⵄⴱⴷⵍⵍⴰⵀ, ⴷ ⵓⵎⵎⴰⵙ ⵏ ⵜⴷⵓⵙⵉ ⵏ ⵜⴳⵔⴰⵡⵜ ⵡⵍⴰⴷ ⵃⵙⴰⵢⵏ, ⴷ ⵓⵎⵎⴰⵙ ⵏ ⵓⴽⴰⵣ ⴱⵓⵛⵕⵉⵟ ⴳ ⵜⵙⴳⴰ ⵏ ⵊⵊⴷⵉⴷⴰ.

ⴰⵎⵎⴰ ⵜⵎⵢⴰⵇⵇⴰⵏⵜ ⵜⵉⵙⵙ ⵙⵏⴰⵜ, ⵍⵍⵉ ⵙⴳⵎⴹⵏ ⵎⴰⵙⵙⴰ ⴱⵏⵢⴰⵄⵉⵛ ⴷ ⵎⴰⵙⵙ ⴷⵔⵉⵙ ⵍⵡⴰⵣⵣⴰⵏⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⵙⵙⵓⵔⵜ "ⵕⵉⴹⴰⵍ", ⵜⵔⴰ ⴰⴷ ⵜⴷⵔⵓ ⵜⵎⵙⵎⵓⵏⵜ ⴳ ⵜⵡⵓⵔⵉⵡⵉⵏ ⵏ ⵜⵏⴽⵔⴰ ⵙ ⵉⵎⵎⴰⵙⵏ ⵏ ⵜⴷⵓⵙⵉ.

ⵍⵍⵉⵖ ⵜⵍⴽⵎ ⵙ ⵓⵎⵎⴰⵙ ⴰⴷⵖⵔⴰⵏ ⵏ ⵜⴷⵓⵙⵉ "ⵍⵎⴰⵙⵉⵔⴰ 2", ⵜⵙⵙⵣⵔⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵏ ⵓⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ, ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵜ ⵣⵓⵍⵏ ⵍⵓⵎⵎⵏ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵥⵓⵍⴰⵏ ⴷ ⵓⵙⵍⵎⴷ ⴰⵎⴰⵜⵜⴰⵢ ⴷ ⵓⵙⵉⴳⴳⵍ ⴰⵎⴰⵙⵙⴰⵏ, ⴷ ⵓⵎⴰⵡⵙⴰⵙ ⵏ ⵜⴷⵓⵙⵉ, ⴷ ⵓⵎⵙⵇⴰⴷ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⴰⵏⵏ ⴳ ⵕⵕⴱⴰⵟ, ⴷ ⵎⵏⵏⴰⵡ ⵏ ⵎⴷⴷⵏ ⵢⴰⴹⵏⵉⵏ.

Dernière modification : 19 ⴱⵕⴰⵢⵕ 2019
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B4%B3-%E2%B5%9C%E2%B5%8E%E2%B4%B0%E2%B5%94%E2%B4%B0-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F