ⵎⵇⵇⴰⵕ ⵏ ⵜⵍⴽⴰⵎⵉⵏ ⵉⵛⵇⵇⴰⵏ ⵍⵍⵉ ⴷ ⵢⵉⵡⵉ ⵡⴱⴰⵢⵢⵓⵕ "ⴽⵓⵕⵓⵏⴰ" ⵍⵍⵉ ⵢⴳⴳⵯⵣⵏ ⵅⴼ ⵓⵙⴰⵢⵔⴰⵔ ⴰⴷⵍⵙⴰⵏ ⴰⵏⴰⵎⵓⵔ ⴷ ⵉⴳⵔⴰⵖⵍⴰⵏ ⴳ ⵓⵙⴳⴳⵯⴰⵙ ⵏ 2020 ⴷ ⵉⵙⵔⵙⵏ ⵢⴰⵜ ⵜⴽⵍⵉⵜ ⵜⴰⵙⵍⵉⴳⵜ, ⵜⵥⴹⵕ ⵜⴷⵍⵙⴰ ⵜⵎⴰⵣⵉⵖⵜ ⴰⴷ ⵜⴰⵊⵊ ⵢⴰⵜ ⵜⵉⵍⵉⵜ ⵉⴼⵓⵍⴽⵉⵏ ⴳ ⵉⴳⵔ ⴰⴷⵍⵙⴰⵏ ⵓⵍⴰ ⴰⵙⵔⵜⴰⵏ ⴳ ⵜⴳⵍⴷⵉⵜ.

ⵜⵔⵏⴰ ⵜⵎⵀⵍⴰ ⵜⵙⴳⴰⵡⵉⵜ ⵏ ⵓⵙⴳⵎⵉ ⴰⵏⴰⵎⵓⵔ ⴳ ⵜⵉⵏⵖⵉⵔ ⵜⴰⵎⵀⵍⴰ ⵏ ⵓⵙⵢⴰⴼⵓ ⵏ ⵜⵔⵎⵉⵏ ⵜⵉⵡⵍⴼⵉⵏ ⵍⵍⵉ ⵙⵎⵏⴰⴷⵏ ⵉⵙⵍⵎⴷⵏ ⴷ ⵜⵙⵍⵎⴰⴷⵏ ⵏ ⵓⵙⴳⵎⵉ ⴰⵎⵏⵣⵓ.

ⵉⵙⵙⵓⴼⵖ ⴳ ⵡⵙⵙⴰⵏ ⵉⵣⵔⵉⵏ ⴰⴷ, ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ, ⵢⴰⵏ ⵓⴷⵍⵉⵙ ⵎⵓ ⵢⵙⵎ "ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ: ⵜⴰⴱⵔⵉⴷⵜ ⴷ ⵉⴼⴰⵔⵙⵏ", ⵙ ⵜⵓⵜⵍⴰⵢⵉⵏ ⵜⴰⵄⵕⴰⴱⵜ ⴷ ⵜⵎⴰⵣⵉⵖⵜ, ⵉⵙⴰⵡⵍⵏ ⵅⴼ ⵜⵉⵍⴰⵍⵜ ⵏ ⵓⵙⵉⵏⴰⴳ ⴳ ⵉⴳⵔ ⵏ ⵓⵙⵓⵜⴳ ⴷ ⵜⵏⴰⵢⵜ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⵉⵎⴰⵥⵉⵖⵏ, ⵎⴰ ⵢⴰⴷ ⵉⴳⴰⵏ ⵉⴼⵔⴷⵉⵙⵏ ⵉⴷⴷⵓⵔⵏ ⵏ ⵜⵎⴰⴳⵉⵜ ⵜⴰⴷⵍⵙⴰⵏⵜ ⵜⴰⵏⴰⵎⵓⵔⵜ.